賣咗十年眼鏡，你問我答（6）

技術上分別都幾大
不過戴上去嘅感覺唔會有咩改善
因為技術改善嘅原因主要係為咁降低生產成本

想問下dita或thom browne呢啲外國品牌既框好啲定係9999 或者 masunaga呢啲日本牌子比較好

同埋啲dita太陽眼鏡買唔買得過

想買眼鏡比男朋友做生日禮物

金屬鼻托就係咁樣啦

Dita 同 thin Browne 都係masunaga 幫佢做
所以品質有保證

唔該巴打 本身淨係知Dita同 thom brown同一間廠出
不過估唔到原來間廠就係 masunaga

如果masunaga 同eyevan比呢？大家都有廠有幫人代工

Masunaga 堅固d
Optec japan 就玩細節多d
各有優勝

今日多謝巴打幫我調較副眼鏡同鼻托, 依家舒服好多

用住先啦
舉手之勞

Masunaga 都係2萬幾日圓
抵玩

我近視左眼775 右眼750 無散光 (度數無記錯好似係咁), 都有至少5,6年無換過眼鏡, 黎緊諗住換

因為深近視, 所以配對上第三定第四副果時眼鏡舖就建議我配玻璃鏡片, 因為薄D 但係價錢又相對相宜D, 去到配宜家呢副果時個店員都已經同我講玻璃開始會被淘汰, 下次換眼鏡就可能都無得再配玻璃鏡片

想問下宜家係咪真係無得配玻璃鏡片喇? 如果我呢個度數配返膠鏡片, 平平地唔太貴, 應該配邊款會好D / 應該ok唔會厚得太誇張? 早幾日去蛋睇下眼鏡, 個店員話我可以配1.6, 6mm 厚到, 但我宜家副玻璃都唔係差唔多咁厚, 所以我都唔敢太信, 驚配到出黎真係會嚇死 如果係你建議果款鏡個厚度同玻璃鏡爭幾遠到?

我知道個鏡框大細都會有影響側邊既厚度所以黎緊應該會配返細框少少既, 但圓框是咪都會有影響, 會好過方框?

我見宜家D框都遍薄, 所以都擔心副鏡造到出黎個框都包唔到塊鏡既三份一

最後仲有一個關於睇野既問題, 近來我發覺如果要睇一D 好細既字 (e.g. ~1mm) 或者圖, 我要拎開副眼鏡近睇先睇得到D字, 同埋好似會不自覺只係用其中一邊眼去focus 睇D 字, 係咪因為我既度數/視力同以前唔同左? 我對上幾次配眼鏡驗眼度數都係一樣, 頭幾次(十零年前)視光師配鏡都有減少少度數去到最後果一定兩次, 個視光師就話我個度數都定左可以配足, 所以我印象中我宜家副眼鏡係足度數無減到 (我宜家3字頭)

唔好意思, 打左篇論文咁, 問題比較多, 因為真係好困惑又唔熟眼鏡野... 唔該晒巴打

本身冇戴開眼鏡，大概年半前驗過
左眼散光 25 ，右眼遠視180 +散光 75
最近份工由朝到晚都要對電腦，對眼成日都好攰，係唔係應該配番副眼鏡返工戴會好d?
定係就咁買副冇度數防藍光鏡都有用？
本身唔戴眼鏡睇嘢都算清楚，有d驚一戴有度數眼鏡對眼就會習慣咗，會唔會一唔戴睇嘢就會唔慣會好濛

我之前同你一樣，無帶過眼鏡，左眼遠視高啲，全靠右眼睇嘢，睇嘢無咩問題，但因變成靠右眼睇嘢，對眼會好攰，帶咗眼鏡之後就好好多。
遠視始終睇嘢會無咁清，當你帶眼鏡之後就會發覺原來睇嘢咁大分別

咁巴打而加要長戴眼鏡？
其實我唔想長戴，諗住真係開始feel到攰先戴
不過唔知咁樣時戴時唔戴係唔係仲唔好
同埋驚一戴咗對眼會習慣咗，變咗之後要長戴眼鏡

始終原料既技術層面提升左, 可以做得更薄更幼

想請教一下呀~~
前幾日配左副眼鏡,配個陣眼鏡鋪其實都講左,
因為今次加左100度,所以可能新戴個幾日會暈D,要多幾日適應
又話因為膠鏡冇鼻托,可能會戴得低小小

但係我戴左2日都係覺得好濛好暈
有時仲暈到想嘔..
我都唔肯定係鏡既度數問題定係副架唔岩我

我依家可以點做?再戴多幾日先?
定係上去問問? 但我覺得上去問都會有好多原因解釋..(度數+架之類之類..)
最後不了了之
因為第一次去樓上鋪配, 唔係好知可以點攪

玻璃鏡當然仲有啦，係少人做同車邊麻煩，不過仲有嘅
想平平地嘅普通1.67膠片夠晒用
1.6就都幾厚吓，價錢唔差太遠就不建議了

第二個問題有機會調節力無以前咁好（當然都可能係度數淺咗），鏡片要配淺少少睇近嘢先舒服

希望答到您

配副有遠視嘅好過配藍光
因為視疲勞同藍光無咩關係

遠視睇遠未必需要戴，您可以配來齋睇電腦先用
當然依家個個睇電話睇咁多，可能慢慢都會多戴，呢樣就睇個人了

上去較咗個位先
戴兩日都唔舒服一定係度數/焦點有唔妥
真係適應唔到都係要換度數

咁佢會點較嫁?大約知知，免得比人耍
因為膠架又冇鼻托
感覺都冇乜地方可以較到

調較彎度同鏡臂已經可以有分別
尋日果位巴打都係咁，當然我有幫佢貼埋鼻托，效果就更好啦

同埋依家流行金屬框嘛

今日唔該哂呀

巴打好靚仔 快啲去搵佢配鏡啦