[歷史短篇][多圖有字]由比利時嘅斷掌朱古力講起Remixed

高質post lm 之前高登係咪post過

係 但係好似爛左尾頂唔知我冇追到

冇錯喺舊登度尾已爛
不過又好似埋咗尾喇又
好似會喺呢度發表埋佢(好似係)

高汁post留名

好好睇

巴打加油

留名

高質post lm 之前高登係咪post過

係 但係好似爛左尾頂唔知我冇追到

冇錯喺舊登度尾已爛
不過又好似埋咗尾喇又
好似會喺呢度發表埋佢(好似係)

真係?

高質post lm 之前高登係咪post過

係 但係好似爛左尾頂唔知我冇追到

冇錯喺舊登度尾已爛
不過又好似埋咗尾喇又
好似會喺呢度發表埋佢(好似係)

真係?

估唔到隔咗成兩年都仲有人記得想走數都唔得㖭...
係呀
而家諗住改一改個重心唔寫咁多波爾人嘅嘢
(遲啲可能或者有時間寫一寫啦)
將個故仔埋咗個尾佢囉

留名

好好睇

支持

好正，寫得好有趣
學到野

喺1889年佢頒布咗一個政令
將剛果自由邦裡面冇人居住嘅土地劃為邦政府所有
因為成個剛果大部分都係冇人嘅雨林
咁即係差唔多八九成嘅土地都變咗係政府嘅
跟住喺1892年佢宣布所有喺政府土地收集到嘅嘢
都只可以賣畀政府或者指定嘅公司
各國企業家都可以競投十到十五年嘅專營權
(當然到最後都係畀利奧波德二世有關嘅租界公司攞到啦)
透過呢啲條例同方法
利奧波德二世就可以係冇(明顯)違反柏林協議
有關各國自由貿易嘅條款下
壟斷全個剛果自由邦嘅資源
咁邦政府同租界公司
就可以用佢地控制嘅價格
去買入啲黑鬼收集到嘅資源喇
(個價同係自由市場嘅分別好大
之前啲黑鬼賣橡膠畀葡萄牙人可以賣到3-4法郎一公斤
而家租界公司只會出7毫子一公斤 )

另外佢又用啱啱打贏咗阿拉伯人所攞到嘅聲望
說服各國畀佢向自由邦嘅人收稅
用嚟平衡返打仗嘅支出同起鐵路嘅支出
(喺1892年自由邦政府開始起一條鐵路
繞過剛果河中游嘅瀑布區
全長三百幾公里)
啲稅收係以橡膠或者象牙嚟繳付
好似人頭稅咁
每個成年男人都有一個配額
由租界公司收取
FP做稅吏追稅

...似曾相識
一切都好似返返去中世紀封建時代咁
無助嘅農奴畀殘暴嘅稅吏追稅...
剛果人嘅悲劇而家可以開始喇

利奧波德二世實際上係將成個剛果自由邦
分成九座巨大嘅勞動集中營
而喺呢九個租界裡面
每一條村都有由租界公司設立嘅哨站
哨站嘅主管全部都係歐洲嚟嘅
以惡名昭彰嘅A.B.I.R.為例
(Anglo-Belgian India Rubber Company，
利奧波德二世以代理人嘅方式
同英國一個陸軍上校合資喺1892年成立嘅)
佢會以三年合約
每年千八到二千法郎咁請啲人過去做嘅
呢個人工其實唔係咁高
大概相等於同時期歐洲一個普通工人嘅年薪
嗰度又山旮旯又多蛇蟲鼠蟻仲有食人族
正常嚟講應該係睬佢都有味

不過如果啲主管跑過咗target話就唔同咁講喇
(通常個target係佢管轄區內
每個成年男丁每個月提供8到10公斤乾橡膠)
因為橡膠總值嘅2%
會作為佣金派發畀主管嘅
個佣可以去到萬七法朗一年
加埋佢份底薪嘅話有成萬九法郎
相等於而家63萬港紙左右
呢個人工對當時嘅歐洲人嚟講係非常吸引
(去Working Holiday三年
之後返番鄉下就可以生活無憂䟴䟴腳，爽 )
但係如果唔到target嘅話
就要喺份糧到嘔番個差額出嚟
所以喺呢個跑數制度之下
啲主管係會毫無人性咁捽數
務求喺三年內賺夠走人

