一人n個幫陌生人/比陌生人幫嘅經歷

好耐無試過有一個post係好認真咁回
sorry too long but 要read

幫人:
[最奇妙]幾年前係金鐘有過夜,落完雨一地垃圾有主動成條街咁執, 無落雨D垃圾會分埋類, 不斷同陌生人打氣, 買左一洗面同護膚品寫哂用法 放入廁所, 除左同我一齊去個fd, 無話比其他人知
後來有人影左相, FB有人share, 個朋友見到認得我d字, 同埋因為我之前做過果個brand問返我係唔係我, 政治冷感既佢因為咁 而關心多左呢件事
係公司whats app gp 都有人估係我,我無認,但班同事之後無再因為生意差左 而不斷咁鬧抗爭既人

[最靈異]:
落左通宵van行返屋企有條斜路 落雨我自己有遮 前面有個長頭髮既女仔無遮, 佢行得有少少快, 我諗左一陣想遮埋佢, 跑左兩步上前, 鼓起勇氣開口話我遮埋你丫, 點知佢繼續愈行愈快 無理我, 個心怯左一下以為佢係鬼, 點知望一望 先見到原來佢聽緊歌

[最深刻]:
搭通宵van行返屋企, 我坐左第二行窗邊個位, 無啦啦feel 到對腳有d水濕濕地, 以為冷氣滴水, 但又見唔到有滴水位, 之後就聞到好臭, 再有d紅酒味, 之後先發現前面個男仔醉左, 個頭頂住窗係咁向地下嘔, , 我係窗邊個位比左包紙巾佢, 最後好彩佢都仲識落車, 我尾二個站落, 落車前已經無哂客, 落前話埋比小巴司機知個人嘔到成車係(流哂去後面)

第2次又係嘔紅酒, 又係有人醉左, 不過今次係巴士, 無記錯既話係個TB, 果陣我收工, 手上有幾袋野, 我group埋自己d野, 比左個紙袋佢嘔, 但佢無理我, 應該以為我係痴線既, 個紙袋就咁放左係佢隔離個位

自從呢兩次, 我見到紅酒都諗起果陣嘔吐物味, 無再飲過紅酒

落車有個學生哥瞓著左 我拍佢博投

好燒灑咁走 佢追翻我講唔該

比較特別既比人幫
[最好笑]:
返工成日因為個巴士站好近 所以計到最後一分鐘先出門口 因為咁成日都一無lift 就 GG,一出大堂就要百米飛人,
有一次隊尾個西裝哥哥見到我飛緊埋去, 就放到好慢腳步 慢鏡咁樣上車, 拖慢D, 等我上到車, 好好笑, 佢慢到自己都笑左
雖然我完全認唔到陌生人既樣, 唔記得左你個樣, 但真係好多謝你, 除左無飛左班車, 因為你 我果日都充滿正能量

另一次又係巴士有次訂唔切貓砂, 買左兩包砂自己抬返屋企(其實好q重), 有少少雨但我已經無手拎遮, 行到去站就有車, 咁隊尾係我反方向, 我就諗住企係到等佢地上哂先上, 有個女仔見我咁狼狽就停低 叫我上先, 果下好感動 因為d砂個包裝有氣孔 如果濕哂就真係白抬, 多謝你 你笑得好靚啊 因為你好好人

[最感動]
有朋友住村屋,返屋企見到出面有一胎貓bb 好細個好慘 第二日帶埋野食跟佢去睇d貓, 第一次去就睇 見到d街坊餵豆豉鯪魚比佢地食 就好唔忍心, 之後日日都去餵佢地 餵左一個月, 原本打算餵耐d 熟左 等佢地無戒心 先捉左佢地比人領養, 點知有一日準備打風, 臨時決定提早接走佢地, 咩都無準備好既情況下 一日之內係舊登貓gp班左3個大籠一個貓袋,仲有個有經驗既巴打 係澳門都專登返黎幫手捉,雖然件事最後唔開心收場,但都好多謝幫過手既你地
如果你見到既,係你啊 我仲差你一餐飯

所以唔好成日都話d貓奴變態其實佢地無得罪你

老母幫人

老母以前係做啲時裝批發,所以經常來往香港同蝗國. 大家應該都知深圳好多冇手冇腳既細路仔乞食,咁老母經過個時都唔會比錢既,因為唔想鼓勵啲犯罪集團綁架更多既細路. 但我老母會叫啲細佬跟住佢,之後買飯盒比佢地食, 啲細路一路食一路流眼淚.……

