一人n個幫陌生人/比陌生人幫嘅經歷

之前搭狗鐵，提個鬼妹個袋未拉好，佢講返句thank you so much，扯左。

做緊aia個嘉年華成日free比人玩 又送啲公仔比人 前提係啲客好想要/玩咗幾次/super見唔到...

幫人

老豆嗰朝車我返學落狗屎
途中見到個學生哥冇遮成身濕晒又追唔到小巴 我地叫埋佢上車送佢返學

俾人幫

我成日跌八達通啊學生證啊嗰啲 好多時老有人執返俾我

另外我係流學jj 之後蕩失路又天黑晒嚇死我
有個型佬無啦啦走埋黎又借電話又幫我google map 好感動 最後成功返屋企

仲有次係細個俾屋企人趕落車叫我走 有個執垃圾婆婆幫我求情
婆婆 我好多謝你啊 我嗰時好驚好驚

頂 仲有
我成日都遇到好好嘅陌生人
中學有次去完同學屋企玩到點幾兩點搭小巴返屋企
個小巴司機見到車站有幾個醉酒佬又有蝻
見我一個女仔所以特登車我去前啲 過左個總站 旺啲多人嗰個位俾我落 多謝你啊叔叔

講多個比人幫嘅經歷
有次喺大家樂食下午茶，問坐喺位嘅屋企人拎錢再去買野食，我就冇帶錢喺身，叫左先發現原來睇錯價錢，仲差一兩蚊，即刻7到想搵窿捐
然後諗住轉要第2樣野食，點知個收銀阿姐見我差少少錢，就話佢請我食，叫我唔使比埋嗰一兩蚊
我轉個頭番番位問屋企人拎錢再去收銀度比番佢，雖然只係一兩蚊，但就睇得出人情味

上網問功課
佢幫我畫左3 張圖

中一跌咗個垃圾銀包，其實入面得4蚊同學生證 鄰校有人執到打返學校通知我，約咗我俾返我 嗰個人仲要勁哥哥feel叫我以後唔好咁大頭蝦
幾年前同fd食飯飲咗少少酒 利申完全唔飲得
搭馬鐵返屋企嗰時喺車嘔 好彩夜，架車冇乜人
但我一嘔我嗰卡啲人走哂 其實我都覺得呢個行為好正常，但竟然有個男人冇走，仲俾紙巾我問我有冇事 好感動
前年左右，因為對上嗰份工有時收工收好夜冇尾班車就要轉兩三程通宵van先返到屋企。頭幾次有個住觀塘嘅同事會陪我去到觀塘個小巴站。但後尾有次佢冇返，我自己去到個小巴站等咗好耐都冇車，其實我知係啲小巴佬覺得嗰個位冇客上廢事兜上嚟，但我又唔知佢會喺邊上客 觀塘我又唔熟路，就係咁喺附近兜吓睇吓見唔見架van仔。
之後有個男人見我咁，就主動問我係咪搵嗰架van仔，我就話係，佢話佢都係，知喺邊有得搭，帶我去。好感動 又同我講過咗幾點左右，佢哋就唔會停嗰個站，要自己行嚟咁。上車嗰時仲幫我俾埋錢 我係咁塞俾佢都話唔使，話我自己一個咁夜返屋企又唔係好識路已經好危險（可能因為我太細粒 ）嗰吓真係好感動 再加上嗰排唔太開心，有個陌生人對自己咁好，真係覺得人間有愛 （雖然搭梗車時我有好仆街咁懷疑佢係咪有企圖 sorry我唔應該以小人之心度君子之腹）

之前暑假工做便利店，雞手鴨腳係貨倉門口整冧咗幾箱大水同大可樂
啲支裝飲品跌到成地都係，仲愈碌愈遠

跟住有個好心人見倒，就走過黎幫我手執返好啲貨入箱，之後仲幫我逐箱逐箱搬返入倉

多謝你呀 其實果時我煩緊升學問題，做到好唔開心，多謝你肯走埋黎幫我 好man呀你

試過有日好傷心 喊完去咗一間Cafe坐
買咗一杯咖啡 拎咖啡個陣個staff夾多咗兩個macaron比我 我以為拎錯咖啡 佢笑住話送比我 個心好warm 到宜家都記得

仆街領匯搞到間cafe宜家執咗

試過自己行街突然落好大雨，好彩我有帶遮
咁等馬路嘅時候就見到隔離有個人冇遮，我見轉左綠燈，個人都唔行，就行過去問佢係咪過，遮埋佢

仲有以前中學番學有條必經馬路，會有好多同校嘅學生行，有時落雨見到唔識嘅冇帶遮都會遮埋佢地番去，都試過幾次
但到我冇帶遮嘅時候，其他著住同校服明明認得個樣嘅人都冇理過我

