[足球/穿越]重來一次的足球人生（9）準備出書！

樓主似先讓一場 下場進步反cup 呢次都話四年前兩回合越南輸1-3做唔到英雄

真係想睇老蕭入波

我宜家先知係打兩回合

下場唔反CUP一定屌爆樓主

賽制我自己都亂咗
我下一話會講返清楚（係我問題sorry）

係囉
明明應該係分組賽

但我唔介意你改賽制架

好想睇復仇

Or back to back
第一轉最後果場同第二轉第一場同對手好正常

分組賽唔係都有得雙回合咩不過冇咁快對得返啫

實會對返
但唔會咁寫
佢個寫法就係會令人誤會

罰加更，混淆讀者

第12話嘅時候話余仔下星期就要對K1班霸 但係感覺過咗好耐? 又返香港集訓 仲踢埋外圍賽

sorry 係下個月先啱 感謝指正
我自己都搞到亂晒

下輪囉當
國際賽期

Push

趕緊，晏啲會更

五十、


港隊球員一臉不甘心地在作客球迷區面前拍掌致謝的照片，在網上被廣為轉發，不出所料地繼續有些冷嘲熱諷的留言：「係咪又要講雖敗猶榮」、「又輸，連打越南仔都俾人反Cup」、「成班垃圾，不如解散算啦，慳返納稅人啲錢」。

韋卓奇看著不斷冒出數字的聊天群組，董事也好，屬下也好，由於這場比賽萬眾矚目，這個賽果自然讓不少人提出對陳召禧的質疑。

「不如都係請返個鬼佬教頭？或者日本人韓國人都好，陳Sir可能仲係經驗未夠。」

「佢好似有少少急進。」

陳召禧由韋卓奇親自點名，所以能感覺到其他人說這些話時留有幾分薄面，韋卓奇也沒多作維護，只是簡短地留了一句：「睇多兩場先。」

世界盃外圍賽今屆改制，讓同組的兩支球隊會在不足一週內，連續主客場對壘，便是想製造這種立即復仇的戲碼。

當然，也可能會讓敗者再輸一場，淪為徹底的輸家。

兩場比賽之間只相隔不到一週，港隊很快便回港，備戰下一場賽事。教練團隊給出過一些關於上場比賽的注意事項，但陳召禧跟李浪一、甚至是一些思路清晰的球員，都知道這場比賽落敗的最大原因，是沒有人能在右路真正地構成威脅，從而減少余仁海被夾擊的壓力。

相比之下，中路沒有人能徹底守住阮文康，這反倒是其次。

「坐。」

韋卓奇指了指辦公桌前的椅子，露出與平常無異的笑容。陳召禧對他仍不是太了解，本來也不是那種擅長社交的類型，所以不知道此刻狀況如何。

「放心，叫你嚟唔係想興師問罪，」韋卓奇瞄了他一眼，似乎早就猜到他在想什麼。「我搵得你教，事先梗係知你帶波風格係點。」

「唔好意思，第一場就……」陳召禧坐下後，慢吞吞地從口中抖出這幾個字。

「嗱，呢句道歉呢，我接受嘅，因為事實係呢場波你現場嘅指揮有問題，」韋卓奇笑著喝了口茶。「唔好以為我唔識波啊。」

「唔會……」

「好，講完廢話，入正題。」韋卓奇吸了口氣，稍微坐直了身子。「我知道越南本身就係勁過香港嘅隊伍，輸都係合理，不過唔好彩嘅係，呢場係你上任後第一場正式比賽，咁樣俾人反勝，畫面上係肉酸啲，所以係有聲音叫我考慮下換你。」

輸一場比賽就要換帥，這當然不是正常情況，以往那些足總的高層、董事也不會這麼留意港隊的比賽成績。唯一理由，不用說自是因為那幾個在海外效力的球員，為這支港隊帶來了關注度。

陳召禧不知道該回答些什麼，只能點點頭、小聲地應答。

「我都係嗰句，搵得你教，我預咗會咁，所以我唔介意你執教初期嘅成績係點，但你要畀到我同大家睇：你係有諗法嘅，你係有Plan、有Form嘅。」韋卓奇續說道。「你想踢搶攻、緊逼又好；想踢防反、高Q大棍又好，唔緊要，我信你，但你要畀到嘢我睇，一係成績，一係表現。至於其他人，我幫你頂，你做好自己就得。」

