一人n個幫陌生人/比陌生人幫嘅經歷

低form嗰陣嘅早上突然落緊雨
我就日日帶遮返學
開遮行行下突然有個隔離學校嘅姐姐走埋嚟
問可唔可以遮埋佢
結果就同佢一齊行返學
利申：男校

諗起有次又係突然落雨
我走過去前面個小學生到問佢可唔可以遮埋我
跟住佢 之後一嘢走跑走咗……
而我就繼續毒自雨中慢步

好慘呀

好有畫面

好慘

車站個到冇簷蓬，落雨排隊等車個陣見隔離個女仔冇遮，唔排隊又唔洗旨意上到車，所以佢焗住要企，咁我就遮埋佢

試過喺港島見到個西裝友拖喼上10級樓梯 我咁岩喺側邊上緊去 野都冇講就順手幫佢抽上去 點過頭聽住歌好瀟咁走左

知道個女仔對我無興趣 所以del咗佢contact

唔記得上年定前年星期六朝早係麥當勞食早餐走嗰陣唔記得拎走擺係枱面嘅銀包
行左一段路但都唔知自己漏左銀包係麥當勞
之後有個排緊隊買早餐嘅男仔衝左出黎問我係咪漏左銀包係麥當勞 話佢幫我俾左經理
我嗰陣先知原來自己唔見左嘢所以即時跑返去麥當勞
但因為當時太慌張又好心急就狗衝返去所以冇親自同佢講返聲「唔該曬」
事後內疚左好耐 明明個男仔排緊咁長條隊都肯追出黎同我講返 但偏偏我就連「唔該」都冇講就跑走左
真係好對唔住
希望你見到呢段野
我一直都好想同你講返句唔該曬架
真係好感激你！！！

做緊aia個嘉年華成日free比人玩 又送啲公仔比人 前提係啲客好想要/玩咗幾次/super見唔到...

幫人

老豆嗰朝車我返學落狗屎
途中見到個學生哥冇遮成身濕晒又追唔到小巴 我地叫埋佢上車送佢返學

俾人幫

我成日跌八達通啊學生證啊嗰啲 好多時老有人執返俾我

另外我係流學jj 之後蕩失路又天黑晒嚇死我
有個型佬無啦啦走埋黎又借電話又幫我google map 好感動 最後成功返屋企

仲有次係細個俾屋企人趕落車叫我走 有個執垃圾婆婆幫我求情
婆婆 我好多謝你啊 我嗰時好驚好驚

頂 仲有
我成日都遇到好好嘅陌生人
中學有次去完同學屋企玩到點幾兩點搭小巴返屋企
個小巴司機見到車站有幾個醉酒佬又有蝻
見我一個女仔所以特登車我去前啲 過左個總站 旺啲多人嗰個位俾我落 多謝你啊叔叔

呢個司機無得項

成日幫人 不過好似對方都好噩然......

另外有次唔知咩事趕住返屋企
搭小巴到紅磡落車時跌咗八達通
行咗幾步時有個仲坐喺小巴嘅南亞裔男人叫住我 我先知原來跌咗野
嗰次真係好彩

夜晚搭小巴唔夠散銀
問人想用10蚊紙換啲散銀點知無
突然有個男仔問差幾多
就幫我比左

細個逢星期六搭小巴去補習
有一次等左好耐都冇車
排我後面個女人冇啦啦問我要唔要一齊搭的士 反正都順路
唔知點解唔識驚 就跟左佢上的士
個女人亦都冇問我攞返車錢
雖然最後遲左大半個鐘先到補習社

係外國 滑雪

個friend 帶咗我去一條比較斜嘅雪道
點知我落到一半就失控
成個人飛起再噠落地 連兩塊板都甩埋
我對鞋啪唔返入對板 滑唔到落山
等極都等唔到工作人員
朋友都幫唔掂 結果佢就行先 話落山等我
於是我就一條友 攬住啲gear
慢慢係路邊跣落去
雪山又凍 個身又濕 跣跣下就忍唔住喊

之後有個鬼仔見到 想黎幫我
嗰下真係好感動 真係好感激佢
點知搞極對鞋都係啪唔實
鬼仔都係無辦法 講左句sorry 就走咗
我唯有繼續慢慢跣落去
加加埋埋起碼跣左15分鐘
最後我都係頂唔順 停低咗開始狂喊

喊喊下有對情侶停低咗 問我有無事
三個人夾手夾腳 幾經辛苦終於整得返對鞋
聽到隻鞋啪到落塊板度 嗰下我真係喊到七彩
當其時我又凍 又激動 喊到個人震哂
個男人係前面帶路 女人就係隔離陪住我
叫我唔洗驚 好快就落到山
結果隔左半個鐘之後 我終於係地面見得返個friend