我老母流住眼淚咁同我講見到有需要既人要幫手,有幸幫手係你既福氣

我幫人

外國：
見到有人唔夠錢搭車會主動比埋佢個份車錢
見唔識路既遊客會同佢地行到目的地
會買野食比 Homeless
有次放學,見到一個婆婆企左係巴士站半個鐘,但巴士黎佢又唔上,我行埋去問佢有咩可以幫手. 佢話唔識去個地方,佢一啲英文都唔識,所以我最後陪佢去到先番屋企 （用左一個幾鐘）
機場等上機番香港個時,有對老人家問我佢地個閘口點去（佢地唔識英文) ,咁我見仲有兩個鐘先起飛,所以我就帶佢地去 我仲同佢講一路順風先走

香港：
幫人遮雨
比錢人搭車
幫遊客帶路
幫陌生人拎野
飛番去外國既時候, 坐我旁邊既香港呀姨唔識點換 Sim 卡,咁我咁啱有 iPhone 枝野,咪幫佢換囉


冇咩特別,有能力幫人真係自己既福氣黎既

巴打

係英國heathrow機場，有個鬼佬眼濕濕問我拎錢，佢話miss左班機，唔夠cash補返張飛,見佢咁樣我比左£30左右佢，佢比左本護照我影，係保加利亞人，但佢話係西班牙長大,果日係飛去malaga.
咁最後我叫佢擺個pose,影佢相走人

]
就係佢

巴打，護照個張圖del左佢呀，一陣比人用左d資料做其他野

係英國heathrow機場，有個鬼佬眼濕濕問我拎錢，佢話miss左班機，唔夠cash補返張飛,見佢咁樣我比左£30左右佢，佢比左本護照我影，係保加利亞人，但佢話係西班牙長大,果日係飛去malaga.
咁最後我叫佢擺個pose,影佢相走人

]
就係佢

巴打，護照個張圖del左佢呀，一陣比人用左d資料做其他野

巴打係咪on9 咁樣post人地啲野上嚟

有次比個日本婆問我British airline terminal幾
佢又知我識日文咁一黎就用日文問我
最後原來佢張紙有寫要去邊到等

分別借過五蚊同廿蚊比一個小學生同啊伯找網吧錢同搭過海隧道

有個阿婆叫我幫佢拎住個膠袋
等佢入返哂啲橙落去

上年11月左右
喺又一城出面過馬路，果時落緊雨
我自己擔緊一把直遮，見到對面有個女仔冇遮喺到淋緊雨等過馬路
果時啲雨仲要都唔細，我一見到即刻喺個袋到拎把縮骨遮出黎
佢一過馬路我就遮住佢比地縮骨遮佢
佢一開始諗住話唔使，我同佢講叫佢攞住啦，今日啲雨仲有排落
之後佢問我點比返把遮我，我果下呆一呆，因為我都冇諗過呢個問題
最後佢叫我比我電話佢，佢之後搵我比返我
跟住我都冇咗回事，隔離日之後突然有人whatsapp我
原來係個女仔搵返我問點比返把遮我
我覆返佢話唔使啦，把遮佢keep住，之後可以嘅就幫返其他人就得喇

個女仔應該唔靚

個女仔我覺得幾靚，好斯文，有女神feel
不過我已經有女朋友

初初返第一份工時，前一晚緊張到訓唔到，狀態好差，又無食早餐就出門口，係地鐵多人焗一焗，即刻出現血糖低現象，係觀塘站月台企都企唔穩，成個人天旋地轉，成個人又凍又震又全身出冷汗，站務主任黎到後係旁邊食花生 反而有個姨姨扶住我 又係咁幫我扇涼同拎紙巾出黎幫我抹汗，完全唔怕我全個人濕曬會整到佢

最後見我好D，佢先話要趕返工，叫我慢慢抖 好感激佢 有媽媽的感覺

上年係街同同事吹水又差唔多返上樓,我離遠見對面馬路有個阿叔攬住個阿婆,個阿婆好似無晒力成個身軟埋咁,而佢隔離企咗個應識既女人拎住個電話打梗,因為我地有重要野傾梗無埋佢,我自己唔忍心望咗幾次,隔咗一陣都仲係咁,結果我衝咗過對面馬路睇下咩事,原來個阿婆暈梗個口同鼻都出梗血，而個阿叔已經唔夠力托住阿婆就黎跌,我先幫佢慢慢放平個阿婆,叫咗幾次阿婆佢都有意識回應我,我叫佢地唔好移動佢,確認咗有人報咗警等梗白車同埋佢地係識既會睇住,我就自己先離開。

