[歷史短篇][多圖有字]由比利時嘅斷掌朱古力講起Remixed

其實所謂嘅“剛果人”
喺自由邦成立前係跟本唔存在嘅
剛果盆地本身有二百幾個部族
喺歐洲人未嚟到之前
佢地已經為咗爭奪資源而打生打死
呢啲鬥爭係唔會因為柏林會議強加上去嘅國界而平息
佢地從來都唔係一個統一嘅民族
所以都講唔上係自相殘殺
另外FP主要係徵召剛果東北部
以剽悍見稱嘅食人部落
佢地不嬲都以侵略其他部落為生
而家邦政府出埋糧畀埋槍
佢地開心都嚟唔切啦
加上如果佢地負責嘅嗰條村唔到target嘅話
佢地除咗會被扣一半糧之外
仲要畀人虐打甚至收監
(監獄平均每日死三到十個人左右
所以入得去坐都唔使旨意有命出番嚟)
正所謂人不為己天誅地滅
畀著係你會點揀


呢條叫Chicotte,葡文解做鞭
呢啲犀牛皮做嘅鞭通常係攞嚟教訓啲搵唔夠橡膠嘅人
一個成年男人大概可以受卅鞭度啦,再多就升仙㗎喇


呢個男人望住嘅係佢個五歲嘅女嘅手同腳,至於其他部份,佢阿哥同阿媽就畀FP嘅僱傭兵食咗
呢幅相揭露咗二十世紀初一場最大嘅人道醜聞

Oh shit下面幅圖完全係我之前個eng lit course用既講orientalism
講

沈教授fb有講依個國王

邊個仆街用手掌對等子彈條數
睇到就好嬲

邊個仆街用手掌對等子彈條數
睇到就好嬲

真係商業奇才

F5

好正

推

推

推

出文就唔駛推

Lm

面對神出鬼沒嘅波爾遊擊隊
英軍顯得有啲老鼠拉龜
最初佢地諗住呢啲遊兵散勇不足為懼
為咗加速瓦解波爾人嘅武裝勢力
英軍喺佔領咗兩個首都後發佈咗個特赦令
標明除咗波爾軍將領外
所有波爾人喺上繳武器後都可以既往不咎
企圖藉此分化波爾遊擊隊
不過除咗英軍實際控制嘅幾個城市外
世居於草原上成千上萬個大大小小農莊嘅波爾人
個個睬佢都壽眉
每個巡邏小隊嘅英軍
每部喺英軍補給線上嘅裝甲列車
仲有連繫住南非各處嘅通訊電纜
都成為波爾遊擊隊“上繳”子彈炸藥嘅目標
英國佬諗住慳水慳力嘅呢杯敬酒
波爾人似乎唔係好受...



波爾遊擊隊“上繳武器”時嘅情況

既然敬酒唔飲喇
咁就飲罰酒啦唯有(雖然好~~~貴)
為咗應對波爾遊擊隊對鐵路網絡嘅侵擾
英軍喺1900年尾開始
沿住南非全長6千幾公里嘅鐵路網絡
興建起一個又一個嘅碉堡
1年間總共起咗8千幾個
平均唔到一公里嘅路程就有一個
成本大概相當於而家卅幾萬港紙一座
加起上嚟真係天文數字
另外每個碉堡都會有7到10個英兵駐守
再請多3至4個當地嘅祖魯人喺周邊24小時巡邏
全盛時期總共有成6萬英兵同2萬個黑鬼
長駐喺呢個碉堡系統度
無論財力同人力上都係好沉重嘅負擔
不過慘得過英國佬有錢呀
殺雞用牛刀又有乜所謂吖
最緊要有效果啫


起呢啲碉堡除咗貴之外仲好嘥時間
一般要用兩個幾月
英軍喺補給線持續受壓嘅情況下唔等得咁耐

所以後來英國佬就轉哂用呢種設計嘅”碉堡”
(其實似鐵皮屋多啲)
成本低好多之餘(大概係之前10%)
仲可以喺大後方嘅工場預先製造組件
再運去唔同嘅地方裝嵌
所以起嘅速度快咗好多亦可以起得密啲
6個熟手技工一日就可以起一座喇

