[日本鐵路飛機歷史賽車都有][有圖長氣多字]2024復活節獨遊+F1日本站之旅

睇完展覽繼續出發

時間尚早，重夠時間去榮嗰邊行下POKEMON CENTER


呢set嘢會否太型


整咗紀念幣，鯉魚王又幾代表到名古屋城嘅


之後就返名古屋駅上車，關西本線快速MIE，KIHA75系0番台，2輛編成，一號車部份座位係指定席，其餘都係自由席
同埋佢係日本少有用美帝康明斯引擎嘅氣動車


legroom就算喇唔好提


重有枱仔，啱KEA坐


關西本線會有部份路段同近鐵名古屋線並行，人地複線電氣化，你關西本線就.........
難怪喺三重縣JR東海畀近鐵㩒住嚟打


個幾鐘到咗松阪



松阪駅，係JR東海同近鐵共同使用，係松阪市嘅代表駅


就喺呢間賣便當嘅鋪頭買咗盒幾有趣嘅便當

聽日繼續

Ching有無買到御守？
星期六朝早入到場想買嘅御守衫褸全部sold out

終於係鐵膠遊

無喇，得咁少數量

得閒會重溫你啲舊遊記

返工前又小更新，落狗屎咁點返工
喺松阪駅買完便當又上車

今次坐名松線去伊勢奧津嘅普通列車，KIHA11型300番台
同KIHA75用同一款引擎，但KIHA75一架車有兩副，KIHA11得一副

另外當時係應用喺長距離嘅列車上，所以同其他番台唔同，佢係有車內廁所嘅

而家得返名松線會用佢，另外重有上年暑假坐過嘅城北線、常陸那珂海濱鐵道同緬甸國鐵重會見到佢地


名松線兩個鐘一班車，呢條路線都幾有趣，本身規劃佢係由名張~松阪，但因為畀近鐵嘅前身截咗糊，所以起到伊勢奧津就停咗

去到國鐵重組嗰陣曾經被納入建議廢止路線，但因為沿線無完整嘅道路網絡所以保得住
再去到2009年因為颱風令到路線長期中斷，最後傾掂數由津市同三重縣出錢搞掂沿途嘅斜坡同河流，喺2016年正式全線復駛




車內long seat同cross seat混合，喺松阪都唔少學生上車



松阪黑毛和牛便當，個牛頭造型其實幾恐怖，但味道唔錯


最有趣係佢入面有發聲嘅裝置，打開盒便當就有音樂聽

https://youtube.com/shorts/FHM1VcdPUxs?feature=share
首音樂就係「ふるさと」，應該都有印象聽過吧？


沿途都係田地，唔意外吧？

今晚繼續

靜靜地更新
其實名松線喺上年暑假半獨遊已經想ko佢，但一個颱風蘭恩就搞亂哂


大約40分鐘到咗家城駅，名松線上唯一可以進行列車交換嘅站，而名松線亦同時用緊兩種非自動嘅閉塞方式，松阪~家城用緊票券閉塞式，家城~伊勢奧津用緊單票閉塞式，極簡單地說都係靠一樣信物去證明司機有有關路段嘅佔用權，去到列車交換站就要將信用畀對面或者下一路段司機嘅做法，都係為咗防止列車相撞嘅方法
而家JR集團入面得返名松線用緊票券閉塞式；名松線同九頭龍線用緊單票閉塞式，當然重有部份地方小私鐵都重用緊


就係駅員手上舊嘢，靠佢先可以通行下一路段


會喺度停13分鐘，當然要四圍行下


家城駅係有駅員駐守嘅，不過喺有列車停靠嘅時間綠窗口係唔開的



駅舍對出，都唔會繁盛得去邊


名松線應援poster，沿線地方自治體都算積極keep名松線嘅，如果唔係以JR東海作風，晨早就廢咗線


對面去松阪嘅列車會先開走


然後就到我地呢邊開車，再過大約35分鐘就到咗終點伊勢奧津駅


應該唔會有機會延伸到名張嘅路軌


駅舍出面都係農舍，靜靜的


觀光名所，好多都幾公里以外


重有幾條社區巴士，但都係疏落班次


駅舍入面一眼睇哂


留名冊，但唔覺有香港人嚟過


大約15分鐘後坐返回頭車又出發

聽日繼續

上次搭新自強都中伏，張凳勁唔舒服同埋叉電位已經壞咗
我揀咗Sunny Hill（一舊鳳梨酥&一舊蘋果酥，個人覺得蘋果酥好食啲）同氣泡水個玻璃樽我都有留返

便當公司真係

氣泡水都幾好飲，便當就冇加
最尾走嗰日撞正鐵路便當節開幕買咗個六舊水台幣嘅排骨便當

便當無機會試喇，下次要坐下柴聯自強號，雖然已經剩返唔多，同埋本身DR3100都無乜力

我出䎗台北就係DR3100，舒服好多

便當公司d舊車張櫈係舒服好多，手摺門莒光號張櫈最正

由伊勢奧津回程，天都黑哂

又返到家城駅，仍然有駅員喺度，又係長時間停車等列車交換


對面嘅車到了


駅員繼續要處理信物先可以放行


過多幾個站就到一志駅，今次喺度落車


一個典型嘅無人駅


然後就行一小段鄉村道路


就到咗近鐵嘅川合高岡駅，近鐵大阪線上嘅一個無人駅，只有普通列車停靠，其他優等列車都會通過


兩面兩線嘅月台，要直接橫過路軌去對面月台


班次唔算密，一個鐘1~2班車


block


一個站就到伊勢中川駅，一落車就一陣牛屎味，好臭


月台間靠地下連絡通道連接


作為近鐵其中一個重要嘅路線交匯站，名伊、阪伊、名阪都會途經呢度，班次當然唔會疏得去邊，而名阪特急因為有咗中川短絡線，可以唔駛再停呢度


又點少得特急券售賣機


有近鐵特色嘢賣嘅fam mart

待續

留名

等緊F1

喺臭到暈嘅伊勢中川駅等多陣終於上車，得救


上車，今次係返名古屋嘅名阪特急，21020系「URBAN LINER PLUS」，喺80000系「HINOTORI」出現之前係近鐵名阪甲特急(最速達)最高級車輛，而家就退居名阪乙特急(較多停站版)嘅主力，係21000系「URBAN LINER」嘅後繼車，不過得兩抽12輛咁大把


今次坐DELUXE SEATS，1+2座位配置


recline角度算係咁


legroom足夠闊，前面得個網袋


側邊拉到張枱仔出嚟


recline電動控制，重有閱讀燈開關


頭枕細細個，同埋太淋，唔得，隔離重有閱讀燈


比較特別佢窗邊有個架仔放嘢，點解唔索性整到成條窗邊放到嘢


是晚第二餐，多cream就係王道


重有近鐵特色，濕紙巾


一個鐘返到名古屋，隔離線停咗抽12400系電車，都係七八十年代產物，headmark重用緊膠牌


重有精品售賣機，難逃乖乖畀錢嘅命運


大堂有F1日本站嘅宣傳


角田呢個樣好老

然後發覺先十點幾，好似重有時間遊多陣，結果就即刻去返JR指定席機即劃即出飛

待續

F1喺最後，要等下

有櫻花啲宣傳品都靚好多

所以F1日本站點能夠唔提早搞

反正都唔係最後一站擺邊都唔大影響了

但F1加櫻花係幾咁有噱頭

本身個期真係有少少閪

又打風落雨 冇就熱到仆街 又未到紅葉