一人n個幫陌生人/比陌生人幫嘅經歷

早排試過幾次係條街喊 有兩次都有人主動俾包紙巾我
有次個男仔係好遠已經見到我喊 上到電梯佢企係我前面不停回頭望下我 然後我見到左摷右摷左包紙巾出來 好似猶豫左一陣俾唔俾我好咁 最後佢都特登調頭遞包紙巾俾我 好多謝佢 果下真係感動左

英國人好熱心幫人

依個post 好有愛

樓上話派傳單我都會咁做
不過我幫人嘅都係小事，扶吓老人家幫人拎吓嘢咁
比人幫就試過唔少次
多數係d 叔叔嬸嬸，出奇地幾好人

前幾年聖誕赤柱德國小鎮
走個陣巴士站全部都係人 逼到傻左
同個fd兩個人排左兩次隊都跟甩/ 錯隊
後來諗住是但排 出返市區先算

呢個時候有兩個叔叔叫我地排佢前面
話搭呢架車會快啲出返去
再後來其中一個叔叔行開去排另一條隊
點知另一邊快啲有車 佢地拉埋我地一齊過去搭

只能說 識然唔相識
不過叔叔我愛你

中學暑假果陣去公眾泳池游水 換衫果陣跌左個銀包 當時唔知情就出左池游水
果日諗住游完水去買書 袋左三千蚊係銀包

游游下水突然開咪嗌我全名 叫我去辦事處果度
去到先知原來自己跌左銀包 仲要發現入面一蚊都冇少到 好感激執到銀包果個人

有次上左小巴發現8達通冇錢身上得大紙，有位女士借左比我

有次幫化學呀sir關煤氣
佢就捉我出去做幫手助手之類
然後不斷問我叫咩名

係外國旅行唔覺意跌左包錢（約一千歐羅），有個女人執左再俾番我

喺學校廁格喊左好耐 有個南亞女仔敲門問我有冇事
我開門佢攬住左我安慰我 嗰時好感動
好多謝佢
有時陌生人仲好過朋友

有次有個南亞既細路女（目測8、9歲）問我拎10蚊，我果陣唔知點解比左佢，佢無解釋，直接問

又有次有個著校服男小學生，行埋黎問我［可唔可以比10蚊我？］果陣我又係比左

我係咪唔識拒絕人 毒撚性格
但諗落話唔定人地有需要呢

試過係街見到個幼稚園男仔
同佢同一條路行左勁耐唔見佢隔離有大人
本身諗住唔理 睇睇下愈黎愈唔對路
衝左過去問佢屋企人係邊
原來一早已經失散左
最後同佢原地等左超過半鐘都唔見佢屋企人
問佢咩都答唔到 唯有call警察
算唔算幫左人

有次拎住一大袋嘢上火車
原本企係中間畀人逼到企唔穩
有個企係近門口位嘅姨姨拍我 叫我企係個到仲叫我小心啲啲袋
雖然好小事 但好感動

第一晚去到東京 個時落緊大雨朋友拖信個大喼係度搵酒店 問左兩個大約五六十歲嘅日本男人應該點去酒店 佢地又幫我地打電話問又幫我地搵左15分鐘路 最後重幫我地手check in埋
日本

啲呀姐派傳單我就係唔係都拎左先 諗住可以幫佢早少少收工🤔

同路
有時話幫同事拎多幾多等佢可以抖下

上個月喺東京羽田飛翻黎香港
自己一個人買左勁多野勁重咁拎上機
坐我隔離嘅男仔見我唔夠力就幫我擺去上格
又問我個書包會唔會塞住我坐得唔舒服使唔使坐過一個位俾我擺袋
雖然我地成程機都係訓教無傾過計
但之後好後悔點解無去識你
唔知你睇唔睇到呢段野呢

有兩單：
第一單發生係5-6年前 果陣放學係藍灣準備搭小巴
小巴站前有對印度夫婦好迷茫咁望塊牌
我問佢地咩事 問完先知佢地唔識點由小西灣過去灣仔地鐵站
於是我惟有帶佢地去搭小巴落杏花再轉地鐵站
之後我係太古落車返屋企
走果陣我寫左自己個電話號碼係張紙上 防止佢地唔知點繼續行
而個印度人比左佢張卡片我 返去查先知原來佢係某間罐頭廠既老細
過多幾日 對夫婦sd左條好長既sms黎多謝我

第二單都係差唔多咁上下時間
果日落雨 放學等過馬路果陣
有個幾細粒既女仔著住California制服
飲住包檸檬茶問可唔可以遮佢一陣
遮到過左馬路之後 佢拿拿衝返去果陣
回頭向我躹躬講多謝 而家呢個景況仲係好深刻 因為好可愛。

去大阪旅行問路
點知原來佢地一大班人 仲要熱心到一齊帶路
搞到勁唔好意思

Dse 考試中文oral個時
去緊考場 但事先又冇搵定點行
一出左輕鐵 好迷茫 周圍望咁
睇住時間就到 真係好淆
好彩有個讀個間中學嘅妹妹問我係咪考試
帶埋我去佢間中學

今日搭西鐵我又訓到中下中下 之後隔離女仔要落車 佢落車前拍一拍我話 '你可以坐過去側邊 唔洗訓得咁辛苦'
有時遇到小小好事都夠開心一日 所以大家都得閒就幫下人

每次見到盲人喺多人嘅地方行我都會上前畀隻手佢地帶佢地行去目的地，怕佢地支竹打到人俾人鬧

n年前中學雞補雞精班video房遲左到半個鐘，入到課室我坐低左咩都無講過，但隔離個學生妹，幾靚女的，竟然主動遞自己本野過黎俾我抄番，事前唔識無見過佢

btw嗰時太毒，唔該多謝無講，電話fb都無問

如果學生妹你都有上連登又睇到我個留言，同你講返句唔該

早兩個月補燈塔bio冇帶notes,隔離個女仔自動同我share份notes,依家再冇見過佢,好後悔冇問佢攞電話抄翻啲notes

被問路