以下將會深入淺出咁教大家點樣做最簡單嘅救命知識 每個人都可以做救命英雄
頭盔 以下內容只為推廣急救知識 並不構成任何醫療建議 若讀者出現類似情況 切勿延誤 並立即尋求醫護人員協助
2017年曾經有一份研究指出香港OHCA Survival Rate (院外心臟停頓生存率) 只有2.3%
同時間歐洲平均有14%
即係香港每100人係街上心臟病發嘅人只有唔夠3個人可以行翻出醫院 連九死一生都不如
原因除左香港救護服務(用藥同電擊) 太落後之外 仲有就係香港人普遍急救知識太貧乏
以下落黎我會同大家分享下如何做救人英雄
幻想一下
有一日你同女朋友去公園散步(幻想埋個女朋友) 你想揾一個靜靜嘅角落同女朋友
嘅時候面前有一個晨運阿叔 耍耍下太極喺你面前暈左
你會點做?
a. 上連登開Po問點做
b. 廢老應該落地獄
要緊 直行直過走c. 上前檢查
作為出名有愛心又有人性嘅連登仔
唔洗諗 一定係C.
檢查第一步 要環顧四周 確保現場環安全
考慮一下個阿叔點解會暈 會唔會交通意外? 漏電? 地面會唔會有針筒? 甚至有毒
第二步
檢查清醒程度
好簡單 喺阿叔兩邊耳邊大叫
"阿叔阿叔 聽唔聽到我講嘢？聽到應下我!"
同時用女神揸爆你春袋嘅力度 大大力練落阿叔膊頭/耳珠
若果5秒內阿叔完全冇反應 (肯定唔係訓左)
就可以叫身邊嘅人(I.e. 女朋友) 幫手做三樣嘢
1. 叫救護車 話邊度有人暈左
2. 揾場地保安拎AED/心臟機/去顫器/電擊機
(好重要 講到個保安明為止)
3. 然後返黎幫你手
第三步 檢查呼吸
好簡單 拱埋阿叔塊面度
細心聽 用臉頰感覺有冇空氣呼出
同時留意胸口有冇起伏
留意 心臟停頓病人可能會出現瀕死呼吸 ( Agonal Breathing )
https://youtu.be/boS5skY-JOU
呢種極慢又唔Effective嘅Pattern 同呼吸停頓冇分別
如果冇呼吸 就可以開始下一步 C P R
第四步 心肺復甦法
https://youtu.be/CuUXdQI5LLs
首先打開阿叔件衫
然後雙手合十 好似下圖咁
然後喺大約大粒Lin中間
向下壓
每分鐘壓100-120下最少
每次最少壓5 cm
中途可能會聽到 "啪 啪 啪" 聲
不用怕 這是肋骨斷裂嘅聲音 對傷者影響好輕微而且正常的
繼續按壓 直到你攰到虛脫或者有人接手為止
第五步 AED
若果你記得第二步 你曾經叫過人拎AED
AED 係一部會將亂跳心臟 "電" 返正常跳動嘅機器
你問我詳細點work 我會答你
總之部機會分析心電圖 然後係適當時機放電啦
(Common shockable rhythm )
用法好簡單
1. 先打開部機蓋
2. 裸露阿叔上半身(剪開或者撕開衣物)
3. 快速幫阿叔抺一抺汗
4. 然後將兩塊貼片 好似下圖咁分別貼喺阿叔 右邊膊頭對落 左邊肚上面
然後等部機指示分析心率
呢個時候必須停止CPR 同確保冇人接觸阿叔
再按部機聲音指示電擊 或者繼續CPR 直至阿叔有反應或者救護車到場接手為止
記著分析心律同電擊兩個步驟必須離開患者 如果唔係有機會被電埋一份
(每個型號AED 機操作方法可能會有差異 但程序大致上一樣 使用者請根據語音指示進行)
咁就有機會可以救到人一命
救護車到場記得同救護員講幾點暈低同電擊過幾多次 咁你就功成身退
