一人n個幫陌生人/比陌生人幫嘅經歷

最深刻係以前讀書，行返學校段路要15分鐘度
出門係大好陽光，行到唔阿3份1就落狗屎
正當諗住扮瀟灑，就有個靚女師姐係後面擔把傘上嚟
真係似足做戲咁出現，個一刻真係見到佢背後有光

幫人
遮人，扶呀婆過馬路，幫人執野，開門，
易拉架跌左個個掂行掂過會幫手整番好，
比人問路幫佢搵地圖（係日本都比日本人問路，仲3次，我識日文都話幫，最慘係唔識 ）
地鐵有人倒瀉野主動比紙巾，
見人喊比紙巾，
見人嘔幫掃背，
就連見人地影團體相都會主動問洗路洗幫。
好鍾意幫人，好開心
更加鍾意令身邊嘅人都去幫人

比人幫
比人遮，比人帶路，
唔識路搭過免費小巴巴士的士。

去旅行唔見鑽戒搵得番，
去機場嘅巴士成個袋漏低（早左個站落）
但係行唔到去機場另一邊，
打番去個巴士司機肯番黎拎個袋再車番我地去下站。
（但係佢其實已經有客離開機場）

去台灣旅行搵旅館帶我搵，無電梯幫手搬行李，
知我無買sim卡借左張比我用，
之後做左朋友。

去日本住hostel，架仔幫手趕走個煩膠法國仔，
仲請我食飯帶我去玩

香港無759卡，mann卡人地主動借


好多好多！可能太長，
希望可以人人都行多少少唔好咁多怨恨咁計較

有次去韓國旅行 行行下街有個香港男仔過黎咪我地係咪香港人 佢冇得上網聯絡唔到其他friend想問我地借wifi 但我唔記得wifi蛋密碼 成部電話借左比佢wtsapp同打比佢個friend 搞左半個鐘有多 走左之後佢個friend仲wtsapp多謝我

幾個月前同屋企人去台灣 教個唔識既台灣姨姨撳汽水機買水 部機唔收佢張紙幣 我唱埋銀仔比佢幫佢撳埋機

去完台灣番香港 係行李帶等左好耐 啲人走晒行李帶空晒仲未見到自己行李 去問職員原來比錯information我地 去拎行李個時認得幾個同機既人都係等唔到行李 經過時候順便同佢地講埋係邊到拎

試過機場廁所執到部iphone，
部電話咁啱屋企人打黎搵個女，我就同佢講你個女漏低電話，之後再等返個失主打黎，再比返佢
失主之後想比手信多謝我 我話唔使好曬脫咁走咗

好耐之前放學落大雨
見到個師妹冇遮就順便遮埋佢

另一個又係師妹
個陣坐巴士係尾排見到有個師妹冇帶銀包
於是幫佢畀埋

低form嗰陣嘅早上突然落緊雨
我就日日帶遮返學
開遮行行下突然有個隔離學校嘅姐姐走埋嚟
問可唔可以遮埋佢
結果就同佢一齊行返學
利申：男校

諗起有次又係突然落雨
我走過去前面個小學生到問佢可唔可以遮埋我
跟住佢 之後一嘢走跑走咗……
而我就繼續毒自雨中慢步

低form嗰陣嘅早上突然落緊雨
我就日日帶遮返學
開遮行行下突然有個隔離學校嘅姐姐走埋嚟
問可唔可以遮埋佢
結果就同佢一齊行返學
利申：男校

諗起有次又係突然落雨
我走過去前面個小學生到問佢可唔可以遮埋我
跟住佢 之後一嘢走跑走咗……
而我就繼續毒自雨中慢步

好慘呀

係台灣唔識去邊搭車，周圍問人，
有個好心到車我去車站，果陣細個又無諗咁多就上左車
最尾平安無事，多謝果位台灣人

n年前中學雞補雞精班video房遲左到半個鐘，入到課室我坐低左咩都無講過，但隔離個學生妹，幾靚女的，竟然主動遞自己本野過黎俾我抄番，事前唔識無見過佢

btw嗰時太毒，唔該多謝無講，電話fb都無問

如果學生妹你都有上連登又睇到我個留言，同你講返句唔該

唔洗

個post好溫暖

有一次坐坐下巴士 有條女上車發現自己無散銀 得廿蚊紙
於是就係咁問人有無得幫手唱散佢(車上得10個人左右)
問左好幾個人都無之後就問到我
咁我都無咁多散銀 就索性幫佢比車錢算

