[日本鐵路飛機歷史賽車都有][有圖長氣多字]2024復活節獨遊+F1日本站之旅

籤求咗三支，但都係小吉中吉，結果返到香港就keep住病到上星期

冇計

日本同香港都流感高峰期

本身係鼻竇炎，就好返又中武肺
但無發燒輕症狀

我去完番黎咳到而家都未好

好毒真係

行完德川家康嘅最後之所，就落返去

唐門，而家係國寶，御本社嘅正門，以前係大名或者幕府內嘅高級官員先行得
而入御本社要除鞋、同唔畀影相


神輿舍，放咗三座神輿，中間係德川家康，右邊係豐臣秀吉、左邊係源賴朝


神輿舍嘅天井上面有幅天女舞樂圖，幾似中國嗰d


之後去咗藥師堂，一樣要除鞋，一樣唔畀影相
入面除咗喺天井有條同陽明門天井近似嘅龍，重有僧人會示範敲兩舊響木，然後就會有回音，成個畫面叫做「鳴龍」


入面都供奉咗藥師佛同十二藥叉大將，而每個大將都對應返十二生肖，所以都有相應嘅御守


銅燈籠，1636年由荷蘭政府送畀江戶幕府(荷蘭係少數可以同江戶幕府有往來嘅西方國家，亦都會將由荷蘭傳過嚟嘅知識稱為「蘭學」)


五重塔，係重要文化財，聽講係用咗耐震嘅建築方法，但睇完唔多明


之後就行埋寶物館


入到去會換返張入館券，而因為入面唔畀影相，所以.....
主要都係展出德川家康或者幕府嘅文物，都算值得睇嘅.....

之後就行返落去搭巴士，去一個我之前去過又好難忘嘅地方，待續

嘩

原來日光東照宮咁多日本重要歷史文化遺產睇

樓主唔介紹真係唔知

謝謝

另外有冇碰啱櫻花盛開呀

我都係去完旅行keep住小小病徵到而家都未好

save name for later

errrr…入得世界文化遺產嘛…
日光東照宮都好熱門掛？

櫻花之後會遇到嘅，但無特登追

好

有機會一定要去睇

行完日光東照宮，又上巴士出發

事隔四年幾又嚟到馬返，第一、二伊呂波嘅交匯點


剛進入第二伊呂波就會慢駛，望到男體山，都未融雪
第一、二伊呂波都係國道120嘅其中一段，係日光市街來往中禪寺溫泉、華嚴瀑布等景點嘅必經之路，交通非常繁忙，特別多旅遊巴行經


第二伊呂波係上山專用，有唔少髮夾彎，坐住巴士都feel到離心力


路邊重有雪，好彩路面無結冰


明智平纜車站，不過尾班纜車已開，所以巴士都直接飛站


上到嚟中禪寺溫泉巴士總站，男體山嘅另一面


之後行過去華嚴瀑布，原來有升降機可以去觀景台，但來回要570yen，個人覺得極唔抵


華嚴瀑布，同那智瀑布、袋田瀑布並稱三大瀑布，不過今次嚟無乜水


同19年11月嚟嘅比較


又嚟到呢度，頭文字D遊戲入面伊呂波嘅起點，ENEOS油站


好似無乜點變


二荒山神社中宮祠嘅鳥居


https://youtu.be/RMlPM7dhYdw
中禪寺湖，當時持續陣風超過50km/h，大風到痴線，人影都無個


Ritz-Carlton日光酒店，對住中禪寺湖，個景靚到


因為太大風，所以都係行返去中禪寺溫泉巴士總站避一避


等多陣又上車，故地重遊

待續

你會唔會同女朋友去住Ritz Carlton

故地重遊，不過上次用腳行，今次坐巴士

上次行落山嘅痴撚線行程
[鐵膠獨遊][長氣多字]快閃關東兩日兩夜想睇紅葉但無乜紅葉之行
- 分享自 LIHKG 討論區
https://lih.kg/apmKakV


開始嘅直路，同埋慢駛嘅告示


難得坐到車頭位，當然要影下前面，基本上第一伊呂波就係不斷嘅髮夾彎，單向落山
旅遊巴要喺呢條又窄又多急彎嘅山路舞龍咁舞，偷盡位咁過彎，真心佩服
諗返當日行落去絕對係玩命，真係不可一不可再


