一人n個幫陌生人/比陌生人幫嘅經歷

中學個陣，覺得考琴考得好差，阿爸打黎問我考成點，我忍唔住係條街一路喊一路行
跟著有個外籍女士問我做咩喊，又話認得我件校服，話佢以前係隔離學校教書。講完比佢知，佢話好少事啫，又比紙巾我抹眼淚，又話你間學校啲學生好叻好乖blabla 都傾左一陣，確保我情緒ok先走

有次坐車有個精神有問題既男人坐在係我後邊
成程車不停係咁叫仲捉住我個凳背係咁搖
但架車full曬我冇得去其他位 嚇到我死
之後落車個時行去排隊落 後面條友又想衝黎企我後面
之後有個男仔擋住左佢 話'你企前面呀'
就係咁個男仔就企左係我同佢痴線佬中間
勁感動

係土耳其旅行
唔知係咪行錯路迷茫中
有個土耳其人走過黎講國語
話佢係大學學緊中文既教我點樣行

不過係機場亦遇到個土耳其人玩鳩我 𡃁仔黎
走過黎問我有咩幫手
我問佢借電話打
然後佢開佢電話比porn我睇 好似惡作劇咁
然後自己笑完唔借比我

之前去外國遊學團
有日係自由活動，我同個fd shopping完就搭巴士返homestay
點知落車後蕩失路，個時周圍人影都唔多個
突然見到個女人即刻問佢路
最後佢車左我地返去

啲呀姐派傳單我就係唔係都拎左先 諗住可以幫佢早少少收工🤔

幫個女仔俾車錢
佢個笑容令我好有滿足感

試過之前零度上大帽山
見到有幾個人流血同疑似低溫症
我同啲朋友俾咗暖水佢地飲同幫佢地止咗血
仲咗幾件poncho同幫佢地報咗警
但啲消防同警察行錯路
搞到我地要攬住嗰幾條友 幫佢地取暖

如果嗰幾個人見到我嗰comment 可唔可以揾我
因為嗰幾件poncho 都幾貴

有次起尖沙咀食完糖水，出門囗見到對面馬路間7仔門外有個香港人捉住個南亞人唔知嘈乜。咁我一路行一路都有留意佢地，都轉左身走架啦，忽然女朋友叫我去幫手睇下乜事，我咪轉番身行去，點撚知個南亞人fing甩左向住我跑過黎，我立即捉撚住佢大叫左一聲Stop 佢係咁想fing開我，我捉撚到佢實一實，之後7仔個職員走埋黎同我講左聲「唔該哂你」真係好有成功感 之後個7仔職員話佢偷朱古力。之後等埋警察黎，抄左我牌我就閃左

啲呀姐派傳單我就係唔係都拎左先 諗住可以幫佢早少少收工🤔

我都試過
以前中學食飯 我係最早出黎果個
見到有個婆婆企係校門等我地出黎再派傳單
我見太陽咁曬咁熱 就好心幫佢一野拎撚曬
之後同佢講話會派比其他同學睇
佢跟住話今日可以早收工好開心

兩 三年前粉嶺 個日落緊雨 放學淋緊雨慢慢行翻去屋企 無啦啦有兩個女（睇落似大學生）問我點去火車站 ，明明我屋企係附近 都帶埋佢地行去火車站 然後其中一個女仔問我洗唔洗遮埋我 遮我個個都幾靚女 佢遮我 我幫翻佢

細個同呀媽去圖書館 睇睇下書 流鼻血 流到開水候倒水咁 呀媽用晒半包紙巾幫我禁住 隔離有個呀姐開到借紙巾比我地 仲安慰我地唔洗驚 教我呀媽應該點做幫我止血 之後佢仲跑左去便利店買左支水比我 雖然果時好細個 但我都仲記得呢件好事 多謝佢

有次喺餐廳毒食果陣流鼻血不止
用晒兩包紙巾都止唔到
好傍偟想叫侍應比紙巾但又要禁住個鼻
唔知點想果陣隔離枱有個阿叔比左疊紙巾我
果下真係幾感動

有次番學行去車站嘅時候落雨但我無帶遮 點知行行下feel到點解無雨滴落黎嘅？到左車站之後我個fd問我係唔係識個個男仔？佢遮你過黎咼？
我就心諗邊到有男仔？望番過去發現個個男仔住我樓下 原來佢一直遮住我去車站

以為會變鬼故

幾年前個陣仲係讀中學
自己上深圳拎淘寶野，順便去食下野，只係帶左幾十蚊人仔姐
拎完貨之後，將淨低既人仔Call的士去福田口岸過關
點知關口10點30就已經關左門
之後見到一個衣著似香港人既型仔哥哥
然後厚臉皮問佢可唔可以搭的士一齊返香港
佢好爽就答應左我
最後先可以順利到羅湖過關


多謝你啊！型仔哥哥！

以前有次落雨咁整濕左小小件衫 之後入左個商埸鋪頭睇野 之後有D店員拎左紙巾畀我 然後話個店長話我睇落好似好凍所以畀D紙巾我抹身 之後買野個陣買單個店員話個店長平一半畀我

人之初 性本善

性本惡
善係因為有教育 同 風氣

有次搭地鐵 見到有個撐柺杖嘅男人
讓咗個位比佢坐 到佢落車嗰陣
佢用背脊頂住背面個阿婆
比返個位我坐

有次落巴士仆親
有個西裝友扶我起身
可能我嚇親
企返起身唔該都冇聲就走左
好後悔

有次落大雨搭車
見到有個伯伯成頭濕哂
我俾左包紙巾佢

比人幫
細個踩單車仆街流晒血有個阿姨幫我處理傷口
又有一次仆街個咀爆左流晒血 有兩個人扶我番學校
有一次係車度暈低左有個阿姨幫我搽藥油
等車落雨有人遮埋我
借電話都有幾次

幫人
追賊追左幾百米
被問路 帶路
之前係(外國)機場有個人話佢唻旅行遇到急病無晒錢 我專登走去㩒左幾舊水俾佢