（還要走多遠）尼馬故外傳之香港殺入世界盃（2）

加速

無小欣就唔會發生呢啲事

一講起小欣就諗起Joyce

第四十八章



「The third team of pot 3……Hong Kong。」



球皇美斯從第三組別中抽出的第三支籤，上面寫著世盃舞台的初哥﹑我們的城市「香港」。



「首次打進世界盃既香港隊，將會被編入H組，對手分別為種籽隊葡萄牙及中美洲球隊洪都拉斯。」



司儀輕描淡寫的說出兩支對手的名字，卻讓全香港人為之一震。

說到歐洲勁旅葡萄牙，讓人第一時間想到的，自然是綽號「飛兒」的球皇傑高。




噔！

「老友，我們要碰面了！」




抽籤結果一出，我馬上收到傑高的訊息。想當年我倆先後合作贏得歐聯及英超冠軍，可謂識於微時的好拍擋。而我們的兩支前球會－賓菲加及利物浦得悉結果後，亦在官方twitter刊登了祝福貼文。

在世界盃賽場上跟傑高重逢，可謂百感交集。天才橫溢的他「雷公鑿」技術愈練愈強，並先後於巴塞隆拿及祖雲達斯兩度奪得歐聯冠軍，成為三奪金球獎的世紀球王，擠身歷史行列。在這種場合再會老友，我感到高興之餘，亦慶幸一班年輕港腳有機會向這位當今球王學習。

然而，傑高所帶領的葡萄牙隊實力強橫，陣中擁有「獵豹」阿祖安奴﹑保羅比度等正值盛年的球星，香港隊對上這支世界級勁旅，是一場實力懸殊的比賽。

因此，大部份香港球迷均集中討論分組賽的第二個對手－洪都拉斯，並揚言此仗將會是我們這次出征南美洲的成敗關鍵。

「策略上，香港對住葡萄牙只求唔好輸得太難睇；要做到成績，只能寄望對洪都拉斯既比賽……」

「之不過，洪都拉斯屬於黑馬份子，上屆仲爆冷打入八強！」

「今非昔比啦！佢地陣中既上屆金靴獎得主－謝斯保特，明年已經35歲了。」

「冇錯，但人地老極都仲係世界盃金靴獎得主，而我地只係世盃初哥……」

「一個月前輸0－2既友賽，雖然比數唔算懸殊，但實情係我地毫無還擊之力……」

「計我話，第一場對葡萄牙應該減少失球數﹑第二場對洪都拉斯泊大巴搏和，計得失球爭出線。」

「搏和？有用嗎？計我話，倒不如同對手鬥攻，爭取第一個世盃入球！」

「咪係！只求死守，可能要做『三零部隊』……喺世界盃入波呢個成就，連中國都仲未做到呀！」

「荒謬，入到世界盃就要爭取出線，策略一定要適宜！」

「你覺得我地有條件講策略？」

「講咁多都冇用，去到呢個地步，成績已經唔係最重要。」

「冇錯，我只係想見證香港轟轟烈烈踢兩場世界盃比賽。畢竟四年之後，『香港隊』呢三個字仲會唔會存在，仍然係未知之數。」

「你岩…… 」




結果出爐，球迷對於兩場分組賽的取捨各有不同見解。說到底，能否達成「射入一球」或「出線複賽」等目標並非最重要，但求全力拚搏，對得住所有支持我們的香港人，已經是一項成就。




「當初外圍賽分組，有邊個估到我地出到線？」




抽籤儀式過後，節目主持人以一句豪言總結香港隊在世界盃的前景。與今天一樣，當初沒有人看好我們可以力壓卡塔爾﹑黎巴嫩及中國等球隊出線世界盃。毫無疑問對手實力比我們強，但只要相信自己，任何事情皆有可能發生。

無論如何，距離決賽週還有半年時間讓球迷討論，擬定策略及戰術的責任卻在於一眾教練及管理層。可是，積甸拿克領隊要思謀對策，香港足球隊還有不少穩憂需要處理。

其中的一項，當然是德仔紀律聆訊的結果。

日職賽季於十二月中旬完結，德仔效力的鹿島鹿角以13分的差距順利贏得聯賽冠軍。一星期後，正在休假的德仔卻收到一份香港體育委員會的聲明，內容如下：




「經本會委員商議後，有關香港足球代表隊成員梁令德的紀律行為，有以下結論：

梁令德需要接受委員會既內部處分，包括罰款及停賽三場。由於梁於香港對洪都拉斯既友誼賽中並無上陣，計算為第一場停賽，其餘的禁賽令將於2038年3月2日及6日，香港隊兩場國際友誼賽執行。