喺咁窄嘅路當然會有前車擋住，而喺適當嘅位慢車(特別係巴士)會讓路畀後面嘅車過，佩服司機們嘅技術同忍讓


山路完咗之後第一條橋，當年最淆嘅地方，因為d車會開始加速衝落去


頭D動畫Third Stage入面京一開始攻擊嘅第二條橋


最後兩個人分勝負嘅第三條橋，睇返其實係拓海夾硬嚟避到京一淆底先贏到


之後嘅直路，都係越行越快


防止無break出事而設嘅緊急退避所


又返到馬返，坐車同行落去感受真係好唔同，叫做完咗一個心願


返到東武日光駅，放咗部以前日光路面電車，以前日光路面電車可以由日光駅去到馬返，再轉鋼索鐵道上到明智平，不過就係因為兩段伊呂波山路嘅通車而直接殺死呢兩條路線

待續

住過香港嗰間囉

住埋中禪寺呢間

難d喇

繼續日光快閃之行

東武日光駅，上次嚟係趕住上車，都無好好影過個站


大堂，候車室+鋪頭


請問乜撚嘢叫「3双」？


有500系「REVATY」車頭


今次坐嘅係去淺草嘅SPACIA X，東武N100系電車，2022年投入服務，係東武鐵道最新型嘅特急列車


logo簡單直接


側面路線顯示牌，用LCD mon的



今次坐1號車嘅cockpit lounge，往淺草方向嘅車尾，不過後面展望都幾好呀


最頭兩個位係單人位，舒適度其實一般，如果有頭枕就好


大銀幕望住駕駛室


唔少得嘅電源插頭


車窗係六邊形


開車前會有乘務員過嚟派CAFE ticket同menu，cockpit lounge嘅乘客可以優先去CAFE買嘢，之後先會到其他車號嘅人


menu入面，算多種類


chill一chill嘅KEA


車內介紹小冊子，幾靚


車內售賣嘅戰利品，支筆出奇地好寫


雞肉便當，我發覺除咗牛同海鮮，其他便當都係伏伏地


開始日落，而後面有一團台灣大媽由上車就講講講講到落車，想靜靜地都唔得


車內WIFI速度算係咁


車廂中間天井有電子mon睇風景


當然都有行李架


PREMIUM SEAT，睇落同近鐵HINOTORI嗰隻差唔多


STANDARD SEAT，無乜特別


當然有乘車紀念嘅影相打卡環節


過埋隅田川就到淺草


接近2個鐘返到淺草


由於淺草駅月台係急彎，所以有好大條空隙，要用踏板保障安全


6號車compartment車廂，有四間房，最多可以坐4個人


6號車最頭嘅cockpit suite，最多七個人坐


特急專用月台，入去要查飛的

待續

到咗淺草，其實都係駁一駁腳

東武淺草駅閘口



又上車，今次係去東武日光嘅特急REVATY KEGON，500系電車，最遠可以去到福島縣嘅會津田島駅


座位2+2配置，劃一等級，張櫈recline一般，坐3個幾鐘上到會津田島應該幾攞命


legroom夠嘅


車頭第一排位有少少唔同，張枱長d


recline控制，重有喺奇怪位置嘅電源插頭


重有張枱仔


又過隅田川


12分鐘就到咗北千住駅


一樣係特急專用月台


好快又又上車，今次係去淺草嘅特急KEGON，用嘅係100系電車，一次過試三款東武嘅特急列車
粉紅色嘅列車，原來係栃木縣誕生150周年記念嘅特別塗裝「Strawberry SPACIA」


普通車廂無乜特急，舊款國鐵型特急咁


不過今次坐嘅係個室，要另外買個室券


個室就有士多啤梨款式嘅櫈，有紅有綠


座位中間可以拉落嚟嘅扶手


頭枕軟淋淋


間房嘅控制面版，可以較燈嘅光度、牆邊燈同冷氣嘅強度


櫈底有電源插頭


可以關門，幾個人吹下水又得，一個人靜靜地都得


又經過隅田川


又返到淺草駅，真係急彎嚟

待續

離開淺草駅，向河邊出發


隅田川鐵橋同SKYTREE，咁啱都係東武嘅


公園都有d櫻花開了，都有人喺樹下開P


cute


可惜櫻花太疏



橋嘅另一邊


然後準備又過隅田川，不過今次用腳行
同埋又係戀人聖地


過河了，列車喺上面行幾得意，不過開得好慢


水閘


對面岸特別有兩棵盛開緊，好似係現任天皇兩公婆重係太子太子妃嗰陣種嘅


行完就行返淺草駅上地鐵去上野轉上野東京線，普通列車GREEN CAR，全車自由席
不過等唔到車掌嚟查飛就落咗車


而喺今年時間表改正之後，普通列車GREEN CAR嘅收費機制會大改
首先無再分事前同車內料金，只分SUICA價同現金價
同埋新增咗101公里以上嘅料金


返到東京，剛好見到SUNRISE出雲/瀨戶出發


之後就坐尾班HIKARI，順手買31雪糕同檸檬茶


靜岡駅，剛好遇到對面去三島嘅KODAMA


返到名古屋再轉去豐橋嘅尾班快速列車


酒店樓下嘅櫻花開始開喇，咁又完一日

點解你咁有錢有假成日飛

咪又係得四大假期，哪有咁多假？

Lm