一人n個幫陌生人/比陌生人幫嘅經歷

三年前左右 有朝繁忙時間候搭西鐵番學
去到錦上路同荃灣西中間 因為焗得滯暈左
斷左片幾秒 有人幫我撳左鐘話有人暈左
又有個姐姐踎低問我有冇事 仲係荃灣西陪左我一陣
佢話佢做護士既 話佢唔趕時間
我唔記得有冇多謝到你 好想係度多謝番你

另外一次被人幫係上年番工 冇帶遮
係長沙灣落車跑左幾個街口 成個人濕哂
有個女人係最後一個街口話遮埋我

幫人就有係中學個陣遮左兩個師妹番學校
同埋係長沙灣地鐵站幫左個搵唔到路
差啲上左地面既視障人士落番月台
但我唔記得左佢唔慣行得快 一手拉左佢行

係西環 11:45pm
行行下街見到ar婆推緊自己輪椅。
唔知點解我同佢推望左眼，佢叫我後生仔，幫我推番屋企得唔得。

由電車路推呀婆輪椅推到佢屋企門口推到第三街。

你確定佢係人

係外國 滑雪

個friend 帶咗我去一條比較斜嘅雪道
點知我落到一半就失控
成個人飛起再噠落地 連兩塊板都甩埋
我對鞋啪唔返入對板 滑唔到落山
等極都等唔到工作人員
朋友都幫唔掂 結果佢就行先 話落山等我
於是我就一條友 攬住啲gear
慢慢係路邊跣落去
雪山又凍 個身又濕 跣跣下就忍唔住喊

之後有個鬼仔見到 想黎幫我
嗰下真係好感動 真係好感激佢
點知搞極對鞋都係啪唔實
鬼仔都係無辦法 講左句sorry 就走咗
我唯有繼續慢慢跣落去
加加埋埋起碼跣左15分鐘
最後我都係頂唔順 停低咗開始狂喊

喊喊下有對情侶停低咗 問我有無事
三個人夾手夾腳 幾經辛苦終於整得返對鞋
聽到隻鞋啪到落塊板度 嗰下我真係喊到七彩
當其時我又凍 又激動 喊到個人震哂
個男人係前面帶路 女人就係隔離陪住我
叫我唔洗驚 好快就落到山
結果隔左半個鐘之後 我終於係地面見得返個friend

真係好多謝幫過我嘅哥哥姐姐們
救番我一命 令我唔洗自己碌落山

一樣係外國滑雪對鞋啪唔返入對板，睇住大隊其他人滑開哂，結果得返我係原地 勁驚
幾個外國人一齊嚟幫我啪返對鞋上去，仲想問我野幫我手，但佢地唔識英文溝通唔到
最後我都感動到喊左 係咁講thank you

幫人好少會記住
比人幫大概係早排仆街有人扶我

係邊跌 我早排幫左個人

撘巴士流鼻涕無紙巾 ，
膽粗粗問坐隔離個國泰空姐，之後佢拎左濕紙巾俾我 ，最後大家傾左幾句交換左電話，依家做埋女朋友

你靚仔姐

幫人就大把

有次發燒 發住102度咁去上堂
因為俾左幾千蚊唔想miss
個度啲人全部都唔識第一次見既
咁上上下真係病到好辛苦自己坐埋左一邊
突然有個女仔行過黎問我有冇事啊咁 之後俾左啲水我 又有個男仔行過黎俾退熱貼我
個時覺得勁warm 仲好似即刻病好左咁
但返到屋企發現都仲係102度

雨革嗰時 催涙彈第二朝
去藥房買裝備唔肯我哋錢 仲提醒我哋爭咩爭咩
撘的士又係唔肯收我哋錢 仲話香港靠你哋啲後生啦！加油！
之後聽返好多人講都遇過依啲事
真心好撚warm
嗰時真心覺得香港人外冷內熱好撚正

