jasper & chris 個結局好撚閪
但又好撚真實
點解個天要咁玩我地
一開始就係祢安排我地係gay
係祢安排我地相愈相愛
但係又係祢安排啲咁既冤枉路比我地
正一仆街黎
我都覺得好真實
Jasper離開Chris同Kris係一齊就幾好
係真愛既話邊有咁易抽離
仲要係一個由識性以黎就愛上既人
不過好老實講
個作者好似臨尾唔夠鐵石心腸
收筆收得有少少心軟
剖析一下Jasper心理：
一個人由有希望到失望
第一次比你拒絕我尚可以帶住悲痛撐落去
三年後奇蹟竟然降臨係我身上
我見返你！你仲同我表白同我一齊！
我盼望左二十年 終於都同到你起埋一齊
你就係我既一切 我願意連性命、尊嚴都放低咁去愛你 因爲我真係唔想再失去你我怕承受唔起再一次失去你
但依個真係天堂？定係一個由妖魔幻化而成既大魔境？入面條路一步一步引領我去再一次既失望
我再無上一次既堅強 精神同情感都被抽乾既我變成行屍走肉
黎到依到其實都好合理
一個月後你又再次黎比希望我 今次你好堅定咁肯定你對我既愛 你比承諾我 亦好大膽咁公開我地既愛
我終於都守得雲開啦！
點知從來曇天再美從來只係一瞬
康妮有左你bb 直頭就係關上最後一道門
你今次直頭打左我落十八層地獄
我唔再失望 因為我已經絕望 世上再無希望
黎到依到其實Jasper仲點會返返去澳洲寫故
可能係Jasper立場黎講，始終Chris都係最重要，就算康妮有左佢bb之後。
因為幾痛嘅野(三年無見果陣，同埋佢地嘈交激走jasper)，jasper都已經承受過。
係佢眼中，已經再無東西重要得過Chris。所以即使一世都要呃呃氹氹，jasper永遠都放唔開佢。
唔得喇，講起劇情又想喊
