（還要走多遠）尼馬故外傳之香港殺入世界盃（2）

例牌去探下鍾仔

發現有個女仔拜緊 之後父女相認

文呢？

帽事

而家先發現呢個故，作為香港足球支持者，真係慚愧，之後要慢慢煲返之前幾季先。

真係睇到好熱血，好有故事感！我相信梁sir你，同我地呢一代嘅人，都希望呢個故會成真！

就嚟完故，祝你生活愉快，可以唔返香港就唔好返喇

多謝巴打

香港長遠黎講真係住不得，但由細到大都喺呢度成長，點會捨得走？況且生活迫人，去完個長旅行點都要返黎面對現實

出文啦

我明⋯但睇住呢度慢慢腐爛，真係好心痛⋯

睇下有無可能用你嘅資歷走啦⋯

第八十五章


香港隊的世界盃祝捷大會於星期日決賽前夕，在新香港大球場進行。


「有請香港足球隊領隊積sir！」


在體委會主席郭嘉諾先生親自宣佈下，積甸拿克及教練團成員率先上台接受球迷掌聲，然後才到球員出場，先是殺入十六強的功臣門神謝家豪﹑然後是球隊首席射手劉尚發﹑隊長李翰林等……最後才到我壓軸出場。

我接過手上的咪高峰，正想說幾句話答謝球迷。


「點解好似少左個人？」
「係囉……德仔呢？」
「德仔！！德仔！！」


貴為「民間特首」，球迷發現德仔缺席祝捷大會，立時引起哄動。


「各位，唔好意思……」我道。
「德仔今日唔可以同大家見面。」
「what！！？？」
「點解？？我專登黎佢架 」
「佢臨時有事要離開香港，大家遲d就會知道原因，希望大家體諒。」


我安撫著一班失落的球迷，心裡知道德仔如今正在前赴西班牙的班機上，即將為自己的足球生涯畫上新的一筆。

祝捷大會完結後，球員走到觀眾席跟球迷拍照交流，場面熱鬧。半小時後，終於輪到戲肉，工作人員在南看台架起了大銀幕，播放本年度的世界盃終極一戰－葡萄牙對阿根廷。



「無獨有偶，兩支決賽份子今屆曾經先後對過香港……」我再次拿起咪高峰。
「所以……哈哈！無論最終邊一隊贏冠軍，我地可以好自豪咁講：今屆世界盃，只有冠亞軍兩支球隊擊敗過我地！」
「哈哈！！」
「香港萬歲！」



帶著球迷自high一番，我馬上回到座位迎接決賽來臨。對我而言，自然支持好友傑高能夠奠定球王地位，高舉世界盃。

「葡萄牙陣容冇變，繼續由傑高擔正﹑前線比斯克攻堅……」
「阿根廷方面再出三個調動，『子彈』普天奴力爭神射手﹑中場雙核巴古沙尼馬倫作後上支援。」
「兩大主帥－丙朗﹑美斯雙手一握，當年喺球壇呼風喚雨，到底邊位今日可以一圓世盃夢？」
「2038世界盃終極一戰，正式展開！」



嗶！


大銀幕之上，兩大主帥神色凝重，多年以來場上爭逐至場下，如今將聲名賭在一班後輩之上。



「yeah！！！」
「牙朗加油！傑高加油！ 」
「fuck！美斯先係歷史球王！ 」
「Don’t lose for me Argentina！」




自世界盃開鑼，足球深深影響著香城每一個人，即使香港隊經已出局，一個月累積以來的足球狂熱沒有絲毫減退。



噠噠……



和歷屆大多數的決賽一樣，雙方上半場踢得審慎，半場比數維持0－0。下半場中段，個性較進取的丙朗率先行動，換上分組賽攻入港隊兩球的「隱形俠」沙維奧。

憑著這一點進取，他最終順利名留青史。




「下半場77分鐘，葡萄牙反擊中路突破，傑高一記精準直線送到沙維奧腳下……」
「喺淘汰賽階段不見蹤影既『隱形俠』終於現身，半單刀一腳射破阿根廷大門！」
「一比零，葡萄牙領先！」