至於受襲的梁孔德前主席身體已無大礙。本會計劃於2038年1月5日舉行記者會，屆時梁前主席﹑梁令德以及其他體委要員，將會親自向公眾交代。

香港體育委員會」

讀畢這封信後，我第一個反應是果然如江湖傳言，面子悠關的體委一方面表現得寬宏大量，只象徵式處分德仔禁賽兩場；另一方面則要以示公允，向德仔追加罰款及要求他作公開道歉。

聲明一出，我立時致電德仔。



「佢地安排你同其他體委同場，好可能會要求你跟稿讀，向體委表示歉意。」我道。
「我知道要點做。」他淡然說。
「我明你既感受……退一步海闊天空，一句說話，算了吧。」我說。



我知道德仔恨極體委，擔心他不肯出席記者會，始終現階段風頭火勢，萬事應以球隊
為先。



「不用擔心，我會出席記者會。」德仔道。
「我當日的確唔應該出手，我會承擔返自己既責任。」
「咁就好……到時我放緊歇冬假，等我陪你一齊出席吧。」
「唔需要了。」德仔婉拒。
「呢件事已經影響太多人，等我自己一個應對吧。」



德仔個性掘強，不願意被旁人當成小朋友照顧，我沒有堅持，只再三提醒他要學會忍耐。

十二月下旬，德仔自「排雲掌」事件後首度回港，兩批人早已在赤臘角機場守侯，分別是記者及球迷。



「體委為你安排既記者會，係俾你重返港隊既交換條件嗎？」
「會唔會向佢地公開道歉？」
「你點睇體委對你既處分？」



記者一窩蜂向德仔遞上麥高峰，德仔沒有理會，直行直過。



「德仔加油！！」
「堅持自己做的事！香港人以你為榮！」



一班球迷高舉橫額支持，德仔心裡接受，卻完全沒有停下與任何人交流。在助手及工作人員的掩護下登上坐駕離開。

第四十九章


傳媒知道德仔住在啟業邨，早已在樓下守侯。德仔為了不讓母親受到騷擾，遂決定先於酒店下榻，過兩天才回家。



「酒店環境好嗎？」電話裡頭，是憂心了一整晚的德仔媽媽。
「ok呀，唔洗擔心，過幾日我會返黎。」德仔安撫母親。
「外面傳言滿天飛……仔，我真係擔心。」
「媽，冇事的，過幾日我返黎飲湯。」



掛上電話，拆騰了一天的德仔只感到頭痛欲裂。事前，他沒想過機場會有如此大批傳媒等侯﹑亦沒料到事件會牽連什廣。畢竟，自從帶領港隊歷史性打進世界盃，德仔如今成為了香港最有影響力的風雲人物。一舉手一投足﹑一句說話一個舉動，均足以掀起風暴。

身份上的變化，對於一心只想踢球的德仔來說實在吃不消。旅遊節目播放著日本琦玉及千葉市的介紹特輯，他回味著日本的大街小巷及雪景，想到與七瀨里香在一起的日子，只感到一親溫暖。

跟香港這個是非之地相比，日本的生活無疑更加可愛。









兩天後，他回到足總總部，跟積甸拿克領隊商討對策。



「剛剛收到消息，體委要求你喺記者會上完成三件事。」積甸拿克道。
「第一，承認你既行為有損香港足球隊形象﹑並向受影響人仕（梁孔德）道歉。」



德仔點頭。第一個條件，在他意料之中。



「第二，表示願意接受處分，並承諾以後行為以球隊利益為依歸。」
「（梁孔德）公開批評港隊成員，就係『以球隊利益為依歸』既行為？」德仔不忿。
「我知道好荒謬，但……」
「明白，我照讀便是了。」



出席記者會前，德仔已有心理準備，要顧全大局，便要接受不公平的安排。




「第三項……」積甸拿克突然面有難色。
「佢地仲要求你公開澄清另一件事。」
「？？？」

「體委主席話收到消息，記者會期間，你會被問及半年前發生既一件事。」積甸拿克道。
「半年前發生既……一件事？」德仔聽得一頭霧水。
「去年六月獅子山革命期間，你曾經公開展示 “Always with HK” 字樣既內衣慶祝入球，唔少人質疑你呢個行為係支持港獨及示威者，所以……」
「所以，佢地想我公開同示威者劃清界線？」德仔頓時明白。
「正是。」



