特區護照終於有白俄羅斯免簽？

一個簽証幾十歐唔會想駛錢去架啦，白俄夠無乜特別，免簽左班人就一窩鋒

直頭少遊客啦。

話咁快去完白羅斯加烏克蘭返黎, 報告下, 大概如下:

機場出入境時好順, 都係照常check passport對下樣乜都冇問, 就print張入境紙我簽名, 然後part A佢收左留返part B比我. 到轉機因為我backpack唔洗等行李所以都趕得切, 但時間真係幾緊張, 只係啱啱好趕到boarding time, 有得揀建議揀下一班好啲.

到我搭Ecolines夜巴由Minsk去Kiev, 可能巴士公司職員未太清楚香港passport, 英文亦溝通唔到, 佢見我冇visa, 又打電話又問同事, 差啲唔比我上車. 好彩我print定之前問Belarus Embassy啲email, 再google translate返啲內容比佢地睇, 先比我上車. 到過關時都check得比機場緊, 有個關員首先上車睇一睇passport, 但個條友唔識英文, 佢見我拎住本野特別唔同, 問幾句又溝通唔到之後佢就落左車, 然後隔左冇耐就全部人落哂車, 個時有另一個女關員識英文, 問我由邊度去邊度去幾多日, 跟住就ok喇, 之後派返passport個時入境紙part B佢地已經收左. 入境烏克蘭都係問下我係咪tourist幾句, 收哂全車passport等左陣就吸哂印上車派返比我地.

之後由Kiev夜巴返Minsk就攪左起碼兩個鐘有多, 係對所有人成個程序都好耐. 分別出境烏克蘭同入境白羅上落車兩次, 入境白羅斯仲要全部行李再拎哂落黎過機check, 同埋呢次check passport就check得最耐, 個職員巡例問下去做乜去幾多日, 同埋要check medical insurance, check完一輪之後又問同事又打電話又剩, 攪左一排先吸過境印.

ps: 我有朋友香港人係歐洲做野, 佢話早排跟公司見客, 揸車去斯洛伐克邊境再行路過境鳥克蘭. 正常香港passport唔洗簽證而BNO要, 點知去到check個時個關員話香港passport唔得. 因為個border好細, 淨係接受EU passport同Ukraine passport. 好彩我朋友帶埋BNO係身, 即刻拎出黎比佢地check, 咁佢地見係英國passport封面, 續頁研究左好耐, 最後竟然pass到~
所以真係一啲啲關口, 有啲好似自定規則咁, 啲backpacker穿洲過省咁周圍去真係好易中伏~

你朋友走嗰時係咪同一個關口走？

咁佢又冇講喎, 我諗係掛. 佢個客公司係關口附近, 佢話之後返斯洛伐克再搭飛機走

哦
因為如果第二度走，發現佢當初入境用咗本要visa但無visa嘅passport應該幾麻煩
（不過咁隨意嘅國家最後可能用錢就搞得掂）

係呀, 或者係呢啲細關口入, 出境又係返啲按照常規大關口出境就真係瀨哂野~

我都plan咗類似行程，都係去Kaliningrad，下星期一出發，會係SVO入境轉國內機，過幾日陸路Morskoe - Nida出境。

下星期拎特區入白俄羅斯 立陶宛火車入明斯克 再出烏克蘭 洗唔洗print 定d document 準備下 Thanks a lot

print 定無壞

用唔着都係幾張紙啫。

各位Ching
咁依家如果有俄羅斯機場飛到白俄羅斯入境玩可唔可行？因為我打算由莫斯科飛赫爾辛基，中途會轉機明思克，而且有成15個鐘 ， 所以想出市區行下咁

知唔知依家由俄羅斯去到白俄羅斯明斯克機場果陣，係以國際入境有border Control 入白俄羅斯境 , 定係domestic 機無 border control ？

我想問下坐ecolines 巴士去明斯克 係咪都得？thanks

已經有人搭過入境

得. 早排搭Ecolines明斯克出入基輔
print定啲野好啲, 同埋要買上網電話卡, 巴士識員會check你有冇visa先比你上車, 萬一溝通唔到就google translate啲documents比佢大概了解下~
同埋巴士過啲關口比較細, 未必好清楚香港passport, 而且唔係個個英文都好, print定冇壞.
print埋medical insurance, 陸路入白羅斯有check.

依家係International Flight, 有border control, 要出境再入境
只可以由SVO可以飛Minsk-- https://hongkong.mid.ru/web/hongkong-en/needvisa

機場出市區差唔多一粒鐘, 架巴士45-60min一班, 唔係就要的士(上次搭左40BYN)

SVO去白羅斯幾時變左做國際入境?

岩岩陸路入左白俄了
入境都快 不過份學聯保險唔得 要比六歐再買過份😹😹😹

解釋唔到係包全世界？

不過六歐抵畀，連埋車費都唔駛兩嚿水。

今年四月我由Tiraspol 番去Odessa 用BNO入
再喺Kiev機場走都冇遇到問題
（還掂有特區做backup試下無妨）
不過online check in 唔到佢（要我簽證號碼）
最後都係用番特區check in 走

佢話睇唔到個保額啊
12歐加6歐都係18歐 好抵下
但係去基輔果程好貴下 成65白盧布😐

你無 Print 埋啲條款出嚟呀？

我出年都應該會落 kyiv 走。

(不過其實乜都未plan)

除咗四程機票。

冇啊
我都係去到再算
網上好少白俄既交通資料
如果我想去米爾城堡 交通應該去邊到搵資料 thanks ching🙏🏿

起我底

有個白羅斯遊記，會有巴士網 link

記得地方名要用俄文 search ，用白羅斯文會搵唔到。

巴打, 睇返你Donetsk遊記, 但啲相show唔到
有冇另外fb page或者blog?