一人n個幫陌生人/比陌生人幫嘅經歷

以前返學由天水圍去柴灣
個袋成日唔記得閂拉鏈 返到學校先知 冇人提過
自此以後見人冇拉拉鏈會提佢
希望有日有人提返我

前排係商場廁所執到部電話
部電話無鎖既 之後我係聯絡人度搵佢公司d同事
一個鐘後佢黎搵我拎返部電話 佢係咁多謝我搞到我有少少唔好意思

我想講大部分香港後生都唔撚識講thank you
試過同一日幫幾個人都唔講唔該就走撚左去
家教都冇

唔止香港人，遇過鬼佬都係咁，
完全係鬼佬毒L, Thank you都唔識講

之前同女朋友去日本旅行，去一個士多啤梨園
點知行成20分鐘去到竟然無開
咁啱有一對香港夫婦自駕遊去到一齊摸門釘
最後車我地去車站唔使再行
好多謝佢地

教人養魚

啊爸突然入院果陣我坐在醫院d 櫈係度喊
隔離有個女人比左張紙巾我

俾人幫

有晚收工去到巴士站等尾班車突然醒起八達通負左錢，就問前面情侶唱廿蚊。佢地摷哂成身所有既衫袋褲袋都係得十六個幾，我話唔緊要我照同你唱，益你好過益九巴。上到車坐坐下個女仔走黎塞左幾粒糖俾我話佢地搵極都係唔夠散紙，俾幾粒糖我當補返數。嗰下覺得佢地好可愛食嗰粒糖都特別甜

細個同屋企人去拜山，排隊上接駁巴條路勁多人又窄，迫到我要行坑渠位，點知行行下原來成條坑渠都有蓋就係少左我前面嗰個，搞到一野叉左隻腳落去，攝住左隻腳又甩埋隻鞋，屋企人加埋我三個人六隻手都拎住勁多袋野又迫完全唔知點算。喱個時候有個姐姐一手扯左我出黎執返我隻鞋再幫我著埋，之後頭也不回咁走左，嗰下真係覺得佢簡直係天使黎

讀書嗰時有次落雨唔記得帶遮又唔想淋雨，見到有同校路過就問可唔可以遮埋我返去，佢話好咁就一齊行。一路行佢就問我點解會咁勇敢問人可唔可以遮埋，比著係佢佢就唔夠膽會直接淋雨返去就算，我答佢：因為我就係唔想淋雨囉 到左之後有多謝佢，但事後喺學校見到佢已經唔記得遮過我喱件事

有次去酒樓食飯 叫左碟唔知咩骨
但個侍應阿姐落錯單 黎左第二樣野
同佢講 佢話佢落錯左 跟住口震震咁問我地要唔要
我個frd 話梗係換番啦 我見阿姐咁就話算啦 我幫你要埋佢
阿姐即係好似如釋重負咁
之後佢細細聲講話如果我地唔要 佢要自己俾錢
咁佢個晚就差唔多白做
雖然唔知真定假 但幫左佢都係開心
利申：自己做對客嘅工 我希望自己做錯野時啲客都會咁樣寬恕我

有次落大雨唔知點解冇帶遮但係得件雨褸，之後行到落樓下見到個女仔冇帶遮好慘咁企左係到之後俾左件野佢就走左

啲呀姐派傳單我就係唔係都拎左先 諗住可以幫佢早少少收工🤔

出發點好 不過我通常都唔會幫 製作垃圾

試過之前零度上大帽山
見到有幾個人流血同疑似低溫症
我同啲朋友俾咗暖水佢地飲同幫佢地止咗血
仲咗幾件poncho同幫佢地報咗警
但啲消防同警察行錯路
搞到我地要攬住嗰幾條友 幫佢地取暖

如果嗰幾個人見到我嗰comment 可唔可以揾我
因為嗰幾件poncho 都幾貴

女仔？

幫人

有次喺韓國街頭遊蕩，聽到有個香港家庭好似唔識路喺度討論緊點算，我自己都唔算太熟啲地方就無主動幫忙。點知行多兩步有人用好生澀既英文問我某某咖啡店點去，一轉頭就係嗰個香港家庭既媽媽，我一句答佢：我唔識喎 之後佢嚇親，又話佢地猶豫左好耐先鼓起勇氣問人點知問中個香港人好挫敗，咁我就話雖然我唔係local都唔識間店喺邊但都可以幫你google map帶你去既 之後佢喺我搵緊路嗰陣一路loop點解佢會揀左個香港人黎問喱件事，搞到我覺得佢好煩 btw最後有帶左佢去目的地

有次去九份玩，有班韓妹唔知點喺九份返台北，喺巴士站好絕望咁用韓文嗌「有無人可以話俾我知喱啲巴士究竟係去邊架」，之後我聽到就笑左（因為佢嗌得好聲嘶力竭），埋去問佢去邊，同佢講邊格車係返台北叫佢跟住我，之後佢勁大聲同我講「我愛你」 跟住我問佢係咪想講唔該，然後一路等車一路教佢講國語