擺喺開普敦嘅預製組件

終於有文

喺呢把“牛刀”嘅保護下
波爾遊擊隊突襲鐵路嘅行動變得越嚟越困難
每當佢地接近條路軌或者橋樑時
附近碉堡入面嘅英軍就會開火去盡量拖延時間
同時要求增援
啲遊擊隊往往喺英軍裝甲列車嚟到前就被迫撤退
自從英軍用咗呢套碉堡系統後
一條橋都冇畀波爾人炸過
不過呢種被動式防守實在花費太大
相反波爾遊擊隊嘅運作成本就細好多喇
一日草原上有波爾人農莊提供嘅支援嘅話
一日啲遊擊隊嘅侵擾都唔會停止
咁點搞呢
總唔能夠郁嗰啲手無串鐵嘅婦孺㗎
喺戰爭爆發前簽署嘅1899年海牙公約中
特別有一個章節
係用嚟保障戰爭中非戰鬥人員免被侵害嘅權利
英國作為首批簽署國之一
攻擊平民呢啲公然犯下戰爭罪行嘅行為
絕對係會受盡國際間嘅非議
英國將會陷入非常尷尬嘅外交境地...

1899年海牙會議

...基奇納將軍:哦係呀

作為一個典型嘅軍佬
喺佢眼中就只有勝利同埋點樣得到勝利
佢討厭政治
一份喺半個地球外簽署,冇人執行嘅公約
對佢(同波爾人)嚟講同張廢紙一樣係冇分別嘅
佢知道要呢啲死牛一邊頸嘅鄉下佬認命投降嘅話
淨係“國破”係唔夠嘅
基奇納開始喺碉堡系統嘅基礎上
實行一個要波爾人國破完再家亡嘅計劃

喺1900年11月
基奇納發佈咗一個指令
要喺每次遊擊隊襲擊嘅地點方圓20公里範圍
進行清剿行動作為報復
英軍會將嗰個區域嘅所有農舍全部燒毀
牲口可以帶走就帶走
帶唔走嘅就殺
所有糧草一律充公
跟住一把火燒哂田度未成熟嘅農作物
再喺塊田度灑鹽,同喺水井度落毒
務求要草都唔留番條畀班遊擊隊
呢個焦土政策就係英國版嘅“Final Solution”喇




啲波爾女人同佢嘅細路畀啲英軍趕咗出屋後
企定定喺度睇住代代相傳嘅祖屋同所有財產
畀啲英國佬一把火燒哂
同樣嘅劇情日復一日咁喺整個南非大草原上演
大批波爾老弱婦孺流離失所
不過一個更大嘅苦難正喺度等緊佢地...

好快清剿嘅準則變得越嚟越寬鬆
啲英軍一開始都真係等啲遊擊隊行動後
先去掃蕩附近嘅農舍嘅啫
不過喺高層默許下
佢地都唔介意清剿多啲村
“及早預防”啲遊擊隊攞到物資嚟發動突襲
當鐵路沿線附近嘅農莊畀英軍清得七七八八時
佢地就開始向內陸推進
繼續消滅更多嘅農莊以至村落
隨住焦土政策嘅擴張
越嚟越多波爾婦孺變得無家可歸
基於人道立場
佢地最起碼都要得到妥善嘅安置...
...基奇納:哦好呀
於是英軍就喺南非各地
建立咗大大小小一共34座嘅難民營
再用火車“護送”呢啲無助嘅“難民”過去暫時棲身喇


一車車波爾婦孺被運入去“難民”營

叫佢地做“難民”其實唔係好正確
呢啲畀英國佬充公同燒毀所有財產再畀人趕去“難民營”嘅人
其實應該被稱為“人質”
而呢啲“難民營”嘅真正作用
就係將草原上所有嘅波爾人
無論同啲遊擊隊有冇關係都好
都全部集中喺英軍嘅囚禁之下
好快英國啲傳媒就開始用一個新嘅詞彙
嚟形容呢個不問原由,針對整個種族嘅拘禁制度

1900年嘅英國初版“集中營”(Concentration Camp)