而幫佢地去實行捽數計劃嘅就係FP
最初FP係利奧波德二世喺比利時請過嚟嘅士官做管理
再加上由桑吉巴請番嚟嘅僱傭兵所組成嘅
後來FP喺剛果-阿拉伯戰爭爆發期間迅速膨脹
因為唔夠人佢開始強行徵召戰區內嘅黑鬼入伍
到戰爭完結時
FP嘅主力差唔多全部都係剛果人
但係點解啲黑鬼會咁樣殘害自己同胞嘅

其實所謂嘅“剛果人”
喺自由邦成立前係跟本唔存在嘅
剛果盆地本身有二百幾個部族
喺歐洲人未嚟到之前
佢地已經為咗爭奪資源而打生打死
呢啲鬥爭係唔會因為柏林會議強加上去嘅國界而平息
佢地從來都唔係一個統一嘅民族
所以都講唔上係自相殘殺
另外FP主要係徵召剛果東北部
以剽悍見稱嘅食人部落
佢地不嬲都以侵略其他部落為生
而家邦政府出埋糧畀埋槍
佢地開心都嚟唔切啦
加上如果佢地負責嘅嗰條村唔到target嘅話
佢地除咗會被扣一半糧之外
仲要畀人虐打甚至收監
(監獄平均每日死三到十個人左右
所以入得去坐都唔使旨意有命出番嚟)
正所謂人不為己天誅地滅
畀著係你會點揀


呢條叫Chicotte,葡文解做鞭
呢啲犀牛皮做嘅鞭通常係攞嚟教訓啲搵唔夠橡膠嘅人
一個成年男人大概可以受卅鞭度啦,再多就升仙㗎喇


呢個男人望住嘅係佢個五歲嘅女嘅手同腳,至於其他部份,佢阿哥同阿媽就畀FP嘅僱傭兵食咗
呢幅相揭露咗二十世紀初一場最大嘅人道醜聞

又live左

推po

同啲阿拉伯奴隸主一樣
FP最常用嘅招數
都係綁架啲男丁嘅老婆仔女屋企人
去逼佢地採集橡膠
面對咁嘅壓迫
啲村民當然不滿啦
尤其係喺自由邦西部近河口嘅部落
呢啲稅項同壟斷令到佢地做開嘅生意完全停止
佢地有啲選擇咗反抗
不過因為實力差距太大
好多時呢啲叛亂都係滅族收場嘅
所以大部分自由邦西部嘅部落
都選擇向南面嘅葡屬安哥拉同北面嘅法屬剛果遷徙
以致當英國係1903年派人嚟調查自由邦內嘅情況時
個調查員形容剛果河口地區嘅情況係
"自由邦境內人影都冇，但河嘅兩岸就人煙稠密"
不過呢到唔係有好多橡膠資源
所以邦政府對啲人出走都唔係好緊張
至於內陸地區嘅部落就冇咁好彩走到喇
邦政府同租界公司對每條村都有嚴密嘅監控
主要對外通道全部都有人把守
想逃避唯一辦法就係匿埋喺叢林度
然後等死(其實都有唔少人咁做...)

而喺啲據點主管瘋狂捽數下
啲村民差唔多所有時間
都係用哂嚟做收集橡膠有關嘅工作
而近乎完全冇回報
一般一個成年男丁需要採集廿幾日
先夠交嗰個月嘅橡膠稅
有剩嘅先可以以賤價賣畀租界公司
去換食物畀屋企人
同時佢地亦都冇時間去打獵種田
一切正常嘅經濟民生活動被迫停止
所以飢荒係非常普遍
但係相對於交唔足稅嘅懲罰
可以一家人一齊捱餓對於佢地嚟講
已經係最好嘅情況嚟㗎喇
因為非洲橡膠嘅特點
令採集嘅效率愈嚟愈低
要到數係件非常困難嘅事

