[歷史短篇][多圖有字]由比利時嘅斷掌朱古力講起Remixed

上線啦

好睇，留名

文呢？

推

求文

一日追到live

好好睇呀睇完歐洲史 德國史再黎非洲比利時

leave name learn things

又live 左

唔催唔趕表達關注待更新

新讀者留名

文呢

push

文呢

Push

跪求唔好爛尾

喺勞合‧佐治嘅引見下
艾美莉向當時自由派啲名流紳士
包括自由黨黨魁亨利·甘貝爾-班納曼爵士
展示佢嘅嗰份啱啱完成,多圖有字嘅調查報告
去控訴波爾婦孺喺集中營度受到英軍唔人道嘅對待
雖然當時政界嘅人大多數都有聽過波爾婦孺嘅情況
但當睇完艾美莉呢啲咁震撼嘅相之後
佢地先驚覺到集中營嘅環境原來係咁淒慘嘅
經過一個月嘅蘊釀後
好快佢地就有咗個共識:
喺人道主義之下
政治上嘅分歧可以擺埋一二邊先
跟住黨魁甘貝爾-班納曼爵士喺6月14號一場自由黨嘅晚宴度
以一句“野蠻殘暴”嚟形容英軍嘅焦土政策同集中營時
全場企哂起身喺度鼓掌喝采
喺保護婦孺福祉呢個普世價值之下
呢班左膠終於都重新聯合起來
坐喺一邊嘅勞合‧佐治知道時機成熟喇
於是喺場晚宴後三日
佢喺下議院提出關於呢場人道危機嘅休會辯論
呢場將會係佢喺政壇上嶄露頭角嘅表演

19世紀末嘅下議院

作為下議院入面眾多無權無勢嘅後座議員之一
佢提出嚟嘅呢個無約束力嘅休會辯論
其實喺實際上係唔會有任何作用嘅
無論辯論個結果係點
理論上保守黨政府都係可以完全無視嘅
不過將波爾人道危機呢個議題擺上議會度討論嘅話
相應嘅官員就會有憲制責任去回應議員嘅提問
開會前艾美莉將佢嗰份啱啱印好嘅報告分發畀所有議員
正所謂有圖有真相
喺呢份圖文並茂嘅報告面前
負責回應嘅戰爭部長係冇辦法再用“波爾婦孺已經得到妥善安置”作為推搪
喺問答環節入面
保守黨政府首次提供集中營內官方嘅死亡數字
單單喺5月頭兩個星期就已經死咗320人
其中八成係16歲以下嘅細路
而隨住南半球冬天嘅來臨
預期死亡數字將會以倍數增長
聽到啲咁驚嚇嘅答覆後
全場嘩然
班自由黨議員就好似鯊魚見血咁啄住個部長嚟追問
阿部長就一味話“呢啲係戰爭必要嘅手段”呀,“情況會慢慢改善”呀咁嚟諗住過骨啦
呢個時候勞合‧佐治就企起身發言喇...

有文了

各位同僚
請望一望枱頭嗰份霍布豪斯女士為大家準備嘅報告
你地覺得呢個會係令到波爾人臣服嘅方法咩
無論各位嘅立場係點
波爾戰士嘅勇武相信大家都有目共睹
英軍加諸於呢啲戰士身上嘅傷疤會隨年月而消散
但係佢地永遠唔會忘記
佢地嘅至親喺集中營度所受嘅屈辱同傷害
英國對南非地區嘅統治將會以呢種壓迫作為開端
而波爾人嘅反抗亦將會因為呢種屈辱而持續
你地真係肯定我地可以長期喺南非維持呢種高壓政策
國際社會會點睇軍費開支又要點計
事到如今戰爭必須繼續
但係戰後嘅南非如果要長治久安嘅話
就一定要同啲波爾人和解
而和解嘅前提就係要先處理好波爾婦孺嘅安置問題
集中營嘅制度必須改變

正如之前所講
喺呢啲休會辯論裡面
再動聽嘅演說都唔會有咩實際作用
不過勞合‧佐治嘅呢番說話
每個人包括班保守黨同戰爭部長
個個都心知肚明
集中營嘅問題已經唔只關乎波爾婦孺福祉咁簡單喇
今次英軍似乎玩大咗
不過礙於軍隊士氣問題
加上出面民意都仲係一面倒傾向焦土同集中營政策
政府冇可能對集中營話停就停嘅
勞合‧佐治仲需要踢多一脚
佢擰轉頭同艾美莉講
“阿姑靚女,跟住落嚟就靠你喇”

靠你喇 之後呢！？

靠你喇 之後呢！？