九龍城寨個氣硬功真係好撚on9

前面有巴打講出重點
就係套戲個世界觀交代得唔夠
一開始講龍捲風殺入城寨果陣 show返一兩招 提下佢d武功既話 後面唔會咁odd

係，大家係咪唔記得咗葉問其實都係會打到飛起

根本前期係未超出葉問普通功夫片嘅範疇

以黃飛鴻做例子，因為係指功夫做主軸，所以都知咩人練咩功，又會有鋪排氣硬功，所以都唔覺設定奇怪

但而加本身以為係古惑仔殺破狼level, 但後期就無啦啦咩原理設定都唔講，就直入決戰

其實正路係黃德斌呢個長輩出嚟講設定，修練日常過場，跟住先大戰

所以其實觀眾挑剔唔係冇道理

林峯俾龍捲風一拳打飛果時咪做左D旋風效果VFX囉
普通人出拳邊有拳風出現, 李小龍泰臣都唔啦

你好多都係話時間問題,交代唔哂
好多以為有伏線同埋以為有展開既都無講/草草了事
呢句咪講佢眼高手低囉,開咁多頭唔埋尾,不如唔好開

角色未出場
我夠知佢未出場啦,咪就係話佢交代得唔清楚囉
其實佢第一幕都有出場啦,但無人知佢叫tiger

前面交代佢塊面比人斬
四仔個頭套到底為乜要戴[我當佢出續集先講]，做咩臨尾會除？????

未養好傷就比人偷襲
咁佢又影佢FEEL到會反,但係又防唔到?好奇怪..

你講嘅好多都係時長限制/blue]係,交代唔哂又要開就係虎頭蛇尾，然後交代得快所以睇唔到好多係直頭無交代

但成個劇本其實好細緻不同意
套戲真心明顯有heart 同意,開頭打既部分同場景唔好一黎就屌無一黎就屌,係講D情節野做得唔好,我覺得唔計王九部分成套戲打交都好睇,情節方面導演交代得好唔清楚,整體唔會好高分

我唔知你點睇到劇本細緻,但出黎既畫面就係好多野無交代清楚
佢唔係開放式結局比觀眾諗個ending係乜,係中間跳得好快
趕住跳下一場劇情咁
唔係要求佢用對白/旁白去交代
但係好多位都可以做好D,唔排除係拍左好多局住剪走
但呢個導演過往既戲都唔係好細緻
其他導演好多戲都可以做到無對白咁交代好多野.例如黑社會,無間道,好多畫面無人講野觀眾都可以感受到導演想講咩比觀眾知,比觀眾去get下
而唔係某D師兄講既畫公仔畫出腸

如果有交代上輩人係有武功，而新輩大戰前有修煉/盲拳盲勁拳打死王九，咁就合理好多

唔交代設定係硬傷
無論係用畫面交代定係對白交代

我睇到呢個分別我都開始信呢個PO多打手

岩呀,要求既就係你早少少舖排下,交代下,等觀眾知道,唔洗一黎就咁大變化嘛
D護航既人就理解成要畫公仔畫出腸
佢地係咪唔明起承轉合個承係咩黎

覺得咩巴士篤窿 古天樂旋風拳 就叫交代得好嘅人 收收聲先， 根本時代背景上，直覺上會令人覺得蠱惑仔～殺破狼， 打飛就葉問都會，和飛鴻就唔使講，舊年代會更加容易聯想到武俠，而且黃飛鴻就係功夫嘅代言前，成套嘢就係講佢對唔同嘅功夫

要交代現代武俠嘅話，前邊用一兩個point就交代到？ 會唔會太睇得起觀眾？明明就一路沿用殺破狼同葉問嘅尺。

篤窿得一嘢同一刻，然後叫有鋪排？

魚蛋妹又好
叉燒佬阿七又好
其實只係一個小配角
反映城寨生活的一小部份, 串聯其他事的一部份
話係伏線根本都算不上, 只係你諗多左

角色未出場難道就唔可以先出名?
佛地魔都去到第4集火盃的考驗先正式出場, 呢D先係真正的伏線

完全無講古天樂同郭富城點解fd? 咁槍火入邊幾條友點解咁fd? ptu入邊任達華點解咁幫林雪? 乜要解釋咩? fd咪fd囉, 有話你知佢地其實係fd喎, 而家係陳洛軍做主角, 唔係龍捲風傳, 要講齊每個人都來龍去脈, 關係背景, 恐怕片長12小時都未講得哂, 你睇唔睇? 電影真係唔同電視劇, 唔可能樣樣都好詳細咁拍哂出嚟, 一代宗師傳聞有4小時版本添, 咁唔通又照上呀? 剪接的重要就係要將d必要的留低, 無咁重要的就剪走, 唔可以乜都塞哂入去 (相反有d新導演唔夠資金, 會拍好多空鏡去攝時間..........)

