一人n個幫陌生人/比陌生人幫嘅經歷

沒幾耐之前 夜晚坐西鐵翻去 我就坐有得挨住訓的位
旁邊就坐左個好眼訓的女仔 她都鐘左幾下 又左又右
我同她講 不如你坐我個位啦 她話唔該
跟手我又擔心她會飛站 我去到元朗的時候 打比女朋友話我到元朗 仲要大聲少少對住個女仔講 個女仔醒左少少 就訓翻 我就估她應該係天水圍 到天水圍我又係大聲少少講 希望吵醒她 她又落到車 完

有次搭巴士返屋企 ，車上面有個婆婆搭過咗站，
同我一齊落車但唔識路行返返去，大約十五分鐘路程，我就帶佢返去，沿路佢係咁同我講佢以前嘅野，返到佢屋企樓下仲捉住我吹左半個鐘水

試過夜晚去完旅行返香港，去行李帶拎完行李之後就行返出入境大堂，出左去之後先諗起重有一件行李未拎，即刻打電話比航空公司，佢話要聽日先可以拎返件行李，我留低左電話，好唔開心咁預備離開。轉頭，佢就再打比我，話有同事願意幫我拎件行李出黎比我，真係非常感激果位空姐

前幾日係街執到銀包 係facebook搵到疑似失主 對咗出生日期確定係佢 叫佢去某區警署認領
係街罰咗一個鐘企等警察到

有次搭機場巴士返屋企，咁擺行李嗰架有三層既，嗰時我嗰gip好重，但最低嗰兩層都擺滿。本來諗住擺係隔離算數，咁岩我前面嗰嗰男仔擺佐係第三層，跟住就幫手幫我擺埋係第三層 跟住我就坐佐係上一層巴士，佢好似就早過我落車既，嗰時我就已經擔心自己一個搬唔搬到，點知落到去嗰gip擺返係第二層，唔知係唔係佢幫手
雖然只係一件好小既事，但原來比一個唔識既人幫真係會好warm，唔知你會唔會見到，但都想親口同你講聲多謝

同男朋友嘈交打比朋友講電話喊一仆街 隔離個男仔比左張紙巾我 我都未同佢講唔該就落左車 利申：個男仔幾靚仔

試過有次踩單車唔識路 個朋友架單車又壞左踩唔到 係街搵左個人問路
點知佢一開始指錯路 我地行左一陣 發現佢係後面追上黎 話指錯左路 不如直接帶我地行 跟住同我地行左好遠 送到我地去目的地先走

太好人了

有次中學返學校拎書 足足兩大袋重到爆
嗰陣落緊雨 但係拎住啲書又無手擔遮
結果要淋住雨咁拎住返屋企
正當我諗緊點解我咁狼狽都無好心人幫下我
下一秒有個男仔衝上黎幫我擔遮同拎一袋書
陪到我番屋企樓下
嗰刻真係好感動 覺得呢個世界好美好
其實我好想搵番你但係已經唔記得左你咩樣
仲未好好咁同你講聲多謝

俾人幫：

試過係London地鐵 每一個站都有人幫我拎喼 有男有女 好感動 (可能佢地以為我好細個）雖然好小事 但我好感動

香港都有好心人，試過搭地鐵喊，有人俾紙巾我。

幫人同俾人幫嘅經驗都多到癲 大概整理下先

1 落雨遮人同俾人遮

最誇張應該係試過同朋友喺mtr，我哋一人一把遮嘅。見到隔離有母女（應該係）出唔到去，我借咗遮俾佢哋，我同朋友share遮用。
然後仲有林林總總俾人遮去mtr，中學年代遮師兄弟姐妹同俾師兄弟姐妹遮去車站各樣啦

2 見到有人執紙皮

多數我都唔會幫手執嘅，始終係佢份工，佢嘅生計。但我會喺附近7仔OK麥記買個包買枝嘢飲，然後作個藉口（例如買兩件平啲，買多咗食唔哂會嘥） 請佢哋。一嚟唔係直接俾錢而係俾啲佢哋會需要嘅嘢佢哋，講心不講金吖嘛，二嚟有個藉口大家都好過啲放心啲（嗱我冇刻意買俾你㗎）

