[日本鐵路飛機歷史賽車都有][有圖長氣多字]2024復活節獨遊+F1日本站之旅

樓主係suzuka買左好多野？

買咗一季會買嘅份量

Lm

趕上機後，應該重要等多班接駁巴士嘅客

今次坐嘅國際線仕樣嘅A320Neo，JA222A，4年機齡
本身揀咗第一行，結果就畀人調咗去第二行，而班機係full哂，而PREMIUM CLASS除咗我之外其他都係西裝友
legroom唔駛講喇，夠伸直腳有餘


前面放咗耳筒同拖鞋


右手邊有張櫈嘅控制面版，電動的，好過上次坐嘅772要手動
不過佢嘅touch唔太敏感，要比較大力㩒落去先有反應
另外重有個IFE嘅遙控，無乜特別


另外側邊可以拉部IFE出嚟，一個12吋嘅touch mon，應該起碼有1080P嘅
同埋有機外cam，幾好


同埋有電源插頭、USB Type A嘅插頭，重可以拉張枱仔出嚟放叉緊電嘅嘢，幾貼心嘅設計


頭枕都係可以較高低


另外重有全程機都用唔到嘅WIFI同LIVE TV


張櫈放到最低，算係咁，重有legrest同腳踏


起飛了，慢慢碌過去跑道都用咗差唔多三個字


下面都係一片白雪雪嘅山峰


開餐，因為係早機所以得輕食，有塊炸雞肉三文治同甜蝦丹麥酥再加杯洋蔥湯
可能因為頭先喺酒店食到好飽，所以食咗3/4就放棄咗


之後要咗杯熱茶同派咗粒櫻花味朱古力，幾好食


開始下降嗰陣又派呢隻好酸嘅糖


見到利尻富士，就係平時食嘅白之戀人牌子嘅包裝上面繪畫嘅風景


準備降落了


日本最北端有定期航班嘅跑道到著


日本最北端重用緊嘅行李壽司帶，d行李出得比較慢


日本最北端重用緊嘅機場大堂


稚內空港只有ANA一間，有飛羽田同新千歲嘅航班


日本最北端重用緊嘅出發大堂，有一間食肆同ANA FESTA


日本最北端嘅機場露天觀景台，但冬季唔開放


再上多層係室內嘅觀景台


日本最北端有定期航班嘅機場get！
(真正最北端機場係禮文島嘅禮文空港，但由2003年開始無哂定期航班，再由2009年休止到而家，最新休止到2026年，應該都係想廢咗佢)


行行下發覺去稚內駅嘅巴士走咗，行返出稚內市區又非常艱難(12公里呀)，咁唯有飛的，但當時又無的士喺度，旅客中心又冬季休息，本身想去ANA counter嗰邊搵職員幫手call的士，點知就有架自來的士到咗，好彩到


日本最北端老麥！？

最後大約5500YEN返到稚內駅，然後極速放個喼去locker就再衝去上車

聽日繼續

趁起身出編短短地
去到稚內駅放低個喼之後就衝返出去上巴士，剛剛好


就係為咗趕到途經宗谷岬嘅巴士，天北宗谷岬線，呢條線係為咗取代廢線嘅國鐵天北線而開，但都係因為沿途人口減少，加上無咗補貼而不斷減班、改路線，喺2011年先開始改經沿海嘅宗谷岬

而家呢條線cut淨一日四往復、同埋將稚內~鬼志別、鬼志別~濱頓別分拆行駛，而濱頓別~音威子府之間廢止，天北線嘅代替作用都無埋，改由按需求交通，慘淡到.........


日本最北端巴士站再到著，上次嚟係2018年，6年前喇


當然都要去日本最北端公廁屙篤日本最北端嘅尿


同埋搵咗角落生物宣傳稚內市


當然都要嚟呢間日本最北端手信鋪買張日本最北端到著證明書


當然都要喺日本最北端自動售賣機買支嘢


食堂最北端，不過都係無開


望出去宗谷海峽，一片汪洋


臨走嗰陣天氣好d，可以遠望到對面嘅庫頁島


宗谷海峽附近嘅地圖，當然全部用日本地名


點少得畀你打卡，本身想放佢落個碑度影，但太大風差少少就吹走


真正日本最北端，就係呢個離宗谷岬對出1.2公里嘅辯天島，係海獅同海鳥嘅棲息地


間宮林藏像，佢係江戶時代嘅探險家，就係佢發現間宮海峽(韃靼海峽)同確認庫頁島係一個島


今次有多少少時間行，就上埋去山上面嘅公園


都係冬季唔開嘅展望台同休憩所


行樓梯上到嚟就見到舊海軍瞭望台，事緣喺1875年日本同當時嘅沙俄簽咗樺太千島交換條約，沙俄用千島群島主權交換日本放棄庫頁島，所以稚內成為咗邊境城市，而為咗監視俄國海軍，就有呢個瞭望台


