痛定思痛
2017-01-13 14:05:44
(十四)
反應物濃度Cu + 4 HNO3要變成Cu(NO3)2 + 2 NO2↑ + 2 H2O...
【啲Chem數點解咁難架!!!!】我就黎發晒癲問呀駿。
十點化學堂完左之後,我實在有太多數唔識,走左去隔離房問呀駿,唔講唔知原來佢數學咁勁。
【哈...OK啦。】呀駿講。
【廢話,我又唔係智商130嘅人,唔公平啊。】
可能前面無交代,呀駿係一個所謂"資優生",係學校都算係數一數二嘅聰明人,只可惜佢身邊就總係差緊個人陪佢,無錯啦,就係女朋友。
【Keith,黎啦,你試下做呢題。】佢係我份NOTES圈左一題比我。
【哇..."易"到呢..】我對住呀駿傻笑。
其實講真,呢排我上堂都特別空虛,成個腦都剩係得返同Charlie生活嘅點滴。尤其係今朝泳池發生嘅事,搞到我極度想揣測Charlie嘅內心,佢到底諗緊咩?佢到底係點睇我?到底佢...會唔會接受我..?
【佢究竟點諗架.....】
【Keith你係到吟吟尋尋啲咩...?】呀駿好奇問。
【ER....哈...無野啊,黎啦做數。】
就係咁,我做左兩個鐘終於聽得明呀駿講乜,做晒啲功課。記得頭先李婉婷講過,今晚Kenny請我地去食放題(明明就係條女想食),哈,估唔到Kenny都係有錢仔黎。
【我打比Charlie睇下佢去唔去先。】
Charlie上完十點堂之後,就趕左去返工了。
【好,快啲打比佢喇,如果唔係一陣好難BOOK位,我出去圖書館還返本書先。】講說呀駿就離開了左房間,剩低我同kenny兩個人。
【好。】
於是我就拎起部電話,9452....
【喂Charlie,我係Keith啊。】
【Keith仔,我係Cahrlie啊,你搵我做咩事啊?。】Charlie不忘搞笑。
【中午一唔一齊食飯啊?Kenny師兄話請食飯呀。】我期待咁問。
【咁好啊?不過可惜喇,我今晚要返夜啊,可能要好晏先返到黎,你地幾個食得開心啲啦。】電話另一頭答。
【好...咁我都係…唔…阻你喇,再約喇。】
合上手機,一陣失落感襲上心頭。我真係唔知點樣解讀我此時此刻嘅心情,點解係我最想見佢嘅時候偏偏就見唔到佢?返工係咪真係重要過我?定係根本我係佢心目中一啲位置都無呢?我知自己一直都改唔到成日亂諗野嘅壞習慣,但我真係好想得到你。不過,現實一向都係殘酷,往往你最想要嘅野,上天一定唔會比你得到,就算…就算你幾努力都好。思念嘅感覺越來越強烈,強烈到壓得我好重,重到我幾乎無法呼吸。
鐘意左一個唔應該鐘意嘅人,真係好難…好難…
【Keith仔,做咩啊?Charlie佢唔黎啊?】kenny摸一摸我個頭,對住我講。
【Kenny師兄...】不知不覺我啲眼淚就流左落黎。
【乖啦,師兄知道你受左好多苦。】Kenny用手抹一抹我啲眼淚。
我無再講野,只係我一直都覺得Kenny成日都對住我講埋啲奇怪說話,佢…一定知道左好多野。
【Keith,你知唔知你同兩年前嘅Charlie真係好似樣。】Kenny望住我講。