真係好多謝幫過我嘅哥哥姐姐們
救番我一命 令我唔洗自己碌落山

你個fd
絕交啦

有同感

有年生日想買個書包，去間舖頭睇左幾次

一直都買唔落手，睇到連個sales姐姐都認得我

隔日再去睇個陣，佢話佢用員工優惠半價賣俾我，個刻真係感動到起雞皮

好多都係借遮
令我諗起上年返學就遲到落好大雨
我見只係過一條馬路就快快手衝過去算
點知有個同車嘅男仔叫停我 fing下把遮話遮埋我
跟住上完樓梯，我太趕就好快地雙手合十講唔該就一枝箭跑左去課室
後尾先諗返覺得好似冇好好同人講多謝 有啲內疚
就好記得係星期三某個時段有機會同車，但好可惜都唔係好記得佢個樣 淨係記得你著黑褲拎黑直遮喳 多謝你

仲有中學雞個陣，做科長要拎全班嘅功課落去教員室啲簿架
咁個次都好大疊功課，而且個架我唔太夠高放上去
喺我狼狽緊個陣突然隔離有人話我幫你啦，之後就幫我放好同執整齊
係個幾高大嘅高form男仔
覺得好正
不過之後識左佢但冇下文

屋苑有個盲人 返屋企條馬路經常見到佢
條馬路又短 紅綠燈又勁快轉
次次都睇實佢過 佢行錯會開聲引導佢返另一邊
唔敢直接掂佢 驚嚇親佢

有次去韓國旅行 入咗做緊sale嘅化妝品店
無留意得會員先有優惠 三個女仔排隊買咗成千蚊嘢
個店員先話無會員卡無折 唔知點算
好彩前面有個大陸人（應該做開代購 ）
我問佢可唔可以借嚟 佢二話不說借咗比我地嘟
仲借埋比後面排緊隊但又無會員嘅人

俾人問路帶路，幫下鬼佬Google map 搵酒店，借車錢


試過係旺角跌左銀包，有差佬打黎聯絡我話有人執左交左俾佢，叫我去拎返，個陣個男人同個差佬都仲係度

又試過過馬路望右睇錯望左，見冇車想行差啲俾車車死，好彩隔離個中年男人單手禁住左我，件事完左照過馬路大家都冇望對方冇講半句野，個陣我都呆呆地喇

無言感激！

撘地鐵頭dupdup係到喊
唔敢太大聲 驚嘈到人
隔離有個好麻甩阿叔俾咗包紙巾我仲好細聲同我講

阿女 呢個世界有好多唔開心嘅事你要識得去面對
喊完要識得自己企翻起身 加油

之後佢就落車走咗lu

好多謝佢 雖然我唔知佢咩樣

撘地鐵頭dupdup係到喊
唔敢太大聲 驚嘈到人
隔離有個好麻甩阿叔俾咗包紙巾我仲好細聲同我講

阿女 呢個世界有好多唔開心嘅事你要識得去面對
喊完要識得自己企翻起身 加油

之後佢就落車走咗lu

好多謝佢 雖然我唔知佢咩樣

我都有試過搭巴士係到靜雞雞喊 對面有個叔叔比左張紙巾我叫我唔好喊啦 太感動喊得仲厲害 feel到人間有愛

中四個年因為失戀
有日夜晚就校服都未換 係個小型足球場隔離個公園坐係度喊 都喊得幾勁下
忽然有個男仔 應該岩岩踢緊波 走左過黎俾左包熊仔紙巾我 之後坐左係長椅既另一邊靜靜咁陪住我直到我平伏返
真係好感謝佢 好想親口多謝佢 可惜第二晚去返已經搵唔到佢 如果你見到又有印象可唔可以搵返我

想問問你個時係邊個公園到 個時幾驚你會自殺

記得上次有次出完街返屋企
行到樓下咁岩有𨋢搭
得我一個
差唔多閂門聽到有個呀姨嗌等埋
我幫佢開返門
仲幫埋佢㩒樓層

韓國自己去旅行遇到好人！！
首先我蕩失路，問兩個姐姐路，佢地好盡力用英文答我，仲要好肉緊指我路，好好
之後，我仲係繼續蕩失路搵hostel，有個哥哥走埋黎拍我膊頭，用英文同我講：頭先我係A點見到你，依家係B點又見到你，睇下你係咪有野要幫手！我即刻勁感動！！！超好人！！最後終於搵到hostel

有次好急急腳咁行但唔小心跌左八達通 大約十幾秒之後已經發現左 即時擰轉頭搵 有個菲傭姐姐走埋黎指住個呀嬸 但我因為趕住追上去都唔記得有無講唔該
追到個呀嬸之後拍下佢膊頭問佢係咪執左我張八達通 但佢都仲想唔認 係我話學生八達通黎佢先肯死死氣比返我