積甸拿克向德仔遞上一張紙，上面寫著體委為其安排的講稿。



「那時的慶祝動作，只是希望向日本球迷推鎖香港及香港運動員，並無任何政治意圖，我本人亦從未留意這場運動。」



讀下去，德仔發現更讓人作嘔的字句。


「我只是一名運動員，不願意公開評論任何政治及社會運動。但我是一個中國人，而香港亦是中國的一部份，因此我並不支持任何推祟香港獨立的行為。我的看法，亦是大部份港隊成員的看法。」



嘭的一聲，德仔大力將白紙拍在桌上：
「呢一篇聲明，我無論如何都唔會喺記者會上讀出來！ 」



積甸拿克似乎早知德仔會有如此反應，無奈道：
「體委話……如果你唔照住稿讀，有可能加長你既停賽期，值至明年既世界盃。」
「教練，請你聽清楚……」德仔昂首說。
「第一，當時既慶祝動作，的確係為左紀念獅革既犧牲者而做。呢一點，我可以唔公開承認，但叫我公開否認，同示威者割蓆，no way；第二，呢篇聲明要我代表整支香港足球隊，咁係出賣隊友既行為，我做唔到；第三，體委對我有呢個要求，好明顯係中國政府既意思……如果我照住讀，唔單止出賣示威者﹑出賣隊友﹑更加出賣左所有香港人！！！！」




德仔愈說愈激動，明顯這個條件已經超越他的底線，無論如何也不能妥協。




「唉……」積甸拿克無奈。
「你講既野我全部明白……但作為領隊，我真係唔知可以點。」



帶領香港這個小城市打進世界盃，是他領隊生涯的最大成就。當天的雄心壯志被政治角力所摧毀，對於積甸拿克的那份無力感，德仔自然明白。

可是，為了在世界盃揚名立萬，而成為出賣香港的千古罪人，他做不到。


「教練，我體諒你既感受，但對唔住都要講，民族尊嚴，比足球更加重要！如果我讀出呢篇聲明，點對得住個班為香港犧牲既人？」他憤然道。
「將來，就算我再為香港贏幾多比賽……香港人一樣會睇我唔起。作為一個良知既人，我亦會睇自己唔起。」
「咁……你有咩打算？」
「記者會我一定會出席。而世界盃，我亦一定會參加，你放心好了。」
「但係體委講明，如果你唔跟稿讀……」積甸拿克道。
「我相信呢個世界仲有公義，未至於咁荒謬。」德仔道。



---------------------------------------------------------------------------



一月五日下午二時三十分，位於跑馬地的香港體育委員會總部，三位體委成員，包括前足總主席梁孔德先生﹑以及事件主角德仔，一同出席記者會。



嚓嚓嚓……



閃光燈照偏整個會場，記者席坐無虛設，可見足球在香港的影響力，已經遠遠超出一般運動。



踏正三時，體委主席首先發言：
「今日呢個記者會，係要向公眾交代早前喺香港代表隊既足球集訓營，所發生既衝突……」
「各位記者朋友，隨便發問。」



台下記者馬上舉手，爭相向德仔提問。



「德仔，對於當時既行為，你認為自己係咪太衝動？」一名記者問。
「………」



德仔倚緊咪高峰，開始發言。



－－－－－－－－－－－－－－－－－－－－－－－



待續。

如果現實香港都有民族意識就好 ，我一直都覺得如果雨傘革命個陣有人犧牲，或者真係會唔同。其實啱架「人地嘅革命係用血用汗換返黎，而唔係喊口號」

https://youtu.be/ZubvzTs9uJ4

去到哩到停

雨革個期我都做過和理非

諗起自己有份唱過今天我同批評前線勇武派

真係覺得慚愧

葡萄牙領隊係咪牙朗？

屌佢老母越黎越過份
德仔唔踢都唔好低頭

我估直接講體委迫佢

體委咁撚仆街嘅屌

如果我係德仔， 我很定將足委會要求我三件事全部爆出黎。

1. 公眾知道後足委會係香港將會係香港成為過街
老鼠。

2. 足委會亦唔會再禁止德仔出賽。

3. 就算連支那都冇德仔辦法。

4. 香港革命將會推向高峰，當人人都唔怕成為下一 個犠生者， 這招反而令到支那放棄香港。

5. 國際壓力一定會將支那禁運，例如 美帝。

6. 全球足球員聯署罷踢向國際足委會施壓， 不得不服眾，反而仲可確保香港順利參賽。

巴打ff得太完美

爆左岀黎，徳仔可能又俾人捉左返大陸

德

一定唔會喇， 咪銅鑼灣書店條友早就比人捉返去支那，支那係一個要面子國家。

唔好唔記得德仔有個媽媽

lm

支那乜都夠膽做

咁多年都唔支爆