[足球/穿越]重來一次的足球人生（9）準備出書！

「香港嗰邊有無收到咩風？」

「暫時無乜，」蕭智堯說道。「其實行內都知你無乜可能會轉，只係你喺機場咁樣爆一爆，係有啲迴響嘅......」

得罪了各大媒體，這半日間其實已冒出大量余仁海的負面新聞，但當然蕭智堯沒有說出來。

對越南這場比賽，當港隊被追和並換入梁博豪時，後者跟蕭余表示陳召禧的指示僅是入球和取勝，那時候余仁海自信地笑了笑，表示正是自己擅長之事。

這個笑容被傳媒大造文章，對話內容是什麼並不重要，反正沒有人能證實，重點是球隊被連追兩球，他卻在這個時候露出笑容。

再加上現在轉國籍的流言......

電腦螢幕上出現彼此熟悉的臉孔，陳召禧與姜仲昊互相打了個簡單的招呼後，便迅速進入正題。

「容我問個有少少無禮嘅問題先，」陳召禧說道。「貴會嗰邊會唔會有啲咩消息，係唔方便向我哋透露嘅？」

從翻譯口中聽完後，姜仲昊短暫地沉默了數秒，本來他還打算一邊聊的同時，一邊看看有什麼情報可以分享給港隊這邊，但對方一來便直接要讓他亮出底褲，這點倒是沒有想到。

「會長嘅意思係，可以將我所知嘅一切同你講，但當中涉及我哋自己嘅推測，」姜仲昊嘆了口氣，答道。「所以你哋方面嘅發言之類，我哋希望可以有個共識。」

「當然。」

兩人互相點了點頭，彷彿確認雙方都站在同一陣線後，陳召禧大概追問了一些目前首爾鐵塔知道的情報。

得知這事件很可能是韓國足總主席跟全北FC會長合力搞出來的好戲後，陳召禧不由得露出意外的表情。

「我哋都好意外，無諗過堂堂一個國家足總主席，竟然會做出……」

「唔係，我意外嘅唔係呢點，」陳召禧輕輕地搖了搖頭。「世界各地大小足總，都會因為權力而腐化，呢一點我唔感到意外－而係佢哋會為咗一場國家打吡，做到呢個地步。」

「……的確，」姜仲昊沒有想過這一角度。「會長嘅意思係，張元柱係一個非常精明嘅商人，佢會咁樣做一定係有咩盤算。」

兩人同時陷入沉默，彷彿不約而同地冒出同一個想法：為什麼大家都只是想踢足球，卻會搞成如今這樣？

呆呆地看著一件件行李從輸送帶送出來，略顯安靜的仁川機場對余仁海來說多了一份冰冷與陌生，還不時能感覺到附近有人因自己而竊竊私語。

因為沉悶，剛才隨意打開上網看了一會兒，蕭智堯刻意沒有提及的那張照片，也就是他在被越南逼入絕境時露出笑容的那一幕，與那些充滿揣測與謾罵的報導、惡意留言，一同直接竄入到余仁海的思緒之中。

我究竟做錯了什麼？

「我無諗過入籍，真係唔知消息係由邊度傳出嚟......」余仁海拿出電話，罕有地在字裡行間現出脆弱及無力一面。

「你係咪講過啲咩引人誤會啊？」群組內傳來蕭智堯的反問。

「點會，平時無啦啦根本唔會講到呢個話題。」余仁海答道。「係有次足總最大粒嗰個，叫我去傾下對韓國聯賽嘅感覺同意見，唔知點解今次就俾人拎嚟做文章，話係我秘密同佢會面，屌係秘密就唔會去足總啦下話。」

這麼聽起來，感覺像一連串有預謀的安排呢......雖然不知道背後原因，但蕭智堯相信會出現目前這個狀況，一定是有人在背後精心策劃。

「總之就......你小心啲講嘢，呢期盡量唔好上網住，保持沉默一排等個風頭過咗先啦。」

把電話放回到褲袋內，余仁海將輸送帶上的行李拿下來，拉好口罩及帽子，可剛轉出去接機大堂，還是迅速被一大群記者認出來。

像蕭智堯所說的那樣，他打開頭戴式耳機的降噪模式，並將音量加大，一言不發地徑直離去。

即使有球會工作人員幫忙，突破重圍的過程仍不太順利，但很快余仁海便發現，在不遠處有一道熟悉的身影正在等待他。

待余仁海走近，金藝林便伸出手，拉著他在一眾記者的圍攻中昂然離去。

就像那天下著雨的晚上，余仁海拯救她那樣。
________________

wow
大浪漫主義

我要將你拯救
逃離人類荒謬

就用我的雙手
帶著你走

文

亮出底褲咁gay

我都睇到笑咗出嚟

嘩屌

一直老魚先係主角感情線都贏埋

底褲又真係比底線更加入肉

但樓豬應該係想打底牌多過底褲

底褲

係
速成同碼 加上勁撚眼瞓睇唔到

千祈唔好改，底褲太正

完全冇違和感…

樓主我手寫我心

最近香港前港腳蘇來強個仔Johnny去咗西班牙讀書+踢波，因為係香港同齡超哂班。依家係西班牙都屬於好top嗰批。如無意外，以後都一定會係香港隊成員，樓主可以留意吓，因為同個故事感覺都有少少似

完全寫唔出，畀多日時間我

push push