結果我條褲就多咗幾滴血,同埋啲同事係對面食晒花生

係麥記到見到個外國人拎人地食剩既薯條去角落頭食，我即刻走去買個餐加多個包比佢。好彩買得快，轉頭佢就食完準備走。我就比個外賣佢同佢講左句enjoy

第一晚去到東京 個時落緊大雨朋友拖信個大喼係度搵酒店 問左兩個大約五六十歲嘅日本男人應該點去酒店 佢地又幫我地打電話問又幫我地搵左15分鐘路 最後重幫我地手check in埋
日本

試過去日本 約左朋友唔識路 連地址都無得張圖 有個西裝哥哥 唔係太識英文 本身佢出左站就入返站帶我行左25分鐘先到 我見到佢帶我到左再自己慢慢行返原本個到 多謝你呀西裝哥哥

上個月喺東京羽田飛翻黎香港
自己一個人買左勁多野勁重咁拎上機
坐我隔離嘅男仔見我唔夠力就幫我擺去上格
又問我個書包會唔會塞住我坐得唔舒服使唔使坐過一個位俾我擺袋
雖然我地成程機都係訓教無傾過計
但之後好後悔點解無去識你
唔知你睇唔睇到呢段野呢

你個日黑色衫 我有女朋友啦
















我講笑ja 祝你搵到佢啦

半夜係山上炒車
五六個鬼佬幫手推返架車出馬路

之前踢左個銀包係的士 雖然錢同八達通偷哂
但多謝司機 你放返落郵筒呀

試過係京都問路, 問SUBWAY係點行,
有個後生仔指示左路比我之後, 佢就走左
我落到SUBWAY站已經行左大約2分鐘後,
無啦啦有人拍我, 個後生仔跑到身水身汗黎搵我,
就係想提我前面有2條路, 我需要係向前行, 唔好轉右
聽到呢到我已經勁滾動了
最後我決定90度鞠躬多謝佢!

上次毒自首爾返香港
臨Landing空姐派入境紙
見到格離嗰兩個韓妹無帶筆又唔問人 我借左兩支筆俾佢地
本身程機見到前面個位有個銀包喺度 以為佢特登佢擺喺度所以無為意
到落機嗰刻韓妹仍然懵然不知 即刻執返俾佢然後講句Welcome to Hong Kong就頭也不回咁走左
事後諗返起落左機先發現唔見銀包又跌喺咁隱蔽嘅位都好難搵得返

仲有一單就係有日落住雨同fd喺mk
有兩個遊客問路
每人拖住兩個喼咩住兩個小朋友(無帶遮就咁拎外套遮細佬仔但自己就濕曬)
我同個fd對視一吓就勁有默契地俾左手上把遮佢地 自已拎外套出嚟笠頭
幫手推喼送到去酒店門口

見到𢴇紙皮婆婆㗎車好重又過梗馬路好危險 所以行過去幫佢推 問佢屋企係邊幫佢推去屋企樓下 推到樓下婆婆問我可唔可以陪佢傾計 之後坐咗係街邊傾左半個鐘 雖然途人眼光唔友善但無後悔

有次搭巴士 上到車先發現八達通冇錢 身上又得100蚊紙 唯有同司機講唔好意思 有冇得找
點知靚仔司機好霸氣咁話 下次先比返


有次玩到零晨搭巴士去kt再轉巴士返屋企
點知落錯車 仲要條街人都唔多個
唯有周圍行睇下點樣可以返屋企（附近冇的士，mtr又關左）
見到前問有人即刻狗衝去問路
跟住個男人話佢都係落錯車 同我同一架巴士落
之後佢話咁夜應該冇巴士（我搭果架已經係尾班車） 叫我一齊行去搵下有冇的士
附近冇人冇物 都有d驚
個男人仲同我自我介紹 話自己唔係壞人
跟住佢足足行左15分鐘先見到的士
最後佢仲特登叫的士司機兜去我屋企果邊先 我話比返一半錢 又話請我 唔洗我比 同佢講左唔該就落左車
其實果時真係幾驚 零晨一個女仔又唔識路又冇車 真係驚返唔到屋企好彩撞到好人

你住將軍澳 我唔係壞人黎架

人哋幫我

大學果陣成日好夜返屋企，所以會搭亡命小巴
落車果陣諗住比八達通，但司機話壞咗機
我身上又冇cash
然後司機講咗句：「算啦」嘅時候
後面個哥哥話：「我比埋佢果份」

我幫人
提過n個人佢個袋打開咗

施恩不為報