啲橡膠乳液平均一半係水份，個稅係計曬乾咗嘅重量，所以冇得加水出術

喺呢度要講少少關於橡膠嘅嘢先
自從1893年發明咗充氣車胎之後
橡膠嘅需求直線上升
但係供應個速度一時之間追唔上
供不應求下個價由1894年六個幾一公斤
飆升到1898年嘅10法郎
租界公司當然就會不斷咁提高橡膠稅額啦
但係非洲橡膠乳液嘅採集方法
係冇可能滿足到不停增長嘅需求

橡膠主要分兩種:橡膠樹同橡膠攀藤
原產地係南美巴西嘅橡膠樹
只需要割開主要軀幹嘅樹皮
因為地心吸力
啲乳液就會自然流出嚟
啲工人割完擺低個桶裝住佢
第二日去收番啲桶就搞掂
基本上好似開水喉咁長開長有
不過呢一種樹非洲係冇嘅

(巴西政府極力維護呢種橡膠樹嘅壟斷
但係喺1876年
呢個英國佬偷咗七萬幾粒種子畀英國政府
跟住攞去英國喺東南亞嘅殖民地度種
所以而家天然橡膠最主要嘅產區係喺東南亞而唔喺巴西)

現時主流嘅收集乳液方法

而剛果盆地嘅橡膠
主要來自一種攀藤
喺雨林呢類攀藤會一路沿住啲大樹幹生上去
通常會生到三十米以上
即係大概十幾層樓高
另外佢會喺樹與樹之間縱橫交錯
從而冇明顯嘅軀幹
如果用南美橡膠樹嗰種方法去收集乳液嘅話
因為冇主要軀幹
啲乳液唔夠集中
喺啲支幹度收集嘅話個份量會太少
收集速度太慢跟本唔可行

割開佢慢慢滴唔係唔得嘅
不過等佢滴完一桶你啲屋企人好可能命仔都冇埋喇喎
你會點揀

較為有效率嘅方法
就係爬上樹頂
成棵逐忽逐忽斬落嚟
然後再逐少逐少咁壓榨啲樹皮
咁樣做除咗好易變空中飛人外
仲非常哂時間
一日最多榨到兩至三棵
一棵榨乾榨淨可能得半桶乳液
經烘乾後仲要再少一半重量

最大鑊係咁樣搞一搞棵嘢就會玩完
即係雨林入面嘅橡膠源買少見少
當村附近嘅橡膠源枯竭哂後
啲村民就要愈嚟愈深入雨林入面
去搵愈嚟愈稀缺嘅橡膠攀藤
一來一回嘅運輸時間長咗
令效率進一步降低
以致到咗1890年代中期
一個成年男丁
已經冇可能完成佢嘅配額喇

Pish

當然啲黑鬼有困難就係佢地嘅問題嚟啫
喺啲主管眼中最擔心嘅係佢自己到唔到數
除咗逼啲黑鬼冇飯開都要搵橡膠之外
佢地仲會不斷派人探索叢林深處
搵啲未被發現嘅原始部落再設立據點
透過呢啲破壞性嘅開採方法
加上不斷發掘新嘅剝削對象
令一眾租界公司業務蒸蒸日上
以A.B.I.R.為例
1892-94兩年總共先賺咗13萬法郎
到1900年一年已經賺差唔多250萬喇
換番做而家嘅港紙大概係8200萬左右
呢個仲只係一間公司一年嘅利潤咋喎
成個自由邦總共有九間租界公司
可想而知嗰個時期成個剛果為利奧波德二世賺咗幾多錢

喺呢段時間利奧波德二世利用呢啲錢去還債
同回購租界公司嘅股份
令剛果自由邦逐漸成為佢真正嘅私人財產
與此同時佢喺比利時大肆建造極其華美嘅建築
又大力扶持國家嘅工業同轉口生意
比利時因此國泰民安
一躍成西歐其中一個最工業化，最富裕嘅國家
至於地球另一邊嗰個黑暗角落發生嘅事
當時嘅人係唔知亦都唔會理嘅
佢地只係知道仁慈嘅國王為佢地帶嚟幸福
不過呢種發展模式差唔多去到盡頭喇

留名再重睇多次