絲打睇你既情況我估你應該係天生暗瘡底,同埋暗瘡太耐唔處理係會傳染去面其他冇生暗瘡既地方,建議你早d食口服a酸,你話你冇錢可以試下由低劑量開始食,呢家冬天食高劑量會乾正好辛苦,過左冬天就跟返體重食,最好食夠劑量同長時間(1年),咁樣復發機會大大減低,如果你真係冇咩錢可以試下食o,n,a牌既a酸,效果雖然比r牌慢,但價錢真係比r牌平一半。食緊a酸果陣最好咩都唔好搽除左防曬,因為食a酸會對光敏感,太乾就叫醫生開保濕。
保養方面我建議你去fb search輕鬆醫美,睇下醫生講既護膚知識。或者去youtube search美上美,係台灣皮膚科醫生。
去印方面冇咩錢就早訓食深綠色蔬菜,可以抑制色素沈澱;飲多d水(2-3L)加快新陳代謝。仲可以食橙,檸水同奇異果吸收多d維他命c.呢d方法唔需要太多錢而且係針對黑/啡色印。
紅色既印係因為微絲血管擴張引致,呢個就較難處理,記住唔好曬咁耐太陽,同係一個好熱既環境,唔係既話會令d印更紅。處理呢d印就要靠激光,不話要等冇暗瘡生既時候先做,如果唔係會前功盡棄
如果有凹洞就睇番你你咩類型,同埋問下醫生用咩方法處理。
利申:以前比你情況更差,生左7年,食左15個月a酸,過左2年,幾個月先一粒瘡,d印好左8-9成,但仲有洞。食緊頭2-3個月好大機會有爆發期,驚爆得太勁可以配抗生素,但過左果段時間就會開始見效,加油唔好放棄。