[歷史短篇][多圖有字]由比利時嘅斷掌朱古力講起Remixed

live 左

點解比利時人仲敢整手掌朱古力show 比人地睇自己以前d 人道醜聞

巧合嚟嘅啫

雖然傳說安特衛普(Antwerp)呢個名真係同拋棄手掌有關
(傳說古時有個巨人要過河嘅人畀過路錢
唔係就斬佢隻手落嚟
後來有個英雄殺咗個巨人
再斬番佢隻手掉落河
而家安特衛普市政廳前個噴水池銅像就係源於呢個神話)

仲有一個巧合就遲啲講

留名

live

好耐冇講返主線

呢條係主線嚟

好耐冇講返主線

呢條係主線嚟

利奧波德二世都冇諗過金礦嘅事最後會燒埋去佢嗰度

LM ，J下比利時歷史

追到live 咁我睇睇波爾人先

可唔可以盡量加多d地圖

Live 左

如果以前d歷史呀sir 都係咁講就好 加一兩句粗口
起碼唔會訓覺

點解比利時人仲敢整手掌朱古力show 比人地睇自己以前d 人道醜聞

似中國咁唔肯認咩

高質post 咁少人睇

高質post 咁少人睇

見到你呢句
cdrom 破例推鋪

點解比利時人仲敢整手掌朱古力show 比人地睇自己以前d 人道醜聞

似中國咁唔肯認咩

到你整就有人話你食人血饅頭架啦

冇更新既？

其實自從波爾人發現大金礦後
英國佬就開始揼春喇...
點解之前咁撚笨柒
唔一次過收佢地皮呢
自此英國佬就一直搵機會覆桌
但係話哂佢地都仲係認維多利亞女王做事頭婆吖
總唔能夠無原無故咁塞佢地一鑊㗎
堂堂大英帝國食相唔可以咁難睇
出師無名嘅話國內民意亦都會有反彈
不過機會嘅嘢真係話唔埋㗎話嚟就嚟

喺搵到金礦嘅消息傳開之後
歐洲尤其喺英國嘅資本家同冒險家都瘋湧而來
參與呢場非洲歷來最大嘅淘金熱
對於波爾人呢隻冇錢冇人又冇器材嘅蜑家雞嚟講
當然就如魚得水啦
憑住黃金貿易帶嚟嘅稅收
加上大量外來人(Uitlander) 所帶嚟嘅生活同服務需求
德蘭士瓦共和國得以大肆發展佢地嘅經濟
一個臨近個金礦嘅破落小鎮
亦都一舉取代開普敦
成為全南非最繁盛嘅大都會


1899年約翰內斯堡街境

呢個時候波爾人同外來人一齊合作發財
個個都搵到食
(除咗喺礦坑做苦工嘅祖魯人)
英國同德蘭士瓦共和國都過咗幾年相安無事嘅日子嘅
不過快樂嘅日子過得特別快
英國佬期待已久嘅機會終於嚟喇

隨住越嚟越多嘅外來人(絕大部分係英國人) 湧入掘金
波爾人開始感到生存空間越嚟越受壓逼
較窮嘅波爾人處處受到財大氣粗嘅英國人歧視
佢地嘅母語南非語(Afrikaan, 由荷蘭語演化出嚟嘅分支) 被視為粗俗嘅語言
一般商業活動都逐漸以英文做主導
而隨住波爾人嘅人口比例越溝越淡
選舉出嚟嘅議會一定會越嚟越偏向英國人嘅利益
再係咁落去
英國唔使做任何嘢
都可以吞拼到德蘭士瓦共和國啦
(呢樣相信大家都身同感受...)
呢啲小學生都識計嘅數
身為總統當然明白啦


時任德蘭士瓦共和國總統保羅·克留格爾
細個經歷過波爾人大遷徙嘅苦難後
令佢成為堅定不移嘅波爾本土派

為咗保護波爾人嘅利益
克留格爾制定咗一系列嘅政策
其中對外來人影響最大嘅就係炸藥稅喇
喺1890年議會通過對外來人徵收炸藥稅
因為開礦一定要用到炸藥嘅
咁樣就增加咗波爾本土採礦公司嘅優勢
啲外來人條氣就梗係唔順啦
佢地意識到冇政治影響力嘅話
就只會一路畀揸住個膥袋㗎啫
所以佢地諗住通過選舉嚟攞返啲政治影響力

但係你諗到嘅阿總統大人都會諗到
喺1891年
克留格爾頒布限制外來人投票權法案
外來人要住滿14年先有得投票
而且40歲後就冇得再投喇
...咁同禠奪外來人投票權冇咩分別
連政治問題政治解決呢條路都封埋
呢次真係辣到班外來人反哂面拍哂枱喇
喺外來人最集中嘅約翰內斯堡
佢地開始組織起嚟準備革命
呢個時候英國佬就出手喇

羅德士作為英國喺南非利益嘅代理人
De Beers老闆兼開普殖民地首相
一早就對個金礦流哂口水喇
佢秘密聯絡嗰啲革命組織
計劃喺約翰內斯堡發動起義
佢嘅盤算係當波爾人鎮壓革命嘅時候
英國就可以以保護海外公民嘅名義
對波爾人宣戰
到時出兵有名
就唔驚國民以至國際社會反對啦
...諗起個大金礦都扯扯地
於是喺1895年12月尾
趁波爾人慶祝聖誕節時
羅德士派佢嘅助手詹臣醫生
帶領住600個開普殖民地嘅警察
組成遠征隊
準備聯同約翰內斯堡內嘅革命黨
一齊發動武裝起義推番波爾人嘅統治

詹臣醫生(Dr. Leander Starr Jameson)
(
咁啱得咁橋
同一年10月喺遠東嘅一個腐朽嘅帝國
一個姓孫嘅醫生
喺廣州發動咗佢第一次失敗嘅起義
從此就開展咗佢嘴炮革命嘅一生)

不過革命呢家嘢係好難保密嘅
同孫醫生兩個月前嗰次起義一樣
都係衰喺走漏風聲度
喺詹臣醫生嘅隊伍出發後冇耐
約翰內斯堡入面準備接應嘅革命黨
已經畀總統派人捉哂喇
原來波爾人一早就收到線報
知道開普殖民地會派人嚟同啲外來人一齊造反
一早就喺詹臣醫生隊遠征隊嘅必經之路埋伏
當遠征隊進入德蘭士瓦共和國國境時
埋伏已久嘅波爾人不動聲色咁截斷佢地後路
再嚟個甕中捉鼈
跟住就係五花大綁啦


呢場被稱為“詹臣遠征”嘅武裝衝突
其實喺大英帝國嘅殖民史上
真係閒過立秋
衝突規模唔大死傷又唔多
死嘅仲要唔係英國本土嘅人
所以詹臣醫生束手就擒嘅消息
對英國普遍嘅國民嚟講
都只係另一單殖民地動亂嘅花邊新聞啫
但幾日後一封由柏林發去比勒陀利亞嘅電報
就徹底改變咗民意嘅走向
以至幾十萬波爾人嘅命運喇

好睇 留名支持