3 迷路篇

喺台中車站唔識路返民宿，有個姐姐見我左望望右望望主動埋嚟問我洗唔洗幫手 後尾講講下原來佢都唔識路，就捉咗佢個朋友過嚟幫我googlemap（因為台灣要21歲先可以申請電話卡，所以個陣19歲嘅我係冇手機上網）最後仲幫我畫咗張地圖，寫咗電話俾我，話有咩事打俾佢（但其實我係冇電話嘅）

喺台中妖怪村搵路搭車返台中火車站，遇到一家人嚟放狗諗住佢哋識路啦，吖原來佢哋都係咁啱嚟玩。然後二話不說就話車我返出市區，勁好人 沿路我又隨口問咗句「附近都幾多茶鋪啵，呢度啲茶葉好出名㗎？」跟手佢哋就好興奮咁同我介紹佢哋平時會飲嘅茶，然後帶我去佢哋去開個間茶鋪品茶（講成千台幣一兩個啲貴茶葉lol），仲送咗包飲茶嘅涼菓俾我

都仲係同一次去旅行…… 喺台中想去日月潭，但搭錯車去龍潭。落咗車一片荒蕪勁灰心，勁想喊 （都搭咗成兩個鐘，又要搭返兩個鐘返去）咁我問車站個叔叔附近會唔會有地方可以行下，點知佢話乜都冇，問我咩事嚟呢頭。咁我照同佢講其實我係搭錯車乜乜乜…… 跟手佢帶咗我去隔離一間賣涼菓嘅鋪頭（無錯又係涼菓），話見我咁慘送一盒涼菓俾我叫我任揀 最後除咗佢送個盒之外我都是但買咗啲做手信，呢件事真係好warm 佢特登偷雞離開個counter帶我去隔離鋪頭，又送嘢俾我氹返我

4 其他篇

話說喺北角站要轉線，對普通人嚟講就濕濕碎啦，但對視障人士嚟講就好似打仗咁（事後佢同我講返話唔知自己咩方位，只可以聽其他人嘅腳步聲行，又唔知啲人係去出口定轉車，都好迷惘）。有次喺北角站由港島線轉去將軍澳線，咁啱遇到一位視障人士拎住枝盲公竹喺地下篤嚟篤去。沿路行過嘅人都好驚撞到佢（或者俾佢撞到）而避開哂，下面補充少少遇到視障人士點幫忙先：

4.1 唔好捉住佢隻手或者扯佢衫話「我帶你行吖」，可以輕輕拍一拍佢手（手背或者前臂都可以），俾啲心理準備佢隔離有個人同佢講嘢，然後問佢想去邊度，洗唔洗幫手咁。

4.2 方便嘅話當然係一齊去、帶佢去最好啦，但如果唔方便，可以帶佢去搵職員，或者係地下有「lup突」嘅路段，佢就可以照顧到自己㗎啦。

4.3 帶佢行路呢，就唔洗拖手嘅（男朋友女朋友唔洗呷醋）。可以將佢隻手，放喺你嘅手踭位置（前手臂同後手臂中間個關節位），然後你自己行自己嘅路就可以 上落樓梯轉左轉右佢哋都feel到㗎，當然你同佢哋講一聲「呢度有兩級」「差唔多要轉一轉左」俾啲心理準備佢哋都可以嘅