啲人係唔係都要抽稱下姐

https://youtu.be/SuPafRvCw6Q?si=bO57GeBpFvB0ZIDg&t=85
1:25
其實預告片/正片都有用畫面交代左
龍捲風出拳真係有股龍捲風的vfx俾觀眾睇
仲唔係武功?
你諗下邊套戲普通就咁打拳頭交會有呢d?

唔通真係要下下用對白講我(角色)係咩門派, 有咩招式武功, 佢又咩門派, 用咩武功, 甚至著返件寫住武功的衫先夠清楚?

其實再早林峯喺果欄打雜卒
打到啲牆爆曬 再俾王九追
追到飛出車 已經好明顯

葉問果種飛起係用腳或者體重差距大做成，就算飛起唔係真係成個飛起，多數係「打退」或者打到「企唔穩跌低」

例如葉問2打龍卷風，龍卷風可以輕鬆咁抽起葉問fing 黎fing去，係因為龍卷風重葉問起碼25kg(不過個人認為真實世界係冇咩可能可以咁樣抽起fing，呢個動作設計誇張左）

又例如葉問3打泰臣，泰臣真係半打到葉問成個人退後幾米（但你留心睇其實都唔係成個飛起晒）

其他葉問既打交場面，都唔會話打到「成個人飛起幾米」咁武俠片

所以你幾時有見過葉問「企定定」出拳可以打到同自己差唔多重既人「飛起幾米加轉圈」？係冇

同埋古仔「企定定出拳」打到林峯起飛再轉圈，其實已經講比你聽係武俠片style，咁點解襯唔到硬氣功果種誇？ 其實兩樣野都係武俠片元素，而唔係一般動作/功夫片

但你要執住「鋪排」問題既話，只可以話套戲唔夠時間，又或者導演/武指認為前期呢一拳已經夠表達，但估唔到咁多人覺得擊飛林峯轉圈都唔叫「武俠」，直至「硬氣功」出現先叫武俠

老丫嘛 又傷

咁點解襯唔到硬氣功果種誇？

咪就係vibe比重同唔夠誇嘅問題，但氣硬功就係遠遠超出常人範疇，旋風拳得嗰一拳誇少少之餘，鄭導仲ban咗武指轉勁啲嘅設計，根本武指本身係想街霸vibe ，而冇設定解釋，觀眾好易會覺得呢個只係戲劇效果aka 泰臣好勁， 就係所謂唔想做得露骨，反而令到好多嘢都模糊， 但偏偏氣硬功就突然用一句對白硬生生叫醒觀眾「吓？ 乜原來係咁嘅設定？」

何謂做得好？ 其實《功夫》咁樣定調同推進，就係唔露骨之餘，又令人明白到係講武功。

咩氣 林峯打贏任賢齊喎

打眼打爛佢造型呀 要戴超

其實只係因為你個人覺得「旋風拳」唔夠「硬氣功」誇張，但我個人覺得兩隻係「一樣咁誇張」，兩樣都係遠遠超出常人範疇並唔係誇少少咁簡單。我就算冇睇過漫畫，見到旋風拳都知唔係普通動作/功夫片

只不過「旋風拳」套戲份面就得一兩拳，但「硬氣功」就由套戲中段持續到尾段，所以你可能覺得突兀，如果一開波就多幾拳旋風拳，多少少再誇張d既動作，你可能就唔會覺得「硬氣功」突兀

但要重申番「旋風拳」同「硬氣功」係同等程度既誇張，只不過係套戲入面，「硬氣功」佔既時長比較多咁解

殺左大老闆就無人知佢罩門係邊

用功夫黎做例子真係幾好
一開始城寨入面果3個阿叔都係硬橋硬馬真功夫
去到後期火雲邪神一樣變左超級系
係成個故事推進得好舒服 個分別就係呢度

point 既野都無謂再拗，反正大家唔同睇法
比較想知師兄會比幾多分呢套戲
整體又好
每樣各自比分又好
師兄會比幾多分？
或者師兄心目中既港產動作武打片城寨會排第幾？

HELLO
LIHKG #55826 尻頭已思

HELLO
LIHKG 山本彩姐 #1230

HELLO
LIHKG 山本彩姐 #1230