有冇巴絲長期受胃氣脹肚脹之苦？（8）

Ching症狀係點？

完全一樣，都持續咗差唔多10年，就算狀態好啲都係要嗝，純粹嗝得順利啲，餐餐食完企起身就開始頂，頂到好似就嚟想嘔咁，但就從來未嘔過，嗝差唔多兩個鐘左右就會完全冇事

我主要有兩個問題，第一個係啱啱食完飯，會好快急屎，仲要係痾爛屎，我搵到一個規律，食意粉同芝士會特別容易出現呢個狀況，第二個係瞓覺時有胃酸倒流或胃氣脹，試過有啲時候瞓醒個喉嚨會唔舒服添，有時好似有野頂住喉嚨嘅感覺

不過我食緊益生菌同鎂，大有改善，訂咗樽維他命B雜未到貨，想改善吓啲腸胃嘅神經

唉，我同你啲症狀唔同，仲諗住你嗰個理論會啱用添

巴打 你同我好似 宜家搞到食嘢胃口都無以前咁好，以前自助餐輕鬆食十round，宜家食一兩round已經頂住

睇返呢個Po我驚係胃潰瘍

胃潰瘍唔係最明顯係會胃痛咩？我就好少胃痛，頂多係太耐唔食嘢先會拿住同埋都好少痛

你啲症狀係點

啱啱上少少我覆咗另一個巴打

好似唔一定剩係胃痛，初期病徵係咁越黎越嚴重就會痛

同埋幽門氏菌都有機會

但都持續咗好耐啦喎

我都唔知所以想問吓呢個Po有無其他巴打係咁

有無人試過

頂住 好眼訓 無血到咁
想頭暈咁
Er到氣先會好啲

有，之前仲要食唔到嘢飲唔到水

依家仲有keep住暈

你嘅情況似係胃酸分秘得太少，分量唔夠有效率地消化啲食物，咪會有胃氣，你有頂住嘅感覺，即係個胃工作得慢

無錯，係消化得好慢，所以食得好慢，可以點解決

原因有三，壓力、加工食物、年紀大，但呢三樣都係圍繞一個重點，都會令營養吸收差咗

解決方法：
1 飯前飯後半個鐘唔好飲嘢，會稀釋胃酸
2 飯前飲蘋果醋係例外，會幫助消化
3 補充品，維他命B、鋅
4 食飯前唔好仲好忙咁，盡量relax返啲，食緊唔好玩電話
5 買消化酶食 (好似唔係長期辦法咁)

食左排益生菌就再冇胃痛，但依然食少少野個肚就突到好似大肚婆咁，飯後間唔中會feel到個肚突然有股暖流熱熱哋咁但冇痛，其實係咪胃酸倒流？

咩原因 到底
我有check過 胃 腸

應該純粹係有野落肚釋放左胃酸出嚟消化姐，倒流係你喉嚨食道會有反應的

大便正唔正常？

100billion益生菌（關於腸胃個啲 同overall 抗發炎嘅都得）
食返一頭半個月先

我諗要多d運動同食麥皮先解決到

未知，下星期睇專科，之前抽血都冇咩問題

長期便秘唔知點搞

有冇食過益生菌通下

有時便秘會因為落唔到格而有胃脹氣

第一次知便秘都會搞到胃脹氣
食咗益生菌都有好轉既，但一停就打回原形，好似要長期依賴益生菌咁聽講纖維粉都幫到便秘？