窮撚失眠到想睇精神科

睇

之後叫佢轉介你睇公立

你應該唔係情緒問題係神經出問題個腦熄唔到機
counselling放鬆法係畀個腦運作正常嘅人睇 你做極都瞓唔到個人會更焦慮
同埋有啲人係原發性 唔關個人經歷事
你依家係要睇精神科知道你咩病再食藥先會好
利申睇咗大半年晚晚瞓到7～8個鐘

你可以先到樓下家庭醫生，佢會開鎮靜或安眠藥俾你，再book私家精神科啦，會更精準幫你較藥


公立好似要排期喎，一係你去急症室話想死

唔撈>睇開d>休息一排 一定得

如果真係想試冥想，建議做好準備先開始
聽過朋友講冥想其實係放鬆自己＝放低左自己層保護罩去感受身邊既一切，同時代表你好容易會比一d野影響或者可能會受精神傷害，所以一定要學識左係冥想個陣保護自己之後，先好開始冥想

但希望你可以早日搵到令自己訓得到既方法！！！！

反正你都瞓唔著，試下一早6-7點出去食個早餐曬下太陽，中間唔好瞓晏教，可能夜晚會瞓到幾個鐘，我之前失眠就係咁做

有無試過TMS

呢個只係間歇性失眠要調生理時鐘既方法
對樓主黎講去到第2步夜晚10-12先訓呢步已經做唔到

同樓主個case好似 似係焦慮

由中學開始失眠 都經歷過好多個階段 慢慢變成每日都擔心訓唔到教 驚左訓教呢件事 晚晚係床上面碌又不停自責 好多負面情緒 驚自己再瞓唔到就會死 個腦又越嚟越塞

最後的起心肝搵私家精神科醫生 發現原來食藥就可以解決咁多年來嘅痛苦 之前仲辛苦咗咁耐

再寫信轉介去公立醫院 當時話我算係輕症 所以好似一個月之內就排到睇

同時有睇輔導 我學識左破釜沉舟嘅概念 就係訓唔訓到覺都唔好理佢 我依然可以照常返學考試返工 瞓覺唔會再變成壓力 真係去到覺得眼瞓先瞓

我試過，
我個人認為不外乎幾樣野

1.自己喜歡同人比較，在乎人地點睇自己，導致自己push自己但又達唔到自己理想中既自己，因為喜歡同人比較，記住天外有天人外有人，你有既虛無，但你損失左既時間係實際。

2.男/女朋友經常要求自己做呢樣做果樣，又或者冷暴力你

3.原生家庭因素，父母偏心家姐細佬阿妹阿哥是但一個，老豆/或者老母唔生性，成日情緒勒索。

4.讀書升學，朋友圈子之間既相處，當中點點滴滴，令你個腦不停湧出個畫面來。

5.因焦慮失眠而再次害怕焦慮失眠。

總結，收工放學後最好熄電話，減少社交，做唔做運動隨你喜歡，但要先將外界對你既影響減至最少先。
悶就玩下d，無聊既手遊。睇下d on9港產笑片，食完飯就入房熄燈慢慢搵個位唉住訓下覺睇下d放鬆既youtube 片，飲飲食食去旅行果d
慢慢就會訓得著。

當然當然，要跟醫生指示食藥啦，但係簡單生活先係精神健康既基礎

呢個例子好鼓舞

係咪住果度太光? 我以前住市區又係成日失眠，後尾搬去村屋 晚上係一啲光都唔會有 加靜到冇聲，從此就改善咗失眠問題

留個言又學下野先

我主要係心理問題為主既失眠
例如工作壓力，女朋友果種

總之我訓覺前一個鐘唔可以做工作既野
唔可以打競技類既遊戲
咁就會好好多

同埋，訓唔到唔好係床到典下典下
出廳睇書睇片消耗腦力，等個頭重就差唔多上床

當然，樓主果種
我覺得一半一半啦
未必真係要睇精神科，因為樓主唔知root cause
所以，e家係要搵個原因出來先

睇精神科佢就一定當你有精神病，睇腦科就會話你個腦有唔知咩，但最後未必幫到手

短期無副作用啫
依賴咗咁點

其實安眠藥，合理地食係唔會有依賴性
我最大獲果期，真係跟醫生療程食左成個月安眠藥
之後慢慢減藥，結果我都無依賴
反而唔好食食下唔食，然後失眠先食，咁就容易依賴佢

不過樓主就唔好試
佢唔似係生理時鐘問題