仲有以前中學做prefect，打鐘之後會企一陣閘口等遲到嘅人番嚟登記，有時落雨啲人冇帶遮，就會幫佢擔遮等佢寫好資料，再送佢行到有瓦遮頭嘅地方

有時咁樣同陌生人有一段接觸，都幾刺激幾好玩

利申好人打飛機post

屌樓主我識你
你遮過我
多謝哂

灣仔放工超大雨，咁岩 有兩個人x係遮頭等緊 ，我又有兩把遮，比左把 就轉身走左

落緊雨果時係街
我有遮 有條女問我
可唔可以遮佢過馬路 等佢落地鐵站
跟住遮左 條女幾正
不過搞到對鞋濕左
本來行多幾步就上樓

係加拿大發生的
有次同女朋友去街
點知一落巴士佢就成個人想暈低
(M到加曬加暈車)

跟住我好撚驚 問佢要唔要去醫院
佢話要返屋企
當時叫車又等好耐 路邊又冇的士
我就求其截
點知真係好快有人停車！

上到車係個印度人
佢好好 好關心我地 係咁問要唔要去醫院
最後車咗我地返屋企

途中我有問佢做啲咩，原來係廚師！
仲問咗佢係邊間到做 好彩女友仲記得
最尾搵咗日專登去依咗餐飯親口多謝佢

俾幫人
1. 中學返學突然間落雨，我冇帶遮，喺商場門口呆等，突然有個女仔問要唔要遮埋我，原來係傳說中嘅校花師姐，我怕怕醜醜咁講「好呀，唔該你」，返到學校膽粗粗咁問佢攞電話號碼，佢話「如果我下次見到幫其他唔識嘅人先啦！」

2. 返工跟個project，都大大地，臨on show嗰個禮拜屋企有事加上氣管炎，成個人可以話癱瘓咗，幾個同事極好咁幫我將之前所有準備砌好佢，仲幫我modify埋，最後份project靚靚仔仔咁完成，佢地直到老細嘉許我嗰陣都冇衝出黎邀功，當然我事後有同老細講返多得佢地幫手先搞得掂，最後做咗好兄弟，依家事無大小都拍住上。

幫人
1. 上回講到嘗試問校花攞電話，但係校花話要俾佢見到我幫陌生人先考慮，就喺同一個禮拜，當我喺學校排球場練波嘅時候，有個師妹放學行過，隊友殺波嗰陣誤中呢位師妹，都食得幾應，小師妹當堂爆鼻血，身為紅十字會會員嘅我即刻幫佢止鼻血，仲帶咗佢去校務處搵人幫手，好彩最後冇事。當日練完波之後咁啱撞到校花，佢塞咗張紙俾我，上面寫住8個數字……

2. 話說細個住公屋，隔黎左右都好多老人家，佢地由細睇到我大，當我孫一樣咁錫我，尤其是鄭伯伯同佢老婆，可能係因為佢地冇仔女啦。直到我中四，鄭伯伯過咗身，佢老婆想幫佢搞場好好睇睇嘅喪事，好彩我地有親戚做殯儀業，所以最後以最抵嘅價錢幫鄭伯伯搞咗身後事，我屋企亦都有出咗部分錢（婆婆唔知），而我喺上房當晚就幫伯伯做擔幡買水嘅角色（當係契仔），好等婆婆安心，之後我地屋企同其他街坊都有照顧婆婆。但係幾年之後，婆婆喺夜晚訓訓下覺走咗，身後事都係我地幫婆婆搞，我當時係喊到仆街。

之前同個fd去東京旅行
唔知邊度買飛去千葉
於是是但問左個男人
點知問完佢之後
佢超好人咁帶埋我地去買車飛
仲幫我地俾埋錢
仲要陪埋我地入閘等到有車先走
真係勁好人

之前同個fd去東京旅行
唔知邊度買飛去千葉
於是是但問左個男人
點知問完佢之後
佢超好人咁帶埋我地去買車飛
仲幫我地俾埋錢
仲要陪埋我地入閘等到有車先走
真係勁好人

我喺大阪都有遇過
教我同男朋友點買飛去奈良
不過就未去到比埋錢咁誇張
又係陪入閘兼教埋上車

[quote]俾幫人
1. 中學返學突然間落雨，我冇帶遮，喺商場門口呆等，突然有個女仔問要唔要遮埋我，原來係傳說中嘅校花師姐，我怕怕醜醜咁講「好呀，唔該你」，返到學校膽粗粗咁問佢攞電話號碼，佢話「如果我下次見到幫其他唔識嘅人先啦！」