平和之碑，為咗紀念二次大戰期間喺宗谷海峽被擊沉嘅美軍潛艇同畀潛艇擊沉嘅日本船隻，由美日兩國市民共同設立


日本最北端全景


成個山頭最顯眼嘅建築，祈願之塔，紀念1983年KE007班機誤入蘇聯領空而被蘇聯空軍用導彈擊落嘅死難者


喺祈願之塔行返轉頭之際，見到遠處有隻鹿喺度食草？


宗谷岬同其他地方嘅距離，最近當然係對面嘅庫頁島(樺太)


重有宗谷海峽嘅發現者，法國海軍軍官拉彼魯茲紀念碑
宗谷海峽另一個名拉彼魯茲海峽就係以佢命名


之後落返去等回程巴士，日本最北端巴士候車室


上車，原來而家巴士都有USB頭


又返到稚內駅前

今晚待續

樓主點睇KE007 單嘢

Goodbye and Thank you試坐專員(差dd)

我信係機師、空管、蘇聯空軍嘅錯誤判斷共同造成，而受害嘅係機上乘客

唔會喇，我走佢都未走

GPS開放民用就係因為KE7

係，好多科技或者安全技術都係由前人嘅血換返嚟

Halo都係因為Bianchi先有

返到稚內駅

日本最北端駅舍，稚內駅，同六年前差唔多


當然要請kea出嚟留個念


日本最北端嘅路軌同止衝擋，以前會由稚內駅一直延伸到稚內棧橋，再坐船去樺太，當然1945年日本戰敗後就無了


日本最北端嘅綠窗口同改札口


日本最北端列車發著時刻表，加咗好多備註


當然要買張日本最北端嘅車站入場券，同六年前嗰款唔同


六年前嘅係咁的


最北端線路，一直延伸到最南端嘅西大山駅


日本最北端嘅戲院，價錢好似都幾合理


日本最北端嘅扭蛋機群


日本最北端嘅兒童遊戲室，同六年前一樣


日本最北端嘅彈彈馬，重有彈彈比卡超


日本最北端嘅POKEMON渠蓋，冰六尾同冰九尾


拆緊嘅地盤，之前好似係商場定超級市場？



VINS餐廳，今次無食了


今晚都係住DORMY INN


同上次住間房一樣，都係有玄關，好好嘅設計


一張大床，你就瞓得舒服


雪櫃有禮物，兩支水同兩個青森蘋果啫喱，都係幾酸

食完啫喱再出去

去返稚內駅，綠窗口喺班特急宗谷一開走就收工


所以月台都係自出自入，日本最北端之駅嘅碑


稚內駅喺駅舍重建後就拆剩單線，所以d車到咗稚內駅之後，唔係即時做回頭車嘅話係要回送返南稚內駅停泊的


上車了，去名寄嘅普通列車，KIHA54系500番台，一輛編成，而呢架剛好就係曾經用喺急行禮文(特急宗谷前身)，而設備上有d唔同(例如櫈係用0系新幹線報廢剩咗嘅，所以比一般KIHA54會坐得舒服d)


都有d人坐，雖然好多都係用東日本北海道PASS(普通列車限定嗰張)


