[hehe]我屋企附近開左間7仔

(十一)
無耐,我聽到門外有敲門聲。我拿拿林去開門,發現全身濕答答嘅Charlie企左係門口。

【呼,好攰...】呢句係佢入門第一句說話。

【你睇下你,成身濕晒喇,因住感冒啊。】

【Keith仔。】唔知幾時開始Charlie叫我會加左個「仔」字,聽落真係好親切。我發現佢含情脈脈咁望住我。

【啊...咩...咩事?】我望住佢,唔知點解身體會係咁震。

【幫我攞毛巾。】Charlie淘氣咁笑左一下。車,攞條毛巾洗唔洗叫到咁曖昧啊。

【喔。】

正當我準備行入廁所拎毛巾果陣,我另轉頭一望,佢而家係處於無著衫狀態露出佢引以為傲嘅身體,我可以好明顯咁睇到佢最吸引我結實嘅腹肌。
【Keith..喂喂...?你做咩啊,塊面咁紅嘅。】

【啊...無...無野。】我拿拿林係廁所拎完毛巾就出去。

正當我踏出廁所嘅第一步果陣,突然踩中左地下啲水漬,跣到應一應。

【碰!】我成個人跌左落地板。

【好…好痛...】我即刻爬番起身。

【Keith,你...流鼻血。】Charlie有啲噩然望住我。

血，我都未算驚,但由細到大都怕痛嘅我,唔知點解,突然喊左出黎。
【..好痛...嗚...】

【乖啦,唔洗喊喎,只不過係流鼻血咋嘛。黎師兄到,乖。】

我一邊喊一邊行到Charlie呢邊,我完全將我脆弱嘅一面表露無遺。

【過黎。】Charlie細心咁拎左幾張紙巾叫我㩒住個鼻。

【.....】呢刻嘅我,內心充滿嘅已經唔係肉體上嘅痛楚,而係呢個眼前人,一個我暗戀左好耐嘅眼前人,一個好似好近,但其實遙遠到不得了嘅人。

【又會咁唔小心嘅...啲血滴到落件衫到喇,除左件衫佢喇,我去幫你攞件新衫。】

呢個時候,我只可以乖乖咁聽佢嘅說話,除左件衫。

【喂...你啲衫擺左係邊?】

【Charlie...算喇都係...我怕一陣又會唔小心整污糟件衫。】

【好喇好喇...咁上床坐下休息下先喇。】

Charlie突然將我拉上床。

【黎喇,等我幫你換張紙巾...】佢好溫柔咁幫我換紙巾。

呢刻嘅我已經係瞓左係佢心口上,郁都唔郁咁比佢幫我㩒住個鼻。

【Keith。】

【...?】

【你怕唔怕凍啊?...】

【唔怕。】有你係到,我咩都唔怕。

【你好得意啊,哈哈...】

就係咁,Charlie成晚都攬住我,而我亦不知不覺間係佢懷抱中瞓著左。兩個上身赤裸嘅大男人就係咁度過左一晚。而呢一晚,或者係我人生中瞓得最好,最冧嘅一晚。

第二朝朝早,我起身一擘大隻眼,發現Charlie依然係我身邊,再發現床邊嘅鬧鐘。

【哇頂...8點架喇,死啦死啦遲到喇!】我即刻沖去梳洗。

【喂喂喂Charlie...8點喇,快啲起身啦!!!!】

Charlie突然將我拉返上張床到。

【Keith,陪我瞓喇,反正都遲到。】Charlie朦朦朧朧講。

唔知道佢係發開口夢定係未瞓醒,他竟然一手攬住我。

【喂,你真係好得意啊。】佢細細聲咁同我講。

就係咁,我地一直瞓到10點先起身趕去上第二堂。

就係咁,我同Charlie度過左第一個「同居」嘅晚上。

甜吖 成晚咩事都無

甜？

推 甜呢？

咁快一齊訓

推，碌尻就冷親啦屌

嗚啊
上身赤裸攬埋一齊訓

文呢

加速加速

(十二)
自從果日起,我同Charlie嘅感情變得非常好。而家嘅我慢慢發現,我真係好鐘意佢,鐘意到不能自拔嘅地步,不過我都會好小心,唔好做一啲太超過、太親蜜嘅行為,萬一有日佢對我反感,我咪大獲。仲有可能到時一傳十,十傳百…到時我諗我係學校一定會身敗名裂。

【鈴~~】鬧鐘不停咁響。

【啊...8點喇。】

【.....】

【唉是鬼但喇,反正今日10點先有堂,瞓多陣仲好。】

突然間,我手機響起。

【咁鬼早,邊個SEND WHATSAPP黎啊? ================================= 你有一條新訊息:

Keith,我岩岩係返工到拎左啲三文治返黎啊(不過係就過期唔要果啲,哈)雖然我有用微波爐叮過,但係等你醒果陣,應該又凍晒架喇,你將就弄食左佢喇哈哈。我去左泳池游早水啊,要搵我就過黎喇。 =================================