幫人
1. 上回講到嘗試問校花攞電話，但係校花話要俾佢見到我幫陌生人先考慮，就喺同一個禮拜，當我喺學校排球場練波嘅時候，有個師妹放學行過，隊友殺波嗰陣誤中呢位師妹，都食得幾應，小師妹當堂爆鼻血，身為紅十字會會員嘅我即刻幫佢止鼻血，仲帶咗佢去校務處搵人幫手，好彩最後冇事。當日練完波之後咁啱撞到校花，佢塞咗張紙俾我，上面寫住8個數字……

（然後就沒有然後？)

俾幫人
1. 中學返學突然間落雨，我冇帶遮，喺商場門口呆等，突然有個女仔問要唔要遮埋我，原來係傳說中嘅校花師姐，我怕怕醜醜咁講「好呀，唔該你」，返到學校膽粗粗咁問佢攞電話號碼，佢話「如果我下次見到幫其他唔識嘅人先啦！」

幫人
1. 上回講到嘗試問校花攞電話，但係校花話要俾佢見到我幫陌生人先考慮，就喺同一個禮拜，當我喺學校排球場練波嘅時候，有個師妹放學行過，隊友殺波嗰陣誤中呢位師妹，都食得幾應，小師妹當堂爆鼻血，身為紅十字會會員嘅我即刻幫佢止鼻血，仲帶咗佢去校務處搵人幫手，好彩最後冇事。當日練完波之後咁啱撞到校花，佢塞咗張紙俾我，上面寫住8個數字……

Quote錯
然後如何啊巴打 好想知

落街冇帶遮，等過馬路果時帶個姐姐遮左我一陣！

呀婆拖手拖車想上樓梯幫佢搬上去，

Bb車都試過，讓座俾大肚婆，

搭到金鐘幫個大肚婆擋住班衝上車既跑手，

幫個女仔由地鐵站搬箱野到屋企樓下，我唔識佢

仲有一次又係好深刻！！！
有晚喺九龍塘食完飯
想快d返屋企
於是搭的士
點知落車俾錢嗰刻
先發現個銀包張五百蚊紙入左八達通
得返二十幾蚊
個司機見我嚇到面都青埋
問我係咩唔夠錢
之後佢話今次當請我搭唔收我銀

嗰刻驚到成個人呆左
其實應該問佢拎電話又或者影低佢車牌
之後俾返錢佢
多謝你呀司機叔叔

利申：住港島，仲要行西隧

考電單車強制試

觀駕 有3架 號碼分別係 72,73,75

3架入面有一架係半壞既,用左勁難合格

果陣我同另一個要考試 有一個中年女人 一早比左2-3百蚊一粒鍾黎練車

本身我要用壞車考 ,但我開聲問佢,佢肯同我換

佢明明比左錢練車, 但就讓左大半個鍾比我用黎考車

之前同個fd去東京旅行
唔知邊度買飛去千葉
於是是但問左個男人
點知問完佢之後
佢超好人咁帶埋我地去買車飛
仲幫我地俾埋錢
仲要陪埋我地入閘等到有車先走
真係勁好人

我喺大阪都有遇過
教我同男朋友點買飛去奈良
不過就未去到比埋錢咁誇張
又係陪入閘兼教埋上車

我冇記錯的話
兩個人加埋3600円

搭電梯 有個女仔條鞋帶攝左入去條邊 佢抆唔到出o黎
我行過幫佢抆左出o黎 但我趕時間 一抆完就走左

中四個年因為失戀
有日夜晚就校服都未換 係個小型足球場隔離個公園坐係度喊 都喊得幾勁下
忽然有個男仔 應該岩岩踢緊波 走左過黎俾左包熊仔紙巾我 之後坐左係長椅既另一邊靜靜咁陪住我直到我平伏返
真係好感謝佢 好想親口多謝佢 可惜第二晚去返已經搵唔到佢 如果你見到又有印象可唔可以搵返我

試過有次同呀媽一齊 之後我暈左係條街到
聽到好多人衝過黎係咁問我媽有無野幫到手
記得有人抬高我對腳 又有人幫手叫人唔好堆埋黎 又call曬白車
仲好記得有人坐係地下比我訓係佢對腳上面
雖然真係誇張左啲 但我仲好記得當日好多人幫過我同我媽媽

當年我係筲箕灣到暈咗 多謝你地