有冇巴絲長期受胃氣脹肚脹之苦？（8）

有無人都試過non stop 胃氣？ 我係一起身無食嘢都會打4 5 次胃氣，然後全日non stop 胃氣，食緊飯又有，我諗一日起碼有三四十次胃氣。好就好在唔會胃痛，又無胃酸倒流嘅感覺。

咁我就做過吹氣有幽門菌，食咗藥清咗，但繼續有胃氣。

之後去咗睇專科，佢同我講我太緊張，太大壓力，開咗啲抗焦慮藥比我
但我明明份人chill 底。去旅行夠放鬆啦，但都係有胃氣，食完根本無用

之後我叫個醫生同我照胃鏡，照咗無幽門菌，但有輕微嘅食道同胃炎，同埋輕微嘅橫膈膜疝氣，個醫生話全部都好輕微，唔食藥都得，淨係開咗pantoloc 比我，叫我胃痛就食。咁我無胃痛都食咗一陣，唔知係咪胃酸弱咗，唔係好消化到，食完嘢會有頂胃嘅感覺，仲唔舒服咗，而且胃氣問題依然存在，所以宜家都停咗pantoloc。

但胃氣嘅問題原因同解決辦法都仲係搵唔到有冇人有類似經歷可以俾建議我

我都係一起身就有胃氣
所以我阿媽叫我戒口唔好飲凍野我當佢bull shit
你疝氣應該係gur得多 賁門鬆弛左

解決方法我都無 兩年幾係咁

正常應該忍到唔打胃氣一陣 但心理上忍唔到 十零秒都想打一個

有無黃大仙區中醫睇胃推介
好辛苦

打得多胃氣就會愈脹氣 之後急屁急屎 今日已經屙左三次

其實個胃唔痛係咪即係唔係中幽門
呢一年個胃成日間唔中會脹冇胃口咁但就冇點痛 每次食下藥幾日到一星期就冇事 跟住胃口就會慢慢好番食番多野 但食食下一排又會突然又唔舒服過 不停咁無限loop
有時幾個月都冇事 有時就一個月唔舒服兩次 勁煩 個人比佢攪到有疑病症 成日覺得自己有大鑊野 但理性分析就知應該都係個胃唔健康成日冧檔 有冇人都係咁既案例可以斷到尾 定係要食supplement養胃 可唔可以分享下

覺得你係慢性胃炎，唔可以成日食難消化既野，甜凍野試下少食

有屁已經好好，我呢個幾月都冇乜屁，係呢兩日多啲

依家成日胃脹同胃酸過多+倒流

每日起身食半粒抗胃酸西藥，之後食野，隔兩個中就盡量飲埋中藥，唔係成日得

成日起身少少餓但食少少野就冇胃口，又胃脹脹咁，甚至愈消化就愈谷住啲氣咁

聽日睇多次中醫，呢個禮拜再冇大既好轉下個禮拜就去睇專科親戚介紹左個旺角既專科俾我



其實好似有少少好轉，但食量同胃口都麻麻，而且夜晚就開始胃酸多，又胃氣，個胃一脹就胃酸倒流

每一日都好唔開心好似冇乜進展咁

咁有無氣係肚？ 淨係噯氣？

大把氣，有時起身已經會噯一兩野

不過呢排開始食番飯，有時一路食已經有噯

前幾晚十點幾叮番幾啖飯食，結果噯左幾個中，最尾食埋個化胃氣既西藥先好啲

唔知搞乜愈消化愈多氣，但又冇乜屁放，噯得出都還好，噯唔出先辛苦

有無試過一野噯番舊飯或者舊餸出黎 噯得最放鬆最大力個下就會

咁又冇

依家有胃酸多同倒流就會食少少野，會舒緩到，不過好明顯依家個胃係未得，亦都唔知點先會得

中藥其實係好，但唔知要食幾耐，好煩

就係咁 對上兩次比我試到就係一飲咖啡就出事 當個胃好到咁上下 有時一食多左就出事 佢又唔係痛只係脹同冇胃口 個肚係咁響 個幾日就好番 一時時好煩 見啲人話要養番好個胃 但我又唔知點先唯之正常番

我等間買六君子丸食 之前食過有啲用 睇今次得唔得
依家日日食鎮定劑都搞唔掂 唔係辦法

我個情況點搞好

你要感覺下你個胃受唔到啲咩，我之前都feel到有啲野食落去係唔舒服，就少食，你可以係食太多+食左啲個胃受唔到既野

老老實實，如果你冇強大心理去調節心態，應該睇精神科，試下血清素幫唔幫到你

你地試下挺胸收腹，收緊核心肌肉，有冇冇咁脹爆

依家我個胃真係未好番，冇放個肚餓既信號出嚟，所以依家搞掂個胃先啦

我覺得呢幾日有少少好轉既，睇下聽日中醫點講先

下星期都冇乜進展就可能約專科了

上個月1月頭開始有胃漲同胃氣咁, 過左一個星期就變左左下腹keep住痛,痛左兩個星期, 之後去左睇醫生話係腸胃失調, 拎左d 止肚痛藥同益生菌, 之後有幾日唔痛就走左去食雪榚, 之後胃漲同胃氣又番翻黎
到尋日覆診, 都係話腸胃失調, 但由於冇再痛既關係, 就左開D胃藥同胃酸倒流既藥. 再一個月後覆診....

戒下口，唔好咁快食刺激到既野，凍野始終唔係咁好

呢排開始冇飲凍野, 以前飲野一定要凍冰冰先飲
生果都要凍先會食, 除左香蕉