失守的阿根廷坐擁地利，落後下球迷依然落力叫陣，希望為國家隊注入力量平反敗局。





嗶～嗶～嗶～～


葡萄牙1－0阿根廷 FT



可惜，主場氣勢沒有成功拯救美斯的球隊。隨著球證哨子三響，葡萄牙一球擊敗阿根廷，首度奪得世界盃冠軍！

德仔 巴塞？

「Yeah！！！」
「葡萄牙，冠軍！！」


33歲的傑高修成正果，由飛兒晉升世界球王；辛苦經營的丙朗亦成為世盃冠軍教練，一老一少相擁而哭，場面感人。




「2038年世界盃冠軍……葡萄牙！」



傑高以隊長身份從國際足協主席手上接過大力神盃，高舉葡葡牙在世界球壇的皇者地位。隨著這一舉，大力神盃亦完成其歷史任務。







啪！啪！啪！


阿根廷飲恨輸球，但首都布宜諾斯艾利斯依然煙花催燦，我們隔著螢幕亦能感受到那份帶著不捨的歡樂。

2038年世界盃，絕對是史上最好的世界盃。



－－－－－－－－－－－－－－－－－－－－－－



與此同時，西班牙塞維亞球場。



「我地今次同對方球會會面，鹿島鹿角表明希望將行動保密，以免影響球隊部署。」伊利先生道。
「我知道了。」德仔回答。
「記住，對方對你有興趣只係因為兩﹑三場世界盃比賽。要站穩陣腳，你必須比更加努力證明自己。」
「……」



德仔精神萎靡，十多小時的飛行也實在令人疲俺。

從阿根廷回來後發生的事情實在太快，他還未及消化，已經身在地球的另一邊。事實上，他仍未完全從決賽週的精神壓力抽離出來，特別是蒙特維多之役的十二碼大戰。

當日主射極刑前，那種主宰生死的沉重壓力，使他連日來不時夢見當時情景：



嗶！

哨子一響，他張開雙眼，展開腳步走向十二碼點一射，卻被馬高斯貝治擋出。香港互射十二碼以3－4落敗，緣盡世界盃，德仔悲痛莫名，倒在地上痛哭……

……
……




鈴鈴鈴！！！


「……」




每次從夢中醒來，他才憶起當天成功射入那個十二碼，最終出線十六強的是香港，方能鬆一口氣。

回到香港，他本想以假期放鬆情緒，卻馬上收到伊利先生的通知：一支西甲中上游球隊看過他在世界盃的表現後，決定啟動其買斷條款。為了一圓登陸歐洲的夢想，他決定即日啟程前赴西班牙 。

西維爾?

「放心吧伊利先生，佢一定會成功的。」


德仔正逕自思考，旁邊的里香卻搶著回答。



「有我教佢西班牙文，適應環境方面絕對冇問題！佢要做既，只係專注入波。」里香笑道。
「有個問題我想問好耐，里香小姐，到底妳係咪佢女朋友？」伊利先生問道。
「呢個問題既答案，要睇佢之後既表現了。」里香望著德仔說。
「好似仲有人差我一個『咩都得』……」德仔無奈道。
「我有你媽媽撐腰，你夠膽向我追債？」里香頑皮地一笑。
「係咪呀？德仔媽媽。」
「冇錯呀仔，有我喺度，你唔準欺負里香！」
「……」



德仔什感無奈，有點後悔這次帶同媽媽及里香一起來西班牙。兩位女仕語言互不相通，卻似是心有靈犀，將來必定會聯手對付自己。

他嘆了口氣，也懶得理這麼多，登上坐駕直接前往西維爾的皮斯胡安主場。

第八十六章

一年後。


「特別新聞報道：就中國向國際足協申請同香港及澳門足球隊『合併』一案，國際足協發言人今早宣佈，香港同澳門『自古以來』一直擁有自己各項運動既代表隊，『一國兩制』只係政治文本（基本法）上既條文，唔應該影響FIFA既運作，因此裁定申請無效。」