其實真係好Warm,可惜現在只會比人話係左膠

雨革d野我都唔敢提
諗返都覺得自己on9

有次上咗巴士先記得八達通負咗
身又得5百蚊紙
周圍問好彩有人有五張100同5張20
真係多謝個時個叔叔同姨姨

試過係觀塘比人問點返屯市
我又搭個架巴士就話跟我搭啦
之後佢上車拎員工證出嚟攬捚我
咁又唔洗錢搭
好心真係有好報

仲試過中學放lunch有個媽媽帶住個仔
問我可唔可以比小小佢買飯比小朋友食
之後比咗廿蚊佢
不過唔知係唔係呃人

開門比人搭lift等埋人依啲就真係日日做
好開心幫到人同比人幫
人間有愛嘅表現

[quote][i]俾幫人[i]
1. 中學返學突然間落雨，我冇帶遮，喺商場門口呆等，突然有個女仔問要唔要遮埋我，原來係傳說中嘅校花師姐，我怕怕醜醜咁講「好呀，唔該你」，返到學校膽粗粗咁問佢攞電話號碼，佢話「如果我下次見到幫其他唔識嘅人先啦！」

2. 返工跟個project，都大大地，臨on show嗰個禮拜屋企有事加上氣管炎，成個人可以話癱瘓咗，幾個同事極好咁幫我將之前所有準備砌好佢，仲幫我modify埋，最後份project靚靚仔仔咁完成，佢地直到老細嘉許我嗰陣都冇衝出黎邀功，當然我事後有同老細講返多得佢地幫手先搞得掂，最後做咗好兄弟，依家事無大小都拍住上。

[i]幫人[i]
1. 上回講到嘗試問校花攞電話，但係校花話要俾佢見到我幫陌生人先考慮，就喺同一個禮拜，當我喺學校排球場練波嘅時候，有個師妹放學行過，隊友殺波嗰陣誤中呢位師妹，都食得幾應，小師妹當堂爆鼻血，身為紅十字會會員嘅我即刻幫佢止鼻血，仲帶咗佢去校務處搵人幫手，好彩最後冇事。當日練完波之後咁啱撞到校花，佢塞咗張紙俾我，上面寫住8個數字……

2. 話說細個住公屋，隔黎左右都好多老人家，佢地由細睇到我大，當我孫一樣咁錫我，尤其是鄭伯伯同佢老婆，可能係因為佢地冇仔女啦。直到我中四，鄭伯伯過咗身，佢老婆想幫佢搞場好好睇睇嘅喪事，好彩我地有親戚做殯儀業，所以最後以最抵嘅價錢幫鄭伯伯搞咗身後事，我屋企亦都有出咗部分錢（婆婆唔知），而我喺上房當晚就幫伯伯做擔幡買水嘅角色（當係契仔），好等婆婆安心，之後我地屋企同其他街坊都有照顧婆婆。但係幾年之後，婆婆喺夜晚訓訓下覺走咗，身後事都係我地幫婆婆搞，我當時係喊到仆街。[/quote]

無兒無女既老人家有你地陪佢走最後一程

校花點

之後我成為咗全校男仔嘅公敵

仲有冇一齊呀

有一次撘地鐵，車箱入面好多人勁逼，
我挨住玻璃企，臨關門既時候，
有個大陸男人衝左入黎，
佢一路講電話，又抬頭又咬腰想睇上面個路線圖，跟住個頭差d就挨落我個胸度
我諗佢都唔係特登既，但明明佢擰轉面就望到對面個路線圖
我原本想叫佢，但車箱咁多人，我又唔想咁大聲俾人知道，
呢個時候，有個男仔用隻手攝落黎捉住我隔離個扶手擋住左個男人個頭，同個男人講，你掂到人喇！
果下突然好感動

唔知有冇打到1999

絲打好靚一定

諗起有個巴打見呀派跌橙幫佢禁個身等佢執

上兩個星期, 夜晚10點幾,
返屋企既時候有個爛醉既鬼佬問我借電話,
佢話佢跌左個袋, 個身冇錢冇電話想打比佢朋友求救,
但佢記極都極唔起佢朋友電話,
我見果日得16-17度佢又淨係著短衫短褲,
就幫佢叫左架的士送佢返酒店, 俾左100個的士佬就走左

P.S. 岩岩放工, 個身得返20蚊買左個包食,
本身果晚諗住去M記食餐好既

校花點

之後我成為咗全校男仔嘅公敵

仲有冇一齊呀

籌劃緊婚禮

幫人
係地鐵見到視障人仕會帶佢地去想去個條線

上年去日本食一蘭執到個韓國人既電話
連左去自己手機wifi 聯絡佢朋友叫佢黎拎返
等左一陣 有個男仔好緊張咁跑左去d侍應度
之後我示意叫佢過黎
佢就隻住我隻手同我講ah li ga dor gor jez li maas(唔識拼/打)