喺香港發生既就通常都係俾紙巾人，幫人俾車錢，落雨遮埋人地喱啲小事
返學嗰時就成日就遲到要搭的士嗰陣喺的士站車埋啲等緊車既師弟妹，反正一個人同幾個人搭都係咁多錢。通常會叫佢地唔使俾返錢我（嗰幾蚊），但偶然都會有幾個細路會喺學校搵我塞返錢俾我，就會覺得佢地好可愛

試過去澳洲Gold Coast, 去完個Farm, 要行3個字先岀反到個車站。
岩岩走緊突然落大雨，遮都冇拎，所以跑岀去。
然後有個好人staff 放工揸車經過，就車埋我地岀巴士站。

諗返都好感動

試過之前零度上大帽山
見到有幾個人流血同疑似低溫症
我同啲朋友俾咗暖水佢地飲同幫佢地止咗血
仲咗幾件poncho同幫佢地報咗警
但啲消防同警察行錯路
搞到我地要攬住嗰幾條友 幫佢地取暖

如果嗰幾個人見到我嗰comment 可唔可以揾我
因為嗰幾件poncho 都幾貴

重點

比人幫
返工返到頹 帶左幾十蚊 去買大家樂 拎完餐 想去拎餐具 點知掉左成個飯 望下自己剩返既錢 唔夠錢買多個 收錢果個姨姨 話細佬 唔洗買多個啦 佢入機入多個飯比我 直接叫我去排多次 拎完餐 同佢講左幾句 多謝 唔該哂咁 邊食邊眼濕濕 點解自己咁廢同埋個姨姨好好人 咁都肯幫我

做緊aia個嘉年華成日free比人玩 又送啲公仔比人 前提係啲客好想要/玩咗幾次/super見唔到...

我都想啊 幫埋我啊

13號會再返啊 不過好難知你係邊個喎

咁聽日記得所有人都要幫下啦

有次上左小巴 八達通冇錢 又得500蚊紙係身
厚住面皮問有冇得唱
有個哥哥仔就比左6蚊我 好好人

幫阿婆由BU 推車仔推到去黃大仙

有次夜晚拎咗呀哥部單車去踩 踩到去白石角個斜路隧道諗住轉波轉重d 點知轉得太多 條鏈係個碌同個齒輪之間卡住咗 卡到好實 個碌都郁唔到 係隧道底果到停低咗 好彩冇炒到 跟住就抬返架單車上去 臨上到去仲要抽筋 痛撚到 終於挨到上去個海濱長廊諗住自己搞返掂 但係我唔夠力 淆咗好耐底先夠膽問係果到傾緊計既人 佢地有三個人 都係踩單車 幫我 佢地好快搞掂咗 仲同我講佢地都有時會咁(條鏈卡住咗) 跟住同我講試多幾次就識整 跟住就洗手走咗 好彩有佢地 如果唔係都唔知點返屋企 果陣又冇乜帶錢

雨革嗰時 催涙彈第二朝
去藥房買裝備唔肯我哋錢 仲提醒我哋爭咩爭咩
撘的士又係唔肯收我哋錢 仲話香港靠你哋啲後生啦！加油！
之後聽返好多人講都遇過依啲事
真心好撚warm
嗰時真心覺得香港人外冷內熱好撚正

早一兩個月左右，有一日又凍又落住雨，我返學途中經過培正道，見到有個呀媽帶住個幾歲既細路女截的士，佢同時要睇住個女﹑扶住架收好既BB車﹑同時又趺左把遮，好狼狽。
我幫佢汁返把遮，又用自己把遮遮住佢地兩母女（佢把遮無開），等佢地上的士（有架的士見紅燈就停低比佢地上），之後的士後面架私家車司機跑落車冒雨過黎話「我幫你呀。」就9秒9將架BB車放左落的士車尾箱。
個呀媽上車果刻好感激地同我地講「多謝。」

幫完手有兩個女仔即刻走黎問我買唔買旗，但我見個機構唔識所以無買到

雨革嗰時 催涙彈第二朝
去藥房買裝備唔肯我哋錢 仲提醒我哋爭咩爭咩
撘的士又係唔肯收我哋錢 仲話香港靠你哋啲後生啦！加油！
之後聽返好多人講都遇過依啲事
真心好撚warm
嗰時真心覺得香港人外冷內熱好撚正

其實真係好Warm,可惜現在只會比人話係左膠

有次去完旅行左手推行李，右手拎一大袋手順搭車番屋，點知好死唔死要上條長命樓梯。我死死氣抬左幾級，咁啱天橋上面有個男仔見到，好快咁跑過黎幫我抬左上去
我果下感動到 如果係見到呢個post 既話 我好想再多謝你一次