[歷史短篇][多圖有字]由比利時嘅斷掌朱古力講起Remixed

進度理想
差唔多埋得波爾人單喇

進度理想
差唔多埋得波爾人單喇

“The last view of South Africa”
左邊嘅係克留格爾,右邊就佢秘書
佢喺英軍佔領比勒陀利亞前及時逃出
再坐住呢艘由荷蘭女王安排嘅軍艦流亡歐洲
試圖尋求其他列強嘅幫助
不過歐美各國見到波爾人大勢已去後
都對英國公然武力吞併兩個主權國嘅行徑視而不見
威廉二世條仆街仲真係好似嗰幅漫畫預言一樣
睬都唔睬吓佢

政治領袖流亡海外
英軍亦都接收哂各波爾城市嘅政府機關同財政儲備
喺軍隊高層眼中
呢場仗已經打完喇
殘存喺南非北部廣闊草原嘅波爾軍
喺冇糧草同彈藥補給下好快就會自己收皮㗎啦
於是英軍將一半軍力調離南非
只係留番20萬人左右去清剿波爾殘部
而陸軍元帥羅伯茨喺將啲手尾交畀佢嘅副手基奇納後跟住就返返去英國


陸軍元帥羅伯茨

英國喺一戰時嘅徵兵海報
基奇納粉墨登場
(美國“Uncle Sam”幅海報就係抄佢嘅)

不過英國佬算漏咗一樣嘢:
佢地面對嘅根本就唔係傳統意義上嘅正規軍
波爾人經過幾廿年同祖魯人嘅“激烈互動”之後
早就演化出全民皆兵,快速應變嘅軍事制度
每當某一區域有敵人嘅時候
嗰個地區嘅成年男人
就會自動擸齊架生馬匹同糧草
喺兩日內去到政府指點嘅地點集合
(冇槍嘅政府會提供)
再透過選舉選出將領
成場戰爭波爾人總共動員咗4萬人
只有德蘭士瓦炮兵團嗰幾百人先係直屬國家嘅

德蘭士瓦炮兵團喺比勒陀利亞嘅總部
操炮係需要專業嘅訓練
啱啱贏咗大選嘅嗰個戰地記者曾經評論過
呢隊炮兵係當時世上最優秀嘅

另外呢啲民兵多數都係佢地所屬戰區附近嘅農場主
唔夠彈藥糧草咪返屋企攞囉
對於呢啲慣咗自給自足嘅耕田佬嚟講
有冇中央政府嘅支援對作戰都冇太大影響
而呢班頑固嘅鄉下佬並冇忘記到
佢地嘅伯爺係因為咩因由落難嚟到呢到
只要仲有一口氣
佢地都會同啲英國佬嚟個沒完沒了嘅
就係因為缺乏對波爾人抗爭能力同決心嘅認知
所以當羅伯茨元帥同佢嘅大軍凱旋回歸英國時
佢點都冇諗過留畀基奇納嘅手尾
會係一個被史學家形容為“英國版阿富汗”嘅泥沼

留名

其實啲波爾將領本身冇諗過咩游唔游擊嘅
不過喺戰鬥嘅過程中
佢地發覺啲英軍除咗戰法守舊外
仲出奇地缺乏騎兵
而自細就喺馬背上長大嘅波爾人
騎術亦都高對家唔知幾多班
波爾人每次嘅突襲行動後
都可以喺英軍增援去到之前全身而退
而當英軍越深入內陸地區
佢條依靠鐵路嘅補給線就越長
開普敦至比勒陀利亞嘅鐵路超過1600公里
咁長嘅距離要防守係好困難嘅
只要是但炸毀某一條橋或者某一小段嘅路軌
喺內陸嘅英軍都要斷補給至少三幾日
破壞鐵路,炸毀橋樑嘅成本效益就會越大喇

1892年時南非嘅鐵路網絡

運送馬匹嘅專列

經過呢幾個月同英軍交手嘅經驗
佢地得出一個結論:
...面對源源不絕嘅英軍增援
與其死守喺城市畀英國佬發揮人數優勢嚟圍困
不如主動撤退保留實力
再利用自己高機動性同熟識地形嘅優勢
不斷分批小規模咁攻擊英軍嘅弱點
好似鐵路或者巡邏小隊呀咁
再喺英軍援兵趕嚟之前退入廣闊嘅草原
咁場仗就仲有得打吓嘅...
用局部,暫時性嘅優勢兵力
減低雙方軍力上嘅差距
藉此增加對方嘅運作成本
就係咁班波爾將領就無師自通咗現代嘅遊擊戰術喇

為數3萬人嘅波爾軍分成十幾支遊擊隊
分別喺各英軍佔領嘅城市附近
好似烏蠅咁摟住哂
趕又趕唔走
補給線又持續畀班遊擊隊破壞
25萬英軍變相好似畀波爾人圍困喺南非內陸一樣
而本身波爾人城市嘅巿政設施同供水排污等等
都冇預過要容納咁多人
軍營入面嘅衛生情況越嚟越差
傷寒等等嘅衛生疾病開始爆發
高峰期同一時間有成4千幾人塞爆布隆方丹嘅醫院
每日最多死成五十幾人
再係咁落去唔使打仗啲英軍都會自己死盡
咁可以點搞呢

波爾軍喺撤離布隆方丹時炸毀咗城外嘅供水廠
啲英軍唯有喺城外嘅河澗度攞水用
但係嗰啲河同時係座城嘅排污口
而啲冇乜常識嘅軍佬煲都冇煲過就飲嗰啲溪水
傷寒就係咁喺英軍之間爆發喇
成場仗淨係死於傷寒嘅英軍就有8千幾人
仲多過死喺波爾人槍下嘅
傷寒大爆發要到1900年尾
軍方嚴格執行要飲用煲滾過嘅水
加埋全面接種傷寒疫苗
先開始受到控制

下一集波爾戰爭大結局:左膠之掘起
敬請留意

推

推

推

留名追post

留名

希望唔好又爛尾

文呢

留名

呢排忙到甩轆
更新得比較慢
不便之處敬請原諒
下篇而家寫咗一半左右㗎喇
大家放心

呢排忙到甩轆
更新得比較慢
不便之處敬請原諒
下篇而家寫咗一半左右㗎喇
大家放心

呢排忙到甩轆
更新得比較慢
不便之處敬請原諒
下篇而家寫咗一半左右㗎喇
大家放心

慢慢黎, 唔使急, 最緊要快

歐洲嘅道義風氣先可以容立強大繁榮嘅小國
東方文化根本崇尚以大欺小,滿口假道義

會唔會係因為東方各區域出現過單一稱霸政權，就算收左皮新冒起既都會起稱霸，變相無法長期容納獨立小國?

歐洲因為本身多零散小國，較強大小小果幾個又一直互相制衡，唔想比單一獨大稱霸，一大小小顯現野心就即刻拉隊搞同盟打柒佢，變成小國係外交同軍事上不斷做牆頭草都可以生存到? 其實列強有時打輸仗時都會賣小國豬仔...

歷史因素互相抗衡而已，列強不知幾仆街，佢哋都係因為華爾街做起金融賺過殖民地先放棄殖民，唔通真係人道咩

書簽