有冇巴絲長期受胃氣脹肚脹之苦？（8）

我兩日前仲係無聊撳入個post睇下

估唔到兩日後自己都做埋患者

話說呢兩日食完飯之後一陣(半個鐘至兩個鐘不等) 成個胃脹住晒勁辛苦，訓又唔得坐又唔得，要等成個幾鐘後先唔痛。感覺就好似成個胃都係氣放唔走。

除咗胃氣脹之外仲有啲便秘同小便偏黃。

有無巴絲識解救

套餐
腸胃鏡，
飲水，戒口，食高水溶性纖維嘅菜同水果
益生菌，橙粉，乳果糖
做運動
調節心感，思想改造

貪得意望下個post，發覺自己同咁多位巴打都好類似嘅情況
星期六食咗個好油嘅pizza，當晚就即刻個胃超唔舒服，好似成個pizza喺個胃到撐住咁，訓教時就發燒，一路發燒一路嘔返D胃氣出嚟係有陣pizza味
星期日個人就勁攰，出去食少少嘢就好攰訓教，keep都係有胃氣胃脹咁，但夜晚就退咗燒。
琴日就無咁胃脹但開始係咁屙，屙咗差唔多10次，好彩都食得落嘢，都無食D乜嘢藥都係食胃仙U去頂，諗住都唔掂就要睇醫生。
今日就好D啦無再屙，但仲有少少胃脹。
上個月都試過咁，個次就因為飲咗D濃綠茶出事

你可能係腸胃炎

如果唔係就係個pizza太油，個胃太難消化而且促進左你肚屙

如果有胃脹要小心要少食油膩食物，如果唔係重複犯錯可能會令消化不良既情況更嚴重

我就係過來人

一緊張條腸就縮下縮下蓄氣

ibs 發現咗樣好掂既野
食晒所有藥 睇醫生照晒都冇用
當迷信開黎聽下 點知真係work
今朝痛到仆街 聽咗陣冇事

Lm

想問下有冇人有胃漲嘅解決方法
食完嘢坐係到無幾耐就會好漲 漲好耐
消化又好慢

想睇下有冇啲咩食可以解決到問題

首先唔好食太飽同難消化/會發酵既野

然後食完試下

1. 食完飯半個鐘後去散步，途中唔準撳電話
2. 試下慢慢飲少少暖水，100ml太多就50，50太多就30，慢慢飲

咩黎？

我都有呢個問題，想分享我嘅見解，前面睇過有啲討論話係胃酸過多，我可以話俾你哋知，有胃氣脹係胃酸過少，消化力差，食物停留胃部嘅時候，由於胃酸唔足夠去消化啲食物，胃部開始產生氣體，啲氣將胃酸谷返上食道，咁咪有胃酸倒流囉，所以胃酸倒流一定係因為胃酸過少，唔會係過多架

要兩個方向並行去處理呢個問題，一方面要處理情緒緊張嘅問題，緊張會令胃酸分秘減少，唔好再食抑制胃酸藥，會衰上加衰！至於情緒比較難搞，輕則靠維他命B雜，搵啲放鬆身心嘅方法，重則要去搵精神科幫忙，另一方面要處理消化力同腸道健康嘅問題：蘋果醋，益生菌，食物要食返啲健康嘢，停咗啲咖啡因飲品，啲食物咬耐啲咬碎啲先吞

唔好食產氣食物
飯前後半個鐘唔可以飲液體
龜速食飯，起碼食20分鐘
1開始覺得飽就停一陣，最多食多1兩啖就停
食完唔好坐係度，起身龜速散步
訓前按摩上下腹

麵包得唔得？

麵包會發酵，唔係好建議，同埋食野慢慢食，咬耐啲，唔好講野

同埋你可以試下慢慢食太平梳打餅，睇下幫唔幫到，因為我呢排都係，唔妥就食，會好啲，我食綠色果隻味應該係葱油味，好食啲

好好 我試下 （梳打餅我食芝蔴味
最主要係返工出街食lunch完之後個情況比較嚴重
想睇下可以食啲咩減少呢個情況
諗住食包份量唔大應該好啲咋

其實食清啲同少食多餐會比較好啦，加埋唔好飲凍野同汽水，盡量飲暖水等個胃休息下

依排食啲唔難消化既野先啦

薯仔芋頭中式糕點蛋糕呢啲試下少食

呢幾日夜晚先脹
脹到第二朝

係咪大概九點幾十點開始？

有冇試下飲少少暖水，或者食一包梳打餅？

我都唔知係咪脹煩左幾年
食少少野都飽, 但可以正常食量
3餐正常食就好快就肥番
起身好多胃酸
成日呼吸唔夠氣咁
用少少力禁個胃同肚會痛

呼吸唔可以一啖吸哂有機會真係胃脹，但你有痛既話應該去睇下醫生好啲

睇緊政府, 次次都求其水我走
係得喇叭牌最有效, 食完有胃氣走出黎

一定係架啦，求奇開啲藥俾你就算，再唔係你去睇下中醫，但你預左可能要一個星期先見效

始終唔可以一直靠藥物協助，特別西藥好傷胃

中醫我都有睇呀
睇左成個月都未見咩效
好貴呀