係藥妝店買野 見到有個女人買休足
我就同佢講買一pack pack抵d 哈

俾人幫
夾公仔個時 有個日本人教我點夾

有次係十韓國滑雪 我失控停唔到 個時隔離係一條用綱分隔既滑雪道
我勁驚會飛左過去俾人鏟到
最後都飛左半個人過去但又除極都除唔到對鞋
我要除左鞋先起到身 平衡唔到
之後有個男仔過黎問我有無事 拉左我起身 個時好感動 因為真心好撚驚俾人鏟

仲有好多好多 一時諗唔到

比人幫
幾年前係街m痛到嘔左出黎 打算直接坐係地下到抖嗰陣有個姨姨埋黎問我係咪唔舒服 冇記錯佢係望左我一陣先開口問我係咪唔舒服
之後佢走入前面間銀行問個保安可唔可以比我係到休息一陣 又叫埋坐住唯一一張凳嗰個人讓個位
跟手佢地又幫我買必理痛 打埋比屋企人 仲幫我搽油
中途仲聽到個保安同其他入黎既人講 有人唔舒服 叫啲人去第度坐 一路陪我到老母執我返屋企
佢地仲要唔收我必理痛既錢 而家諗返都仲係好感動
依句多謝已經收埋左幾年 姨姨同保安叔叔 仲有讓座嗰個你 真係好多謝你地 你地一定要身體健康 日日都開開心心

前年翻老麥part time 但係嗰日落大雨
我同我frd都無帶遮
行到一半有個OL姐姐走黎問我同我個frd
洗唔洗遮埋我地
最後我地無要到佢幫我地遮
不過佢都攞左兩張紙巾出黎比我睇
好感動
係大埔恆生銀行附近
大埔m記個頭
希望搵得翻幫我地個個OL姐姐
事發夜晚黎

試過返工等小巴個陣等等下開始落雨, 但個架小巴要起碼要等半個鐘, 排我後面個女仔無帶遮, 我無出聲咁遮埋佢

女廁試過幾次見到小朋友洗手唔夠高, 洗手個sensor感應唔到佢, 我伸隻手過去幫佢直到佢洗完為止。又見過佢地唔夠高拎紙巾, 幫佢地拎。試過有小朋友廁格無紙巾, 但阿媽係廁所門口等佢, 個小朋友好徬徨我俾左成包紙巾佢。d商場廁所設計可唔可以方便小朋友d 雖然有啱小童高度o既洗手盤, 但d廁所放到鬼咁高, 玩野咩

有次被人幫而家都仲好深刻, 話說當時晨咁早搭巴士去機場, 點知八達通無錢, 銀包得大紙, 諗住搵人唱散佢, 點知個師奶直接俾$4x我話唔洗唱, 我勁唔好意思堅持話要唱, 結果都失敗左, 我入完錢坐返埋位再多謝佢, 點知佢話唔洗多謝佢, 叫我同佢仔仔交換電話, 得閒同佢仔仔(坐佢隔離)出下街做下朋友, 搞到我勁尷尬

最後有無比

幫人
遮人，扶呀婆過馬路，幫人執野，開門，
易拉架跌左個個掂行掂過會幫手整番好，
比人問路幫佢搵地圖（係日本都比日本人問路，仲3次，我識日文都話幫，最慘係唔識 ）
地鐵有人倒瀉野主動比紙巾，
見人喊比紙巾，
見人嘔幫掃背，
就連見人地影團體相都會主動問洗路洗幫。
好鍾意幫人，好開心
更加鍾意令身邊嘅人都去幫人

比人幫
比人遮，比人帶路，
唔識路搭過免費小巴巴士的士。

去旅行唔見鑽戒搵得番，
去機場嘅巴士成個袋漏低（早左個站落）
但係行唔到去機場另一邊，
打番去個巴士司機肯番黎拎個袋再車番我地去下站。
（但係佢其實已經有客離開機場）

去台灣旅行搵旅館帶我搵，無電梯幫手搬行李，
知我無買sim卡借左張比我用，
之後做左朋友。

去日本住hostel，架仔幫手趕走個煩膠法國仔，
仲請我食飯帶我去玩

香港無759卡，mann卡人地主動借


好多好多！可能太長，
希望可以人人都行多少少唔好咁多怨恨咁計較

好心有回報，繼續分享愛。巴打！

搭火車/地鐵到終點站, 俾人拍醒叫落車 廢事搭返回頭車
應該好多人試過