咁貼心嘅Message當然係Charlie SEND黎架啦。我望一望張枱,果然發現有三文治係到。

【搞錯啊,都凍左喇。】雖然我把口就咁講,但係呢份三文治係我心目中,永遠都係暖笠笠,就好似Charlie一樣。

食完之後,我見都已經醒左,又未夠鐘上堂,就去下泳池睇下佢喇!!當我到達左之後,就發現佢展現緊優雅嘅蝶式。我企係旁邊無出聲叫佢,靜靜咁望到佢。

【點算,佢真係好有型...】我自言自語咁講。

【咦,Keith,你咁早起左身喇?】佢好快咁已經望到我蹤影。

【搞錯啊你,比啲過期野我食,肚痾係咪你負責先。】我故意咁講。

【哈哈,死令仔,夠膽嫌三嫌四,接招喇。】Charlie突然露出邪惡嘅笑容。

佢竟然係泳池爬出黎,將我成個人抱起,一不做二不休咁將我扔落泳池。

【救命啊~~~】我大叫,然後就"撲通"一聲跌左入水。

【哈哈哈哈,點啊,爽唔爽啊?】Charlie望住眼前呢位落湯雞大笑。

【頂你,我一陣仲要上堂架!!!】我無奈咁望住全身濕晒嘅自己。

【細路,你以為我咁易會放過你咩...】邪惡嘅笑容再度出現。

【好啊,放馬過黎喇!】我開始挑釁佢。

跟住落黎嘅,係一場激烈嘅水中摔角。

【等我除晒你啲衫睇你點上水!!】Charlie淫蕩咁笑住。

當然,我啲水性無佢咁好,自自然然,身上嘅野,好快咁一件一件比佢除左,得返條底褲。

重點係經過頭先興奮嘅身體接觸,我下身一早有反應,襯托住略為緊身嘅底褲,分身變得異常覺眼。當然,Charlie都發現左。

【Keith...你...】

【...哈。】我對住Charlie傻笑。

跟住佢無啦啦往我下身一打。

【喂~~痛架...】

【愈睇你呢~就愈可愛...】佢細細聲對我講。

Charlie敲一敲我個頭,跟住就一手搭住我膊頭上水。呢刻嘅覺得自己真係好幸福。果刻我已經抵受唔住內心嘅慾望,一種雄性生物求偶嘅本能，就算係比人拒絕……都唔會後悔，起碼…我曾經做過。

【Charlie...】

【.....?】

【我...】

【我?】

【我...我鐘意...】

Push

我 我 我咩啫

Push

嘩正呀喂

睇死佢表唔成白

重甜呀

冇甜

(十二)

【喂,原來你地係晒到啊。】

Kenny、李婉婷同埋呀駿對著我們大叫。

唉,一個咁好嘅機會就咁無左。

【係啊,Keith呢排好百厭,所以要教訓下佢。】Charlie露出招牌陽光嘅笑容。

【哈...哈...】我尷尬咁對住佢地傻笑。隱隱約約我發現,李婉婷同Kenny拖埋左一齊,而且仲係十指緊扣果隻,真係有啲妒忌。

【喔~李婉婷,一定係你勾引Kenny師兄。】

【邊有喎...】

【Kenny師兄好慘啊,比個AV妹睇中左...】我望一望Kenny。

【哈哈,最近我又發現左幾套好正嘅劇情片係講時間停止架,不如一齊睇好無?】李婉婷淫蕩咁對住我笑。

【ER...唔...唔洗喇,你慢慢同Kenny師兄欣賞啦。】

【佢地洗乜欣賞丫,實戰埋都仲得啦。】呀駿講完呢句話,大家都笑左出黎,同埋面都紅晒嘅Kenny。

【喂死仔,幾時媾左條女架,都唔講聲嘅。】Charlie問。

【ER…..都係呢幾日嘅事咋嘛…..】Kenny有啲唔好意思咁答。

【恭喜晒喎。】


【喂,Keith,你唔係10點鐘有堂咩,差唔多夠鐘喇。】Charlie問我。

【係喎,我地三個十點都有堂架,又係果女魔頭嘅堂。】呀駿講。

【咁你地快啲去啦,因住遲到啊。】李婉婷拍一拍Kenny手臂。

【喂Keith仔..】Kenny望住我。

【咩..咩事?】

【睇你識唔識做喇。】佢對住我笑左下。

然後,我地好快咁分道揚鑣,我都要去上堂喇。 我唔明白..點解Kenny…

或者,得佢先知掛..

上堂期間,我不斷諗起頭先泳池同Charlie玩到好埋嘅畫面,嘴角不自覺咁上揚。但同時內心又好驚,假如佢唔接受我,咁我點算好?

現時香港嘅天氣,係憂鬱嘅藍。

而我嘅心情,係起霧。

其實,我係想同你講,我鐘意你。

太短啦 快啲出多啲
支持 push

唔夠喉啊