仲有次去韓國旅行 搭的士番民宿 個司機唔係好識路 係附近擺低我地 亂行行到去差館問路 警察叔叔勁好人車我地番民宿

等比地鐵有個男人聽完電話之後問我借$30去機場
佢有問我係咪附近住/返工
不過我見都唔係咩大數目就冇叫佢還

連登终於有出質po

有次中學返學校拎書 足足兩大袋重到爆
嗰陣落緊雨 但係拎住啲書又無手擔遮
結果要淋住雨咁拎住返屋企
正當我諗緊點解我咁狼狽都無好心人幫下我
下一秒有個男仔衝上黎幫我擔遮同拎一袋書
陪到我番屋企樓下
嗰刻真係好感動 覺得呢個世界好美好
其實我好想搵番你但係已經唔記得左你咩樣
仲未好好咁同你講聲多謝

咁都唔抄人牌
嘥晒

想幫個輪椅人士上斜路
點知比佢屌，叫我咪撚搞佢架車

笑出聲

好心做壞事

啲呀姐派傳單我就係唔係都拎左先 諗住可以幫佢早少少收工🤔

我都試過
以前中學食飯 我係最早出黎果個
見到有個婆婆企係校門等我地出黎再派傳單
我見太陽咁曬咁熱 就好心幫佢一野拎撚曬
之後同佢講話會派比其他同學睇
佢跟住話今日可以早收工好開心

真心問，其實咁樣同佢自己拎左疊傳單去dum有咩分別
反正派傳單嘅人都冇人監察住，自己dum晒佢收工都冇人知

人之初 性本善

性本惡
善係因為有教育 同 風氣

善定惡真係好難講
我就覺得我自己幫人唔係因為本性善良嘅

有次係銅鑼灣話一開門個下夾住個書包
靠住破璃既男仔反應勁快
即刻幫我好大力扯返個袋出黎
個陣返學就遲到 講咗兩聲唔該就走咗
內心其實好感激 多謝你幫我

喺台灣踩環島
最後一日去到某個地方架單車踩唔到（就嚟斷鍊）
咁啱喺正間早餐店門口，問佢地知唔知邊度有單車鋪整單車，但原來單車鋪好遠
點知個老細，老細個仔同老細個老豆一齊幫我整架單車，仲整番好
老闆娘仲請我飲野唔肯收我錢 好感動
最後架單車勉強捱到番去還單車
單車環島真係發生好多好人好事
我呢世都會記住

個post好溫暖

高登有愛，香港有愛，我愛香港

返學果陣隔離有個學生上車
點知八達通冇錢仲問我有冇五十蚊散紙
咁我梗係冇
最後幫佢比咗錢叫佢聽日還比我

中學放學，途中見個麻甩佬單腳企左係路邊，除左一隻拖鞋，隻腳板插哂玻璃碎，d血流到ba ba聲成地血都無人理

我同個同學行埋去問佢有咩幫到佢，佢當時好勞氣咁話唔駛，咁我地就俾左包紙巾佢止血先，麻甩佬先肯開口話想借電話打俾佢老婆，我就陪住佢，個同學見有警察係遠處即刻狗衝去叫幫手

個麻甩佬打俾佢老婆：「喂！我插親玻璃d血流到ba ba聲呀！過嚟接我啦！」唔知佢老婆講乜，條佬：「屌你！連我插玻璃都唔理！」我即刻覺得佢好慘

跟住我同學同警察到左，同警察講聲佢插親玻璃就散水lu.