4.4 最後一點，記得佢哋係視障人士，指嘅話就…… 勉強啲 但同佢哋講嘢係 完全冇問題。有疑問可以問，亦都唔洗好似同bb仔講嘢咁「我哋要上樓梯梯，有級級呀」

題外話，有蝗問我路我都一定「指啱」路

毒撚邊會同人有交流，我覺得D人連睇都睇唔到我

之前第一次去外國實習
要去幾個月 帶左好多行李 去程已經超曬重 成28kg

一開始check in 個男仔仲話 超好多wor
我：第一次去自己去咁遠 所以帶好多野
男：如果按你e個重量 要多$xxxx（唔記得準確幾多 但過千）

本身好驚 以為要俾多咁多錢 諗緊點算
最後佢咩都冇講 dum我行李上去 比登機牌我
多謝你

成日俾人問我拎錢 但我都驚佢地真係有需要所以俾左佢地 希望真係幫到個d人啦！！

前排有一次返學個時係月台到有個應該係輕度弱知既中年男人問我黃竹坑點去 最後我帶埋佢撘去個到 因為好擔心佢 仲記得沿途佢一路係到同我傾計 係咁叫我姐姐 哈哈 仲係咁同我give me five
其實佢地係小天使 希望d人見到佢地有需要既時候盡量幫下佢地 或者佢地有時唔太識表達 但佢地絕對無惡意的！唔好歧視佢地
記得佢走個時對我講唔該同byebye個眼神 雖然最後搞到返學遲到 但都覺得幫到人好開心！

試過係韓國機場自己推住個gip拎住兩大箱野
已經一箱放係gip上面 勁狼狽 行兩步要抖下嗰啲款
重要趕去check in
有兩個日本人過黎幫我拎重陪埋我去check in
日本

之前係油麻地見到有對外藉老夫婦係雨中好迷惘，於是就問下佢地有無野幫到手

原來佢地係英國黎，想行去女人街睇野，但係問咗好多人都唔識或者唔啋佢地，於是我就索性遮埋呀婆(呀伯太高遮唔到 )帶佢地去

途中我地傾咗好多野，有件事佢地覺得好古怪嘅就係明明十年前黎香港，要問路d人都好友善又溝通到，點解而家連學生都好似唔太識英文

後來就略略同佢講而家好多學校轉普教中 教育方針都以普通話行先，又多咗好多新移民，莫講話英文，連廣東話都危危乎

無幾耐就送到佢地到女人街，提下佢地黎緊幾日都有雨，不過今次係幫完人好感慨咁走

我都想啊 幫埋我啊

13號會再返啊 不過好難知你係邊個喎

咁聽日記得所有人都要幫下啦

如果真係符合前提 唔洗講都會盡幫嘅 但唔好當我應份咁囉 不過通常唔幫蝗

grad trip去日本，係藥房見到有條女落樓梯失足，因為我本身都識日文，正想用日文上次問候佢同扶佢嗰時，聽到條友講：屌，嚇撚死 。即刻屌左出黎
利申。當係有幫嫁啦 歡迎相認

嗰陣搭MTR番屋企 突然肚好撚痛 痛到出冷汗 到站準備落車嘅時候斷咗片 醒番見到3 4個人扶住我坐咗喺地下 冇撞親冇跌親 有人禁制搵職員幫手 最後喺職員幫手之下扶我出車再搵輪椅車我去職員通道嘅WC 冇瀨出黎我覺得要多謝上帝 同埋最後有多謝班車站職員 但係比人扶出車嗰陣仲係半清醒 冇多謝喺車幫我嗰班人 冇佢地我可能一野仆喺地唔知撞親邊到 所以真係好感激香港仲有咁多好人

細個學校買書之後抽住袋書同老母買野 之後老母買勁耐我發佢脾氣自己抽住兩袋書走左 抽到手都紅哂因爲勁重 之後行行下有個c9行埋黎幫我抽住問我做咩自己拎咁多野問我父母係邊仲比埋錢我搭車返屋企 當時好感動覺得世界很有愛 本身冇認住會有人幫我諗住自己一個抽返屋企

諗返起真係好想再同佢講多次多謝

去旅行成日比人叫幫手影相

有次係日本一個人行緊街 無端端有個大叔向我揮手
叫我去佢架貨van旁邊 原來想我幫手搬啲電器去附近間鋪頭

另外有次凌晨係羽田機場 教左個澳洲人朝早點搭車去新宿