「換言之，即使到左2047年大限，我地依然可以繼續以Hong Kong名義參加各項A級國際賽事！」

「消息發放時間，恰好係香港隊世界盃擊敗洪都拉斯既一周年。香港球迷上街慶祝之餘，亦不忘向中國抽水。五十多名『波台痴線佬』下午包圍中聯辦掟蕉皮，揶揄中國足協申訴失敗。」

「特別新聞報導完畢。」




我雖不認同掟蕉皮的挑釁行為，卻明白香港球迷的興奮心情。去年的世界盃，港隊雖然取得空前成功，卻依須擔憂被「吞併」厄運，如今終於可以鬆一口氣。

一星期後，我接受體育世界主持人鍾女對於有關事件的訪問。



「gary，香港可以繼續擁有獨立足球代表隊，你心情如何？」
「當然十分高興！香港足球隊歷史悠久，絕對有資格留喺歷史名冊之上。」
「成功『挽救』港隊命運之後，有人提出下一步要爭取政制上既權益，特別係2047既五十年大限快將來臨……你點睇？」



她所說的「政制權益」是「自決」與「獨立」的暗示，只是不便公開說出，這個我自然明白。



「坦白講，要短期內實現自決目標既可能性微乎其微，特別係經過連場DQ行動，立法會已經完全頃斜……」我想了半晌，發表自己想法。

「但過往既獅革同世革（世界盃革命）證明左一樣野，人民係有力量改變政治現實。『自決』目標遙不可及，但我相信世上冇野係永恆。依家人民爭取緊既野，佢地自己﹑什至我地呢一代都未必可以睇到成果，但所謂『前人種樹﹑後人乘涼』，我相信夢想必定會有實現既一日。」

「五十年﹑一百年之後，我同妳都未必再存在喺呢個世界，但我好希望後世既香港人可以見證，喺香港呢片可愛既土地，人民可以唔再受制於強權，可以決定自己既命運。」




訪問一出，由於我指桑罵槐之意什為明顯，中央政府馬上作出回應，港澳辦發言人翌日發出聲明，批評我的言論嚴重傷害中港兩地同胞感情，直指我是十惡不赦的港獨份子。然而，在這樣的社會氛圍下，加上我的地位特殊，他們未敢公然把我變成另一個李波，或許到了2047年兵臨城下，才會秋後算賬，但這是後話了。

諗法好似！老實講呢代要topple真係無咩希望，但種嘅種子有機會會發芽

前路漫漫，很多事情的確難以預料。唯一可以確定的是，我的身體質素已大不如前，長期累積的傷患，使我決定於季尾完成跟貝迪斯合約後，便離開征戰了十一年的歐洲球壇。

這日，回復自由身的我來到兒時重地斧山道運動場，探訪黃大仙足球隊的操練。

去季黃大仙重返超聯，禮聘體委會主席郭嘉諾先生出山相助。我早在郭先生擔任足總總監時，已和他識於微時。



「離開西班牙後，有何打算？」他問道。
「我都唔知，腰間傷患日益加深，但我仲想踢多一陣。」我道。
「我有一個提議，唔知你有咩睇法。」
「？請講。」
「你都知，我執教黃大仙隊只係暫時性質，明年就要返體委會工作…」郭先生說。
「所以，我希望你返黎香港，親手接管香港足球既青訓搖藍。」



我微微一楞，近日收到不少日職﹑美職及印度聯賽球會的邀請，什至母會悉尼亦主動詢問會否回歸澳職聯作為生涯的最後一站，我卻從來沒有想過回到香港踢球。



「港超聯有今日既盛世，你功不可沒。」郭先生繼續道。
「職業生涯身經百戰既你，從未效力過本土球會。近年喺香港花左咁多心血，難道冇諗過落葉歸根？」
「………」



斧山道運動場對面是我的母校孔仙洲紀念中學。此刻，我好像看見她在向我招手，要我回來與她重聚。

三天的考慮時間，我終於接受郭先生的邀請，以球員兼教練的身份加盟家鄉球會黃大仙，作為職業生涯的尾站。

噠噠……


啪！


「絕殺！西維爾2－1擊敗皇家蘇斯達，全取三分！
「入球球員－係後備上陣既年輕前鋒梁令德！係佢加盟以來第七個入球！」
「本以為西維爾簽佢只係為左中國市場……點知佢已經連續三場後備入替入波！效率確實驚人！」