很難想像這些說話，居然是由一個足總主席口中說出。陳召禧再次不知道該如何回答，只能低著頭道謝，片刻後離開。

文

「其實點解你會咁信佢？」

陳召禧離去後不久，一名三十多歲的男人在韋卓奇帶路下走了進來，從肢體語言看來，雖然他較年輕，但地位似乎比該名足總主席還要高。

他梳著一頭整潔而濃密的油頭，眼神柔和，身穿的西裝較為寬鬆，看起來反倒沒有韋卓奇那種商人的咄咄逼人。

這人叫利文希，是新任的體育協會會長，地位上當然比韋卓奇高。他近年一直在海外深造及嘗試各種事務，最近才回流香港，並接替父親此職務，因此渾身上下還散發著一股「公子哥兒」的氣息。

「行啲嘅答案，就係我信得過自己睇人嘅眼光。」韋卓奇笑著遞上雪茄。

「無咁行嘅答案呢？」利文希接過雪茄，看了他一眼，追問道。

「嗰幾個細路跟慣佢，」韋卓奇答道。「佢識點用佢哋之餘，佢哋亦踢得開心啲。」

「……就係咁？」利文希呼了口煙，微笑道。

韋卓奇聞言看了他一眼，那種商人獨有的銳的眼神一閃而過，短暫得幾乎無法察覺。他若無其事地在桌面的煙灰缸抖了抖指間的雪茄：「呢個係我當初揀佢嘅最大原因，但可唔可以繼續做，都要睇佢自己造化。」

……

「咦，大余你個仔返嚟啦喎。余仁海，冒號，『今場有啲可惜，下場我哋會贏。』喂大余，你晏啲返到去屋企唔好發老脾屌佢啊，我唔想見到你上新聞啊。」

茶餐廳內，坐在余仁海父親鄰桌的大叔笑道，他們幾人看起來都是工友。那人指了指手上的電話，螢幕裡應該是關於接機的帖文。

「咁你又唔好講到大余痴線阿伯咁，講真余仁海尋晚踢得幾好㗎。」旁邊有人打圓場道。

「好條撚，打班泡菜仔嗰陣就係威係勢，打越南仔就做唔到嘢。」余仁海父親搖了搖頭。

「你想佢一嚟就入人三四球咩大佬。」

「咁咪即係做唔到嘢囉，結果就係輸波。」

余仁海父親其實不算特別喜歡足球，除了最出名的幾名球星以外，他也說不上幾個名字，更別說足球知識、戰術等等，他對兒子踢得好不好的標準也很簡單：你作為前鋒，入球便是唯一標準。

或者再簡單一點，能在新聞上看到香港的媒體稱讚你，那便是踢得好、有表現。

結束工作後回到家中，看到兒子剛睡醒走出來，他心裡便莫名有種煩躁的感覺。

這次余仁海也很精明，沒有主動說些什麼，而且因為剛輸掉一場重要比賽，他也沒不打算跟家人外出用餐之類，以免招人話柄。

然而余父坐到沙發上剛把電視打開，新聞台播的便是昨晚那場比賽。

「今場係港隊新任教練陳召禧上任後嘅第一場正式比賽，今仗因為係蕭智堯、余仁海幾位喺海外效力嘅球員第一次上陣，所以備受外界關注。」

「蕭智堯今場被安排喺前鋒位置，完上半場前，余仁海左路傳中，蕭智堯巧妙咁傳畀右邊嘅吳志鴻先開紀錄。」

「不過主場作戰嘅越南下半場重整旗鼓，第五十八分鐘，效力英超球隊水晶宮嘅隊長阮文康，射入一腳世界波將比數扳平；完場前，阮文康憑一次反擊殺入禁區，橫傳畀左路嘅范國勇，反超贏2-1。」

「賽後陳召禧承認佈陣不當，又稱讚球員戰術執行力出色，會力爭喺主場拎返三分。」

余仁海去完廁所出來，感覺到客廳充斥著一股說不出的尷尬氣氛。兩父子彼此都沒有開口，但老爸那板著的臉，早已說明一切。
___________________________________________________

推

解釋一下先
故事入面，越南上屆出局其實係去到最後一輪生死戰，而唔係分組賽
（大家都知世界盃外圍賽賽制有幾撚複雜）
我會喺PENANA度補寫得清楚少少

預測次回合港隊會4個𡃁仔都正選
比數贏2:1踢加時射12m輸

分組賽應該冇加時？
但教練話右翼唔掂 會唔會揾返當年比主角撚爆嗰隻右翼入隊