[歷史短篇][多圖有字]由比利時嘅斷掌朱古力講起Remixed

去到呢一步棋
利奧波德二世可以叫CHECK喇
咁究竟佢同邊個捉緊棋呢?
唔係法國佬,唔係英國佬,更加唔係德國佬
利奧波德二世先唔會咁不自量力
佢只係利用列強間嘅矛盾
通過外交手段誘導佢地作出對自己有利嘅決定啫

佢嘅對手其實係葡萄牙
(搞笑嘅係葡萄牙要到呢刻先知道同人捉緊棋 )
當初葡萄牙佔盡優勢,剛果盆地本來就係佢嘅囊中物
如果係佢接觸史丹利先嘅
利奧波德二世唔好話剛果盆地吖
剛果毛都冇條呀
機會真係留畀有準備嘅人㗎
喺呢刻列強已經企哂喺利奧波德二世嗰邊喇
會議決定將剛果河口同盆地判畀國際剛果協會
利奧波德二世私人持有嘅"非牟利慈善團體”

嗰時利奧波德二世未夠五十歲
佢三十歲嗰年登基
唔使廿年就由冇到有咁
攞咗個面積有大半個西歐嘅殖民地返嚟
仲要係列強心甘情願畀嘅
呢啲就係外交嘅力量喇
THIS IS SPARTA


紅色個忽大概等於76粒左上角嘅黑點[/quote]

美國係第一個國家正式承認嗰堆土地所有權轉讓書
其他小國見到啲列強正式或者非正式嘅表態後都紛紛歸邊
不過呢個時候葡萄牙就開始淆底喇
畀利奧波德二世咁樣擸吓擸吓
容乜易畀佢擸埋我剛果河口南岸(名義上)嘅地㗎
於是佢就搵佢(實際上)嘅前宗主國英國撐腰
同當時嘅歐陸霸主德意志帝國投訴喇
英國其實對比利時控制中非冇乜意見
不過佢都驚佢擸過籠去到印度洋
咁英國個過三關部署就會有危險
至於德國佬俾斯麥就諗
德國喺非洲仲未企穩陣腳
呢個時候唔可以有亂局出現
不如襯呢個機會協調吓大家喺非洲嘅利益啦
佢就決定喺1884年11月15日
搞個柏林會議畀啲列強坐低分餅仔喇


同俾斯麥傾緊嗰個係桑福德,代表緊美國
史丹利就作為技術顧問參與會議
兩個嗰時都仲收緊利奧波德二世嘅比利時法郎幫緊佢做嘢

去到呢一步棋
利奧波德二世可以叫CHECK喇
咁究竟佢同邊個捉緊棋呢?
唔係法國佬,唔係英國佬,更加唔係德國佬
利奧波德二世先唔會咁不自量力
佢只係利用列強間嘅矛盾
通過外交手段誘導佢地作出對自己有利嘅決定啫

佢嘅對手其實係葡萄牙
(搞笑嘅係葡萄牙要到呢刻先知道同人捉緊棋 )
當初葡萄牙佔盡優勢,剛果盆地本來就係佢嘅囊中物
如果係佢接觸史丹利先嘅
利奧波德二世唔好話剛果盆地吖
剛果毛都冇條呀
機會真係留畀有準備嘅人㗎
喺呢刻列強已經企哂喺利奧波德二世嗰邊喇
會議決定將剛果河口同盆地判畀國際剛果協會
利奧波德二世私人持有嘅"非牟利慈善團體”

嗰時利奧波德二世未夠五十歲
佢三十歲嗰年登基
唔使廿年就由冇到有咁
攞咗個面積有大半個西歐嘅殖民地返嚟
仲要係列強心甘情願畀嘅
呢啲就係外交嘅力量喇
THIS IS SPARTA


