[hehe]我屋企附近開左間7仔

痛定思痛

1001 回覆

155 Like 53 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

NoMummyNo 2017-02-17 17:12:45

正評左，等睇Charlie解釋！你同我解釋！解釋呀！
究竟發生咩事

陶妲卡虋 2017-02-17 18:02:15

一日未睇到Keith同Charlie啪啪啪
一日都唔會比正評

痛定思痛 2017-02-17 21:35:36

(二十二)

【…我…唔知…佢剩係話…為我好…】諗起果晚，我又有種莫名嘅失落感。

【咩話!?為你好?又係呢句?】Kenny語氣有啲氣憤。

【…或者佢真係忘記唔到果位師兄呢…又或者…佢根本唔鐘意我。】我踢住地下粒石仔講。

【你講Chris?唔會掛，佢都畢左業幾年啦，個衰仔又唔似咁長情喎。】

【咁長情都係一件好事黎嘅，只不過唔係長情落我到姐。】我勉強笑一笑。

【仲有啊，成日係佢隔離果個男仔係邊個黎?點解佢地好似成日都一齊行嘅?】Kenny繼續問我。

【喔~佢係林浩軒，係我同班同學，唔知幾時開始佢地就玩埋左一齊。】我答。

【我總係覺得果個男仔唔係咩好人，一定有咩目的先埋落Charlie到。】

【我好似成日都見到佢痴落唔同男仔到，唔止Charlie一個。】Kenny繼續講。

【下…?有啲咁嘅事?】我略為驚訝。

【係啊，好似上星期咋嘛，我見佢又同另一個男仔搭晒膊頭咁，果陣都無咩為意，但呢排都見佢係門口等Charlie落堂，我就硬係覺得佢奇奇怪怪咁。】

【竟然係咁，睇黎我要留意下佢先得。】

【好啊，有咩消息同我講，我都要睇住Charlie先得，唔好咁易比到果個咩軒埋佢身。】Kenny突然好認真望住我講。

【好多謝你啊Kenny師兄，你真係幫左我好多。】我衷心感激佢。

【傻啦，而家係關乎我兩位兄弟嘅終身幸福喎，你地嘅事姐係我嘅事呀嘛~】佢又變返一貫嘅淘氣。

不經不覺，我地四個已經行到左一間好出名嘅糖水鋪，我地一路食住糖水一路有傾有笑。

【BB，我問你一條問題，但係你唔準諗，要即問即答知無?】李婉婷又有啲唔知咩鬼主意。

【好喇好喇，睇你都係問埋啲古靈精怪嘅問題。】

【1+1等於幾多?】

【2。】

【一條彩虹有幾多種顏色?】

【7。】

【2+2等於幾多?】

【4。】

【咁兩條彩虹有幾多種顏色?】

【14。】

【哈哈哈哈哈...好蠢啊你。】李婉婷好似奸計得逞咁，不斷大笑。

【咩啊...?14種唔啱咩?】Kenny好疑惑望住佢。

【呀師兄，係7種啊...】呀駿都差唔住笑左出黎。

【師兄啊師兄，你就黎大學畢業架喇。你咁樣之後考試點算啊。】我和應住佢地。

【...我...你班奴才...竟敢戲弄本王，我返去要逐個逐個懲罰你地。】Kenny終於明白點解係7種。

今日晚上，成個天空都充滿住我地四個嘅笑聲。

Charlie…不知不覺間，我又諗起Charlie…

其實…我同佢之間...

係咪真係有緣無份...?

我唔知…

但至少到左呢刻...

我仲未放棄。

痛定思痛 2017-02-17 21:36:51