一人n個幫陌生人/比陌生人幫嘅經歷

聖誕節果日遇到個女仔
同我住同一棟 見佢無手開門
我行左過去幫佢開
佢 > > 跟住講唔該
即刻比佢電到
到佢住果層 我同佢講bye bye
佢踏出電梯 回眸一笑對住我講
唔該哂你啊 bye bye
果一刻真係好心動

到宜家都只係遇返佢一次
仲要佢入電梯我出
反應唔切

係油塘地鐵站帶左班秦國人行去鯉魚門

幫佢地慳左20蚊的士錢

尋秦記？

細個搭火車返香港冇食早餐暈 人向後咁跌 好彩後面有個幾大隻嘅中年漢及時抱住我 休克左五分鐘 成卡車既人都幫手
好多謝佢地
仲有好多 但經歷過個次俾人幫完之後都會盡量主動幫番其他有需要既人
最近一次係幫個婆婆搭野同埋帶兩個韓妹去搭西鐵

有次約左去fd屋企打麻雀，中途見到阿婆推住部手推車拎d垃圾去賣
部手推車生哂銹，行果陣仲有d支支聲，阿婆用力推都只係行左半分
之後幫阿婆推架車去賣既地方(同fd屋企方向完全相反)
之後唔知係咪好人有好報，贏到開巷

又有次落狗屎，見到反左面既ex企係商場門口，猶豫左好耐去唔去遮埋佢，最後遮完就自己走左
返到屋企一路ff可以箍煲，一路對住佢d相打丁，點知事後先知原來佢果日係約左新仔

住緊果頭都多殘疾人士，出大堂都會幫d行動唔方便既人拉下度門。同埋會幫手推d輪椅人士

自己反而好少比人幫

自 陌生人

之前行行下街跌咗個銀包
入面有哂我啲卡同證件同埋幾百蚊
第二日就有人打去我學校話我跌咗個銀包
仲就我喺近我嘅地鐵站畀翻個銀包我
嗰刻真係feel到香港有愛

試過炒完散搭N巴無散錢 得50 要問人唱錢 有個男仔見到直接行埋黎幫我比埋 講左幾次比返錢都話唔洗

自己幫人既經歷都係帶下路個啲

食譚仔又唔記得帶紙巾
又嗌咗辣食到不停流鼻水
突然有個auntie畀咗成包紙巾我
我反應唔切無講到多謝佢就走咗

某年生日返學嗰陣落雨，我冇帶遮諗住近近地就咁衝返學校，等過馬路嗰陣有個唔識嘅同校同學冇出聲咁遮我，仲遮我遮到學校門口

嗰陣毒得濟冇點睇佢個樣又冇同佢講野，真係好想多謝佢，同佢講係好好嘅生日禮物

係外國 滑雪

個friend 帶咗我去一條比較斜嘅雪道
點知我落到一半就失控
成個人飛起再噠落地 連兩塊板都甩埋
我對鞋啪唔返入對板 滑唔到落山
等極都等唔到工作人員
朋友都幫唔掂 結果佢就行先 話落山等我
於是我就一條友 攬住啲gear
慢慢係路邊跣落去
雪山又凍 個身又濕 跣跣下就忍唔住喊

之後有個鬼仔見到 想黎幫我
嗰下真係好感動 真係好感激佢
點知搞極對鞋都係啪唔實
鬼仔都係無辦法 講左句sorry 就走咗
我唯有繼續慢慢跣落去
加加埋埋起碼跣左15分鐘
最後我都係頂唔順 停低咗開始狂喊

喊喊下有對情侶停低咗 問我有無事
三個人夾手夾腳 幾經辛苦終於整得返對鞋
聽到隻鞋啪到落塊板度 嗰下我真係喊到七彩
當其時我又凍 又激動 喊到個人震哂
個男人係前面帶路 女人就係隔離陪住我
叫我唔洗驚 好快就落到山
結果隔左半個鐘之後 我終於係地面見得返個friend

真係好多謝幫過我嘅哥哥姐姐們
救番我一命 令我唔洗自己碌落山

試過係中環站行到香港站個時到見到有位盲人好迷茫，行埋去問佢咩事，原來佢想行去中環站，我咪帶返佢轉頭，慢慢行過去
Btw個時咁多人行過佢身邊，都係冇人幫佢

係外國 滑雪

個friend 帶咗我去一條比較斜嘅雪道
點知我落到一半就失控
成個人飛起再噠落地 連兩塊板都甩埋
我對鞋啪唔返入對板 滑唔到落山
等極都等唔到工作人員
朋友都幫唔掂 結果佢就行先 話落山等我
於是我就一條友 攬住啲gear
慢慢係路邊跣落去
雪山又凍 個身又濕 跣跣下就忍唔住喊