紅色個忽大概等於76粒左上角嘅黑點

喺呢道要講少少葡萄牙之後嘅故事
葡萄牙其實都有自己嘅盤算嘅
佢本身喺剛果西南嘅安哥拉
同東南嘅莫桑比克都有殖民地嘅
之前一路都只係沿住海岸捉啲黑鬼過巴西做奴隸種吓嘢咁
自從巴西獨立冇咗條大財路後
呢兩度佢都冇乜點理
但喺19世紀中佢意識到
其實非洲內陸都有好多資源發展㗎喎
於是佢喺1860年代開始
實行重返非洲政策
開始諗吓點開發運用呢啲內陸地區
卒之喺柏林會議佢就提出將兩撻地之間嘅內陸劃畀佢
形成貫穿東西非連接大西洋同印度洋嘅走廊
葡萄牙嘅"粉紅地圖"


......
你個打靶仔吖想叉隻脚落嚟玩過三關 英國即刻拍住枱嚟屌
德國佬同法國佬就揞住個口嚟笑...
"嗱葡萄牙你話你發現嗰度先所以係你嘅
唔係話唔撐你
睇住英國佬激到紮紮跳我地都好高興
不過而家嗰個區域一個葡萄牙佬都冇
以前同你簽落協議嗰啲土著勢力又一早收哂皮喇
我地都好難做㗎喎
咁啦而家個大原則係你要有人管理嗰度
或者同嗰度啲生番簽署返啲協議
咁嗰度先歸你嘅
你自己嗱嗱臨去搞返啲探險隊
重新簽過哂啲協議啦
呢個問題留返畀你同英國佬傾喇"

有時要贏唔一定要有實力
可能識揀對手先係最緊要
好地地有棋唔捉走去同個大隻佬玩過三關
就算畀你個計劃成功都唔會長久啦
1890年1月11日英國唔理柏林協議
向盟國葡萄牙發出最後通牒
要葡萄牙從安哥拉同莫桑比克中間嘅內陸地區撤軍...
國恥呀，簡直係喪權辱國呀
葡萄牙嘅共和派趁機坐大
廿年過後仲革命成功踢走埋國王建立共和
一個風生水起一個就連個王朝都冇埋
比利時同葡萄牙王室之間高下立見

留名

重覆咗自

1885年利奧波德二世將國際剛果協會改名為剛果自由邦
經比利時國會通過正式成為佢私人嘅財產
(其實最初國會係唔批錢畀利奧波德二世去搵殖民地嘅
最後佢私人問國會借咗筆錢去進行佢嘅計劃)
好喇而家地就攞咗咁可以點幫佢搵錢呢?
嗰度大係大呀不過多數地方都係原始雨林
好多地方連當地人都未到過
而且喺自由邦境內仲有兩個主要地方勢力未受控制
無論開路探索抑或軍事鎮壓全部都係要錢
但係之前嘅外交操作已經使咗好多喇喎
唔通真係畀法國佬講中?

如果佢係而家嘅生意佬
佢就會用各種嘅方法去融資
咁佢又點做呢?
佢都係用各種嘅方法去融資
其實而家啲股票呀債券呀咁嘅概念
喺十六到十八世紀期間已經發展到好有規模
阿姆斯特丹，巴黎同倫敦係當時最主要嘅金融中心
股票債券市場係相當興旺
其中殖民地開發係一個好受歡迎嘅炒作概念
炒賣嘅情況仲瘋狂過而家啲股票
所以股票集資呢個方法似乎唔錯
(以著名嘅法國密西西比計劃為例
1719年1月法國密西西比公司發行面值五百里弗爾嘅股票
到年尾隻股已經升到超過10000里弗爾
買賣股票嘅人多到政府要喺金融區部署軍隊去維持秩序
"Millionnaire"呢個字就係由嗰段時期開始出現)