「德仔，恭喜你再度成為球隊英雄！你點評價自己既入球？」
「只係一個普通入球，希望黎緊陸續有來。」
「你有信心來季成為球隊正選嗎？」
「我唔知道，但我會繼續拚搏，爭取更多上陣機會。」
「登陸西班牙已經差唔多一年，你喜歡呢度既生活嗎？喜歡安達魯西亞嗎？」
「呢個地方好靚，食物亦非常可口，我好喜歡。」
「你第一季既表現，已經贏得西維爾球迷既歡心。一年過去，你有咩想同佢地講？」
「多謝大家，我下季會捲土重來﹑變得更強。仲有，我係黎自香港，唔係中國。」
「si……si，香港不是中國！我地明白！」



有里香的指導，德仔經過一年時間，已能夠用簡單的西班牙文接受訪問。

事情就是巧合，去季我離開居住了五年的塞維亞，卻由德仔繼承衣砵，加盟另一支同市球隊西維爾，繼續在安達魯西亞宣揚香港足球。




「我今日學識左整Charcutería，買左野食下廚。」完成訪問後，他接到里香來電。
「妳又下廚？」
「你睇少我嗎？」
「唔敢……」
「上次我煮個個西班牙蛋餅tortilla，連你媽媽都讚不絕口呀！你敢睇少我，佢一定唔會放過你。」
「但係，我聽人講Charcutería唔係咁容易整，要整得好食，起碼要一年半載時間練習……」
「有幾難姐！將D肉切靚上碟咪得！」里香嗔道。
「……好吧，你儘管試下。」
「今晚七點喺你屋企見啦！」




德仔無奈苦笑，這一年里香愛上了西班牙料理，不斷找自己做實驗試味，卻並非每次均成功。可是，母親十分寵愛里香，他只好硬著頭皮，繼續當她廚房的白老鼠。



「我返黎啦……」
「返黎啦？飲碗湯先啦。」
「唔該媽媽。」



來到西班牙，德仔媽媽依然每天煲節瓜瘦肉湯給他。



「里香今晚過來嗎？」
「嗯，佢學識左一道新菜色，話要整俾我地食。」
「人地女仔一番誠意煮野俾你食，無論味道如何你都要讚佢呀！仲有，你地幾時結婚？」
「這………」

第八十七章（結局）


兩年之後，我宣佈退役，結束十八年的職業生涯。

新香港大球場，這天星光煜煜。



「歡迎各位黎到新香港大球場，我係體育世界主持人鍾女，今日為你直擊報導風之子李文翰既告別紀念賽。」



「gary！我地唔捨得你呀！ 」
「風之子！！風之子！！ 」



「如大家所見，大球場今日人山人海，我身後既球迷著住gary多年來唔同球隊既戰衣，包括賓菲加﹑利物浦﹑貝迪斯﹑黃大仙等……懷著不捨既心情，送別呢位香港足球既象徵人物。」

「八萬張門票早就售罄，今日既紀念賽由香港足總同英超利物浦聯合主辦，對賽雙方為『亞洲明星隊』同『利物浦名宿隊』，所有隊員均為昔日戰友。上半場gary會重披利物浦球衣﹑下半場則為『亞洲明星隊』上陣。」

