玩轉腦朋友 2 Inside Out 2 討論區 (1)

未睇 但呢套高質個Minions 太多

第一集同第二集父母既joy 其實無riley 咁發光
證明係大人世界太多野煩 係咁易開心到

啱呀，我個仔成日隱藏自己嘅sadness, 成日唔承認自己喊緊或者唔開心，覺得係件好渣嘅事，我都係俾佢睇Inside Out引導佢正面面對自己嘅情緒

唔確定焦慮係咪一個細路仔會明既情緒
但我身邊真係有二三年班既細路仔真係逼自己逼到好緊個啲黎重點係身邊真係無人比過壓力佢地

請問阿尷最尾個句對白係咩，隔離位個下講野搞到我聽唔到

依舊好睇, 等左9年, 絕對值得入場支持

呀焦好似MM個呀sam

當初睇inside out 1 個trailer 個時心諗
屌 點解可以隻隻野都咁撚醜樣
點知睇完個陣喊哂同埋好中意bing bong 做左我Pixar top 3

Inside out 2 個trailer 出個時心諗
屌 做咩要加新角色，而且啲新角色隻隻都咁撚醜樣
點知睇完 啲情緒有層次左有深度左，隻隻都好討喜，好必須

睇完呢套戲俾我其中一個感覺就係俾一張戲飛錢做一次therapy咁治癒

其實係諧音gag
取自安溪鐵觀音，有寧神安定、降火等功效

其實抱抱出場嗰part，有段對話令我諗過係咪想同觀眾有互動

等多9年，啲細路都大曬，色下啦

其實第一集我好唔鍾意joy，太正能量，好鬼煩
直至到今集頭半都係呢種諗法，但係之後連咁積極樂觀嘅佢都有無能為力嘅一面

成班情緒專員多多少少都有啲消極意識，作為少數正面情緒嘅佢，為咗韋利嘅自我意識而疲於奔命
結果由佢把口講出成長就係less joy，而佢本人就係阿joy

真係頂唔住

我以為家人島變到咁細可能係伏筆比nostalgic

唔排除第4集先出現

今集睇老豆係由阿躁主導，老母係阿愁
臨尾韋利阿樂身上嘅閃粉係甩緊

雖然擁抱自己講出黎好老土，但呢種經歷係成長嘅掙扎，經歷好多自我對話先感悟到
當你發現自己原來會壞、會講大話、有貪心自私一面，你要時間去接受承認，其實咁樣無咩問題
我係咪一定要做個完美「好」人呢？
套戲講哂出黎，我覺得好中自己

我都係以前都唔中意阿joy 中意sadness
但今集佢自白個part 真係寫得好好

Joy 同anxiety 都係今集寫得好豐富既角色
佢個種辛苦，要處理其他情緒既complain，完全貼合番現實社會除咗喜樂係甚少需要隱藏既情緒之外，其他情緒大部分都係會盡量唔表現出黎 或者要用joy 去cover
即使比其他情緒控制住，佢知道佢一定要存在係hq， 因為一無joy 個人就只剩下depress 呢一下唔知點解好心up

而anxiety 係一個好複雜既情緒，當初睇廣告出現既時候我甚至諗係咪真係必要表現出黎，因為呢種情緒太露骨太寫實，好唔夢幻，係一樣甚至幾十年前啲人都未必太敢正視既情緒，但寫得太弱太美好又會到喉唔到肺。但套戲寫得好好，既表達到焦慮帶比人向上既動力，而唔係一味既污名化佢，又寫到過度既焦慮會抹殺其他既情緒。
佢同joy 既互補同第一集joy 同sadness 既互補都寫得好好。

估唔到咁小人討論? 我覺得今集都拍得好好,
Maybe this is what happens when you grow up, you feel less joy 我當堂哭左

我覺得差第一集太多……..

青春期最大危機唔會係轉校識新朋友做主線掛

同埋我會期望原始emotion 會成長去adapt 新挑戰

但呢集依然用返總部做主線（同一條橋），方法依然係天馬行空咁，分別唔倒同小童時期分別，另外除左阿焦其他都唔突出


其實我好大expectation 但只係1 既加強版

Inside out 1 係大人既動畫； inside out 2 係小朋友既動畫

寫得好好 成套劇重點係個成長過程 每個人成長之中都係經歷呢種擔心焦慮失敗挫折，搞到焦頭爛額，但呢D 所謂唔好既情緒，將會成為你成長既重要經歷，吸收左再進化成為一個更好既自己更成熟既自己。所以劇中最後都無講到關於收到Email 既結果，呢個處理非常之好

我自己唔係好鍾意Joy 同 anxiety 要對立
本來以為 新ge emotion 會同舊emotion 合體

家庭島細咗

兩套都做得好出色
今集探討嘅心理層次更加深入同複雜
青春期嘅迷茫、焦慮，懇切被認同、被肯定嘅渴望，對自我價值嘅掙扎、不斷嘅自我懷疑/質疑
要學識接納自己未必只係青少年嘅developmental task
究竟我地可唔可以有勇氣去承認同接納到自己係一個唔完美/唔受歡迎嘅人
I am never good enough or lovable, but that’s okay.
能夠自愛，不自我批判同憎恨
亦因為當你可以確立到自己嘅價值，都唔再需要盲目討好其他人追求external validation

電影最後一句講「好同唔好嘅我，我都咁鐘意」，係一個好好嘅closure
我唔同意咁樣好老土
每個人都需要經歷，可能係好多年嘅時間，最後先會搵到好多生命問題嘅答案
Trust the process，對自己有信任，唔好放棄自己係好重要

睇到後半段真係眼淚係咁流
睇返啲報道原來搵左3個psychologists去做電影顧問
從電影中得到一啲安慰同comfort