樓主個人心得
1. 開局用咩人都無咩所謂, 因為真心無咩用, 因為CD時間太長,所以用咩人都得
2. 起手到而家我係用GT系既古典車搭越野系既兩棲, 2架都配搭4WD性能(LVL 41時會出現比你研究) (不過我都見有唔少老手用卡丁車搭兩棲車,所有方法都可以)
3. 建議當你有兩隊人或三隊人 (LVL 50時比300萬就可以換工場,有3隊人),一隊係淨係用黎打比賽 (打比賽果隊最少放4個炒氣氛), 一隊就用開發新車 (有齊哂整車技能既人係哂E隊,最少1個炒氣氛,車手有絕佳狀態時整車有加成)
4. 唔建議前期就抽零件抽車 (但中後期可抽), 雖然都係考你眼界準唔準, 但其實用商店買到果d零件升都夠用有突, 至於車就更加唔洗,勁車耗油量高, 而且仲要睇你技師既特性同數值,新車設計建議既數值, 唔夠高既話, 整到勁車出黎都可以比起初GT車屌打
5. 個人建議買建築,唔課金玩一星期多少少已經有2400買2個江戶城,升爆左要彩蛋有彩蛋,整勁車時要勁車有勁車 (整車時將風洞/試驗場擺係江戶城附近), 仲有多餘GP就可以拎去抽零件抽
6a. 新手開頭好缺錢,我自己有個方法賺錢,遊戲入面你可以挑戰其他玩家,而你會有個星數,個個起手星數都係500, 想容易D遇到250萬對手可以衝上1000粒星, 總之愈高星愈大機會見250萬賽事, 之後不過reload去搵d 獎勵有250萬既賽事, 搵到就派2架廢車出戰, 就算跑最尾都有50萬 (試過一次尾2同最尾,咁都會賺75萬), 25萬錢對於前中期升建築都有好用,而家250萬/218萬既賽事,可以比到你隻車手同技師好多exp,同埋更快max到觀眾去拎香蕉做研究
6b. 另一個刷錢方法就係用每日送既比賽晉級證專谷某一項賽事,大概20日度,你可以咩都唔洗做,帶2隻車手禁入去果場晉級賽事再退出,每次收50萬錢以上
7. 建築升級永遠儲油庫優先,因為愈多油意味你打得愈多場,去到打大獎賽要連續咁打,缺油同棄權無分別, 如果打打下發現唔夠油,拎架低耗油/廢車去打限時任務既高級任務打到升lvl,升lvl會送滿油比你,我都係靠咁樣打大獎賽
8. 研究院一定要研究所有零件上LVL 1先,唔研究既話商店會無得買,而定風翼同懸掛系統較為重要,因為e2舊野好重要,幫你高速入彎. 另外, supercharger (低速加速器)要ECU, 窩輪, 定風翼LVL 1
9. 有幾多好友加幾多好友吧, 加好友時會有寶珠,可以加成高速/加速/入彎/空氣動力/環境/空氣動力, 至於點睇自己ID? 係好友LIST度加人地ID果欄打自己ID去就會見到自己咩色寶珠