因為張PASS未用得，都係要拎整理券


張櫈軟淋淋幾好坐其實


搭咗接近20分鐘，到咗今次目的地拔海駅，重有另一個人都落咗車，睇嚟目的同我一樣

明天待續

Pokemon 渠蓋

而家越嚟越多地方有喇，北海道係最多，但好多都好偏僻

我記得有架KIHA54用退役嗰架789系嘅凳

係，廢品再利用

到咗拔海駅，架車開走之後成個世界即時靜哂，我同另外一個人都好識做分開各有各影


拔海駅係兩面兩線，可以做列車交換，佢有兩個日本最北端，日本最北端全日無人駅同日本最北端木造駅舍

而家係由稚內市負責管理保養，但好似想喺2024年底閂水喉廢駅？


提司機一定要做好指差確認


就咁行過對面月台


其實荒山野嶺真心驚見到熊，見到呢隻熊就夠


月台上都有CCTV的


駅名標同名所案內


日本最北端木造駅舍


隔離有間屋仔，應該係訊號系統嗰d有關的


應該係國鐵立嘅碑？


駅舍出面就係黑媽媽，IPHONE影出嚟先咁光，實際上暗幾倍


駅舍正面


有片防風林，但塊牌d字甩哂咁濟


駅舍入面，暖好多


有其他人放喺度嘅公仔，叫ゴマちゃん？


呢張列車百景都唔知幾耐之前了，中間嗰張係北斗星嘅食堂車，可惜都錯過了


留言冊，估唔到之前一日都有兩pair香港人嚟過，有個係用青春18由西大山碌上嚟？


對面有排櫈，重有坐墊


應該都畀人坐嘅？


全日來回只有七班車，北海道嚟講唔算少


幾耐無SL行過宗谷本線？

繼續拔海駅

有兩張宗谷本線名寄以北嘅時刻表，班次其實少得很


禮文島嘅宣傳poster，其實都幾靚


宗谷本線嘅應援poster同好多紙鶴


通緝poster，有兩個已經bye bye咗


唔知有咩用嘅喉管


去月台嘅門，中間其實比張相暗好多，又係IPHONE影得太光


好靚嘅JR group poster


稚內冷知識


好靚嘅拔海駅poster


駅舍入面嘅角落有個特別暗嘅位，原來係廁所


用完請幫手清潔返，我就上返車先去廁所，當然個廁所嘅衛生情況係唔多理想嘅


行咗個幾鐘就回程，都係KIHA54，今次係504號，都係一輛編成


同去程架急行仕樣嘅櫈有少少分別，btw連埋司機全車得四個人


下晝三點由名寄慢慢碌上嚟，價錢都幾甘


沿途有唔少鹿喺路軌上面行過，架車就要響咹慢駛，有隻鹿重要響住咹都慢慢向前行，搞咗接近五分鐘先離開路軌範圍


三個字到咗南稚內駅，日本最北端列車交換可能駅
天北線未廢線之前係天北線同宗谷本線嘅交匯站

聽日繼續

繼續稚內嘅一晚


駅名標


南稚內駅舍都幾大同有唔少位


信用卡專用嘅售票機，但已經熄咗機


同宗谷本線有關嘅時間表改正內容


有唔少嘅車頭headmark同相，幾靚


宗谷本線會用嘅車種，好似少咗最新嘅H100系，雖然好似只用喺名寄以南


南稚內駅嘅綠窗口重早收過稚內駅，稚內駅收1745，南稚內駅收1400，連指定席機都係收1800，真係.........


話雖d駅員收咗工，但仍然有工程人員留守，重會幫手更新時刻案內牌


夜媽媽嘅南稚內駅


站出面都係無乜人氣


重有間應該廢棄咗嘅旅館？


遠處嘅居酒屋係最多人嘅地方，重有的士喺出面等客


重有最燈火通明嘅彈珠機鋪(應該係日本最北端嘅彈珠機鋪…掛？)
到底日本人有幾鍾意玩彈珠機


重有間開到2400嘅藥房，其實更似超級市場，不過真係要買藥嘅，出發前唔睇醫生抵撚死


HOTEL大將，幾有霸氣嘅名


應該係日本最北端嘅機鋪+K房


一隻畀人騎嘅比卡超，但喺比較暗嘅燈光底下係有點陰森


game方面其實都幾齊，估佢唔到


重有應該係日本最北端嘅夾公仔機群，但d夾嘅力度細到
同埋都有d人會過嚟玩嘅，唔算好死場嘅


行完就見到隔離有北海道其中一樣名物，Seicomart
當然都買咗d嘢食做晚餐

之後就想搵巴士返稚內駅，但個巴士站都唔知喺邊，乘換案內都指示得唔太清楚
因為唔同路線嘅南駅前站嘅位置係唔同嘅行行下索性直接行返酒店算，2公里姐


行到返酒店剛好有DORMY INN嘅特色，免費宵夜拉麵，清清地幾好食


朋友你是咪太chill？

咁就完咗稚內嘅一日，今晚繼續