四十年後經過改良嘅德國版
加添咗毒氣室等設施令種族滅絕變得更為順暢快捷

感謝分享

死圖

四十年後經過改良嘅德國版
加添咗毒氣室等設施令種族滅絕變得更為順暢快捷

全國嘩然?未係住
雖然英國國民喺1900年大選過後逐漸意識到
呢場戰爭將會比預期中長好多
而龐大嘅軍事開支亦都開始為人所咎病
不過一般英國人(尤其係畀啲親政府嘅報紙洗咗腦嗰啲)都認為
英倫嘅雄獅正喺南非為大英帝國嘅榮譽而戰
作為大英子民冇理由唔撐㗎
為咗盡快結束戰爭
焦土政策同集中營呢啲非常時期嘅非常手段係必須嘅
所以佢地對呢種公然侵犯波爾婦孺權利嘅行徑視而不見甚至舉脚贊成
而且戰爭部長都回應咗話會善待啲波爾婦孺咯
應該冇事啩...

[宣傳照mode]波爾人入營時享用茶點嘅情境[/宣傳照mode]

所有人都係咁諗
除咗一個女人
英國社會自由主義奠基者嘅家姐
一個啱啱失婚嘅大愛左膠/老姑婆

艾美莉‧霍布豪斯(Emily Hobhouse)
(相傳佢喺佢嘅辦事處掛起咗佢畀人悔婚時嗰件婚紗
以示佢獻身維護弱勢社群權益嘅決心...
啲老姑婆嘅思想都真係相當扭曲吓...)

作為英國首批婦權分子
佢認為啲集中營唔會係好似政府講得咁簡單
於是佢決定去南非一趟
親自了解吓集中營裡面實際嘅情況
透過佢姑丈嘅關系
(佢姑丈個老豆嘅上司係時任南非總督個死黨)
艾美莉攞到探訪啲集中營嘅許可
因為佢預計營入面嘅情況都唔會係太好㗎喇
所以佢用一列車卡載咗12噸嘅食物同日用品
準備去救濟嗰啲難民
但當佢喺1901年頭去到啲營到時
佢發夢都冇諗過真實嘅情況會係咁嘅:



手抱嗰個已經

艾美莉影呢幅相嘅時候
個女人啱啱死埋佢五個仔女裡面最後一個


滿手波爾婦孺鮮血嘅基奇納將軍

…
呢百幾年嚟
草原上嘅波爾人
都係過住啲離群索居嘅生活
突然間要佢地十幾個人一個帳幕咁迫埋一齊住
無論衛生習慣以至身體免疫力(尤其係細路)都適應唔到

而呢啲集中營嘅水源通常係營地附近嘅河流
啲河往往又係營地污水排放嘅地方
英軍亦冇提供足夠燃料畀啲波爾人煲水
啲波爾人就被迫要飲啲冇煲過嘅溪水喇
加上英軍喺營度實行分級糧食配給制度
遊擊隊嘅家屬食物會減半
仲要係啲狗都唔會屌嘅質素
(多數係啲發咗霉嘅麵粉同腐肉)
喺營養唔充足嘅情況下啲細路嘅抵抗力就更加差啦
麻疹,痢疾等嘅傳染病迅速喺營中擴散
最大鑊嘅係醫護人員同藥物嚴重短缺
喺冇支援下擠迫嘅醫院就成為屠殺波爾細路嘅屠場
病入膏肓嘅就唔使講啦
病情輕微嘅喺交叉感染下到最後都係出唔返嚟
平均每兩個入院嘅就有一個會提早見上帝
就算好得番出返嚟嗰個
好快又會因為其他病而入返去...
醫院成為咗英國版集中營嘅毒氣室喇

“喺佢嘅肚度可以摸到佢嘅脊骨...”
介紹番呢個7歲嘅細路女叫Lizzie van Zyl
因為佢老豆係遊擊隊成員
所以喺影呢幅相之前佢已經捱咗個幾月肚餓喇
佢喺醫院畀啲醫生同護士當係傻仔咁疏忽照顧
原因只係佢唔識講英文
臨死前嗰幾個鍾就不斷喺度叫“媽媽,媽媽”...
呢個係艾美莉之後份報告其中一個案例
明白到嗰卡車嘅救濟品係遠遠唔夠
而家只有透過呢啲相同佢支筆去控訴英軍嘅暴行
先可以拯救波爾人於種族滅絕之中...

好仆街丫