同鬱金香泡沫齊名嘅密西西比公司泡沫事件

未有人支持就狂出文傻架咩
見你咁傻豬我就一個鐘幫你推一次

未有人支持就狂出文傻架咩
見你咁傻豬我就一個鐘幫你推一次

多謝支持
抵錫

推推

好睇

但係利奧波德二世冇公開發行股票
因為咁即係話畀普通市民聽佢牟利嘅本質
(冇錢賺搵鬼買咩)
佢呢個計劃唔可以咁公開
如果唔係就光環盡失
所以佢用咗另一個方法
1889年佢喺布魯塞爾搞咗個反奴隸大會
用盡佢呢個人道光環去問國會借錢
咁就借到筆十年期嘅貸款喇，仲要免息嘅條件係十年後國會有權收番成個剛果自由邦
(呢樣有啲似可換股債券)
佢又成立啲類似私募基金嘅嘢
去發行一種社會公益債券畀各地有錢嘅善長人翁買
用嚟“籌集資金去起鐵路
方便調配軍隊抗擊殘暴嘅阿拉伯奴隸販子 ”
咁樣又搵到一筆

但係仲未夠錢喎咁點呢?
利奧波德二世仲有一招:租界
即係好似上海灘嗰啲法租界呀英租界呀咁
不過佢係租畀啲私人公司
呢啲私人公司嘅主要股東都係佢啲關聯人士
即係佢間接持有
另外嘅股份佢就秘密賣畀佢啲友好
其中包括幫佢喺美國遊說嘅桑福德
基本上呢啲租界同分封好相似
啲公司享有十到廿年嘅開發權
租界入面嘅所有資源都係公司嘅
甚至可以對當地人收稅
不過入面啲基建呀，治安呀就自己搞番
賺到錢交番稅畀邦政府就得喇
成個自由邦總共有九塊呢啲租界
最細塊嘅都成個比利時咁大
最大，資源最豐富又最近河口嘅就留番畀自己
就咁樣初期資金問題總算解決咗


各租界嘅範圍

強貼留名

强帖留名

既然錢唔再係問題咁就快快手搞掂埋其他問題喇
剛果自由邦而家最大嘅問題係境內嘅敵對勢力
喺自由邦東部有個強大阿拉伯奴隸販子Tippu Tib
佢除咗會捉啲黑鬼去賣之外
仲會綁架啲黑鬼嚟要脅佢屋企人交贖款
(啲黑鬼邊有錢吖，阿Tib主要係要啲家屬去搵象牙)
對自由邦嚟講呢個情況並唔理想
因為咁會減少邦嘅收入
不過好彩佢係有計傾嘅
之前史丹利啲探險佢都有幫過手
同埋佢主要係想做生意啫
對領土冇乜野心
所以當史丹利喺1887年
提議畀阿Tib做剛果自由邦東部總督時
利奧波德二世係贊成嘅
咁自由邦東部嘅情況暫時叫穩定咗落嚟

而南部礦產豐富嘅加丹加地區
局勢就唔係咁樂觀喇
嗰度有個生番叫Msiri
佢靠做奴隸生意同採礦賺咗好多錢
再用啲錢買軍火去建立一個強大嘅土著王國
面積有成四份一個剛果咁大
本身已經夠麻煩
最攞膽嘅係喺佢南邊
就係英國南非公司控制嘅區域
呢間公司嘅老細叫羅德士
佢同時係de beers嘅創辦人
喺嗰段時間佢啱啱趕走哂啲葡萄牙人
由南非到剛果自由邦之間都有佢鑽石礦
因為咁英國佬絕對有誘因去同剛果自由邦爭嗰度
如果比英國佬去到同Msiri簽署協議先嘅話
冇咗個大礦區不突止
仲要擔心埋英國佬會唔會繼續北上
到時就真係大鑊囉


生番土王帝個樣


羅德士係英國縱斷非洲計劃嘅主要倡導者
佢用佢間礦業公司幫英國同啲土著簽咗好多開礦協議
土著搵到食之餘英國又可以擴張

本身以為遊記, 點知睇睇下睇晒

以個個時代黎講佢都算好聰明喎, 事實上所有野係佢自己諗定有官員幫手諗