痛定思痛
2017-03-10 00:55:50
(二十八)
【係...所以我好想比一個月時間自己沉澱下...係咪真係可以再同男仔係埋一齊。之後...我識左林浩軒...我同佢係7仔識嘅...之前我問佢點解會走到黎咁遠做Part time,佢話方便放工之後返屋企,我覺得佢個情況同我好似,所以慢慢就同佢傾開計,就熟落左...】
【有無咁啱啊?明顯有不軌企圖喇。】我抹一抹臉上嘅眼淚,扁扁嘴望住Charlie...
【琴日...我睇完Kenny部電話之後...我質問佢...係咪佢用過我部電話黎,佢話係...跟住佢就同我表白...我已經即刻拒絕左架喇...仲叫佢以後唔好搵我...因為我知自己仲有個人放唔低....對唔住...我都唔知佢份人原來係咁...】
【咁...你而家諗清楚未...?】
Charlie慢慢起左身,緩緩咁行過黎...佢企係我面前...
【Keith...】
佢突然成個人跪低...捉住我對手...
【你...你做咩啊...起身先喇...】Charlie突然其來嘅舉動有啲嚇到我...
【我唔起...Keith...我知道有個人好蠢...比人呃左咁耐都唔知...份人又多缺點...又唔細心又唔善解人意...真係好無用…佢之前一直都忽略左人地嘅心意...但係呢個人而家諗通左喇…由而家開始...佢好想比幸福比佢心愛嘅人...Keith...我真係真係好好好好鐘意你...你…可唔可以…同我係埋一齊...】
眼前嘅景象突然被淚水充斥住視線…
「你可唔可以同我係埋一齊」呢句說話係Charlie口中講出黎特別動聽...特別迷人...口中想講嘅野已經被自已嘅喊聲所掩蓋...
【我....我已經...等...等左呢句...說話...等....等左...兩年...嗚嗚嗚嗚】
【Charlie...你知唔知...我真係好驚無左你...真係好驚...由你唔再返黎瞓開始...我個世界就好似停止左一樣...當我見到你同林浩軒行埋一齊果陣...我個心好痛...好痛...我好怕無左你…係真架…我唔可以比人搶走你…但係果陣我真係…真係唔知做咩好…我好驚你唔再鐘意我…我無膽搵你……只可以一直等…一直等你返黎我身邊…好開心…我終於可以等到你返黎…】
此時此刻…腦中嘅回憶不斷湧現出黎…
Keith同Charlie啱啱相見…
相識…
相離…
相隔…
到最後,終於都可以相戀…
事隔兩年,我終於可以同Charlie行埋一齊…
我望住眼前嘅Charlie...
【我…】
砰!
突然嘅一聲…