「gary半生傳奇，最終卻選擇返黎自己成長既地方結束球員生涯。多年來，佢同唔少偉大球員做過隊友，我地一齊睇下佢地有咩同gary講……」



獵豹阿祖安奴：「雖然同你說話不多，但衷心祝福你！日後教練場上見！」
香港新人王梁令德：「冇你，冇今日既德仔！」
日本美斯本田佑一：「永遠唔會忘記悉尼青年軍既歲月！」
澳洲隊長積唐寧：「仲記中學時期俾我撞到一仆一碌嗎？」
前賓菲加及利物浦主帥謝菲斯：「歐聯冠軍﹑英超冠軍……我地一齊開創無數歷史，多謝你gary。」
九尾狐狸比爾森：「salute！仲記得墨爾本之夜嗎？」
神童史達克：「人生最難忘既，係同你一齊爭逐英超冠軍既日子！」
球王傑高：「老友！你先係真正既『飛兒』！」
圓月彎刀戴利：「如果你係女人，我地可能會結婚！哈哈！」




「WTF！戴利講野幾時變得咁嘔心！」



我指著螢幕笑罵，卻不知這是戴利妻子油王女作弄我的傑作。

無論如何，細閱著一班昔日戰友的窩心訊息，我鼻子一酸，忍不住在更衣室哭了出來。



「真係最後一場了……」



我拭乾眼淚離開更衣室，最後一次以球員身份從大球場通道步出。

「歡迎各位球迷黎到風之子紀念賽！今日所有既門票收益，將會撥入gary既兒童基金作慈善用途。」
「比賽即將開始，我地一齊睇下對賽雙方既出場名單……」



亞洲明星隊

GK－美拉（牛油手）（墨爾本）
DF－傑森（青聯六子）﹑積唐寧（青聯六子）﹑高尼路（香港）﹑胡仲光（香港）
MF－劉尚發（香港）﹑李翰林（香港） ﹑本田佑一（青聯六子）﹑戴利萊爾（墨爾本）
FW－比爾森（墨爾本）﹑梁令德（香港）

領隊：積甸拿克



利物浦名宿隊

GK－高洛斯
DF－阿歷山大阿諾﹑奧斯卡丹尼士﹑雲路圖﹑李安曉士
MF－李文翰﹑傑高（飛兒）﹑基伯利﹑史達克（神童）
FW－史科斯（阿史）﹑韋赫特（比利時黑將軍）

領隊：謝菲斯





紀念賽的卡士直迫當年巴塞訪港，雖然觀眾席上大部份球迷乃為我而來，但眼前盡是一個個栩栩如生的天王巨星，內心的興奮實在難以筆墨形容。



嗶！噠……



「gary！gary！ 」


我的職業生涯最後一戰，正式展開。

終於完啦
過咗好多年啦由一個中學生到宜家出到嚟做嘢 白頭髮都生咗幾條
終於要完啦

噠噠……
噠噠……



輕鬆愉快的氣氛之下，我努力享受著比賽每一分鐘﹑每一次觸球﹑每一腳傳球及射門，這些將會通通成為回憶。



嗶！



「十二碼！ 」



比賽最後一分鐘，亞洲明星隊獲得十二碼（神童故意在禁區內絆倒托里斯），焦點立時集中在我身上。




「gary！gary！」
「去去去去！！！ 」




比賽勝負無關痛癢，但球迷歇斯底里的吶喊喝采，卻使我憶記起兩年前的世界盃。



噠噠噠……啪！



我踏步上前，射入最後的入球，比賽亦隨即結束。



嗶～嗶～嗶～～

亞洲明星隊6－5利物浦名宿隊 FT

「風之子天下無敵，誰與爭鋒？」

熱烈的掌聲之中，我看見粉絲們為我設計的巨型橫額，除了口號之外，還附上一幅crossover我和＜風雲＞角色聶風的漫畫，氣勢磅薄。



「恭喜你，gary！」體育世界女主持鍾女向我遞上咪高峰。
「喺呢個特別既moment，你有感言同大家講嗎？」
「嗯……多謝大家。」



平時說起道理來滔滔不絕，此時面對隊友及球迷的萬千寵愛，卻突然說不出話來，淚水再一次不受控制，奪眶而出。