之後有個鬼仔見到 想黎幫我
嗰下真係好感動 真係好感激佢
點知搞極對鞋都係啪唔實
鬼仔都係無辦法 講左句sorry 就走咗
我唯有繼續慢慢跣落去
加加埋埋起碼跣左15分鐘
最後我都係頂唔順 停低咗開始狂喊

喊喊下有對情侶停低咗 問我有無事
三個人夾手夾腳 幾經辛苦終於整得返對鞋
聽到隻鞋啪到落塊板度 嗰下我真係喊到七彩
當其時我又凍 又激動 喊到個人震哂
個男人係前面帶路 女人就係隔離陪住我
叫我唔洗驚 好快就落到山
結果隔左半個鐘之後 我終於係地面見得返個friend

真係好多謝幫過我嘅哥哥姐姐們
救番我一命 令我唔洗自己碌落山

你個fd
絕交啦

放學落雨見有條女無帶遮 遮咗佢返屋企
最後做咗女朋友

去吉隆坡旅行果時想去自助洗衫鋪洗衫，
點知果度冇得賣洗衣粉
點知隔離個鬼佬竟然主動問我要唔要洗衣粉，仲比埋柔順劑我
雖然你gay gay 地，但你係個好人

做緊aia個嘉年華成日free比人玩 又送啲公仔比人 前提係啲客好想要/玩咗幾次/super見唔到...

我都想啊 幫埋我啊

13號會再返啊 不過好難知你係邊個喎

之前返學落雨，但係我無帶遮，有個同校嘅女仔好好人，行過黎話遮埋我

有一次我同呀媽諗住去泰芒了買野飲，出到mtr又唔見間野，就開左google map，諗住過馬路去睇下間野係咪個邊，等緊過馬路個陣，見到企我格黎個男仔係到裝我部手機，之後佢問我係咪去泰芒了，我話係，佢就指俾我睇係邊，唔知我發雞盲定咩，個陣睇唔到，佢講左一陣我先見到，之後諗住行過去，點知原來都係要過馬路，一路行佢一路講我知間野係邊，仲話佢都係行個邊，帶埋我過去，行到過去我同呀媽講左句野，佢已經走左，都講唔切多謝，依加香港好少咁主動咁熱心嘅人咖啦，唔知你有冇上lihkg，希望可以同你講返句多謝

想幫個輪椅人士上斜路
點知比佢屌，叫我咪撚搞佢架車

笑出聲

反差好大

試過之前零度上大帽山
見到有幾個人流血同疑似低溫症
我同啲朋友俾咗暖水佢地飲同幫佢地止咗血
仲咗幾件poncho同幫佢地報咗警
但啲消防同警察行錯路
搞到我地要攬住嗰幾條友 幫佢地取暖

如果嗰幾個人見到我嗰comment 可唔可以揾我
因為嗰幾件poncho 都幾貴

斷腳果陣搭巴士比阿婆讓關愛座

朋友話我飲醉左係巴士請人撘車

之前係尖沙咀落好大雨，過馬路淋緊雨，有個靚女姐姐過黎遮我 好感動

伸手過去想幫阿婆推紙皮
點知佢問我係咪要
十蚊賣俾我

試過係街見到個幼稚園男仔
同佢同一條路行左勁耐唔見佢隔離有大人
本身諗住唔理 睇睇下愈黎愈唔對路
衝左過去問佢屋企人係邊
原來一早已經失散左
最後同佢原地等左超過半鐘都唔見佢屋企人
問佢咩都答唔到 唯有call警察
算唔算幫左人

算

屋企好近醫院，有日揸車係屋院路口等緊燈位跟住無啦啦有條女拍我車窗
個時我心諗做乜尻 跟住較低窗問條女做乜
原來條女都係住同一屋苑，想陪呀婆去覆診點知等咗好耐都冇的士，我聽完諗咗諗，跟住就叫佢地上車車咗上醫院

試過有次等巴士
有個阿叔唔夠散銀 於是攞住張十蚊紙想問我唱但我都唔夠
然後我望佢其實都只係差兩蚊
咁我索性俾咗兩蚊佢唔洗佢唱

再之前就都係啲讓座俾老人家咁

低form嗰陣嘅早上突然落緊雨
我就日日帶遮返學
開遮行行下突然有個隔離學校嘅姐姐走埋嚟
問可唔可以遮埋佢
結果就同佢一齊行返學
利申：男校

諗起有次又係突然落雨
我走過去前面個小學生到問佢可唔可以遮埋我
跟住佢 之後一嘢走跑走咗……
而我就繼續毒自雨中慢步

好慘呀

好有畫面