屋企人最近 firm 左 末期肺癌。。。

揸乾哂會唔會幫你叫白車去公立 比公立執手尾

廁所，露台，廚房食都係賤畜

真
食煙真無抵死，唔抵可憐

燒炭好似係訓住走

娃哈哈老闆煙剷宗慶後都係早幾年前確診SCLC，未擴散轉移做埋手術都係得幾年命，
幾百億身家都延長條命唔到幾多。

sclc發病急，生存期好短，準備後事架啦

我屋企人係公立5月尾抽組織失敗 6月中先再抽組織化驗 直到今日都冇人同佢講報告係點
當日公立醫生仲要說我地唔好出私家抽 等公立抽安全啲好啲
宜家手淨係得自己5月中出私家照pet ct嘅報告
然後今日過埋身了

認真有定心理準備，同最後階段幫佢用重d藥舒服啲咁走。 末期肺癌臨走前既呼吸衰竭同痛係好好好辛苦，親眼睇住病人係佢清醒時唯一同人要求既野就係快啲死。

利申：過來人親眼所見

比屋企人舒服D好過啦
簽埋DNACPR 要求醫生比佢情況幾差都要食野 唔插任何喉包括鼻胃喉
要求埋醫生比屋企人隨時探訪(EOL)
再要求醫生開瑪啡比佢止痛 (如果唔DNR醫生未必肯開 因為打左瑪啡隨時心跳停頓)

加油

Sorry to hear that

我諗個個人經驗唔同，希望所有病友都有病可醫。

希望你早日過渡困境。

我明你感受呀 我老竇當年咳到仆街 全家人屌佢唔好食煙 差唔多反面 最後都係唔肯戒煙 結果幾個月之後就發現係肺癌死咗

免疫療法 你可以問下醫生可唔可以申請正苦支助！ 因為 有機會 係全免 ！

二手煙三手煙仲仆街，害撚埋啲親人

想知道除咗關愛基金 仲有啲咩其他資助可以申請

師兄 加油 唔洗驚你喺放緊負的
你願意講 身邊人都會願意聽的

防癌會有資助，免入息審查claim 番部分錢，以前要政府醫生寫紙，而家好似私家都得

點發現架

我爸爸係前列腺癌走左的。當日佢在私家照CT同抽血已經PSA起標400倍99%係癌只係未正式抽組織確診。
如果私家抽就要洗多5-6萬，我地覺得都知係癌咁仲驗黎做乜?無比錢私家抽

而我老豆在入私家前1個星期前都在政府急症抽左血驗PSA的，醫院都急call我老豆返去，因為驗血結果係PSA超勁多幾百倍。之後大約1-2星期就在公立抽組織做返個確診程序。

因為99%係癌，CT圖都睇到前列腺個形係岩慚。護士就話(我估醫生意思)雖然未正式確診，但睇個情況都係癌的。如果唔想延遲個治療今日可以同你偷步(未有抽組織驗結果)，打荷爾蒙針。但係嗰針就要自費的2千蚊。

其實堅係癌政府都唔會拖你。不過公立睇親都要排好耐，5-6個鐘都試過。見醫生都係講幾句，其實都無乜野可以做。之後拎藥打針............等下次覆診

港大中醫馮奕斌
醫癌

我老豆佢無做化療。由確診時未期前後2年左右。頭1年都無乜野，係有d痛。第二年開始失控癌指數又升高，之後用左新藥中途迴光反照有幾個月變左超人。到新藥都無效就開始痛，身體一日比一日蒫。
最後半年主要都係訓床，無乜力起身。最後3個月接近完全訓床

77-78

我老竇當初就係4月尾喺私家照完CT見膀胱有腫瘤就即刻去公立泌尿科

5月頭泌尿科醫生判斷係癌症機會極高，建議7月尾直接做手術，不論腫瘤良定惡。同時話CT報告見到肺有啲嘢，叫我哋私家照埋Pet CT

5月中Pet CT結果出咗，肺有大腫瘤+淋巴疑似有，泌尿科就即刻轉介俾胸肺科，過兩日胸肺科已經打電話嚟要見我老豆，見完就話試係淋巴抽組織無咁傷

5月尾淋巴抽針失敗，結果要再排期到6月尾先有得用支氣管鏡係肺抽

咁啱6月中老豆肺炎入咗內科，一直住到7月中走嗰日都冇出過院。而內科醫生7月頭已經話見到抽組織嘅報告出咗證實係癌症+已有少少擴散到淋巴，話相信腫瘤科好快會聯絡我哋

但結果就係到走嗰日都冇腫瘤科聯絡過我哋 + 老豆完全咩治療都冇做過就走咗

當日第一次抽針失敗要再等成個月先有得做，我都嘈咗好耐，但都冇得早啲做。仲要當日抽失敗後我話想出私家抽，係個AC親自打嚟叫我唔好出私家抽危險啲，搞到而家我都好後悔