有冇巴絲長期受胃氣脹肚脹之苦？（8）

運動應該係有幫助，郁多啲

郁多啲係有好大幫助 發覺次次出事個排基本上都係郁勁少
唔運動個身體年齡大左就好易週身唔舒服

日日兩萬步了

有冇巴絲同我一樣次次都係夜晚至凌晨先會胃痛胃脹係咁嗝胃氣
仲要獲獲都痛到訓唔到食左胃仙U都冇用

想請教下大家, 有無人都係食完野個肚勁脹, 好似大肚咁, 勁多胃氣, 好似無限胃氣嗝出黎咁...
但個人食野又唔係無胃口, 呢排想增磅 係咪都係減碳水唔好食麵包果d會比較好

有睇呀 不過唔係腸胃科 政府轉介左去家庭專科 都係開下中和胃酸藥同gascon 唔算好有用

你睇醫生係開咩藥 參考下？

個肚一放鬆就有拉扯感 之後就想谷胃氣變番緊張

有無人谷胃氣之後就會急尿肚屙

除咗夜訓之外應該無啦但呢個真係改唔到，除非有人晚晚都嚟打暈我
我已經病到3年無去餐廳食過飯
基本上係每日飯後胃脹加胃抽筋，依家試緊新藥佢話試一個月再覆診

巴打你睇邊個醫生係多倫多post見過你個名，我都人在多倫多

我睇普通科，暫時話我係胃功能障礙

第一次係六隻藥
感冒藥
腸易激
益生菌
鎮定劑
化胃氣胃脹
訓覺藥

第二次都係六隻藥，冇左感冒藥轉左胃藥

其實唔知點解會開感冒藥不過呢個醫生係呢區最好所以信佢

有好轉但依家食嘢都有戒口同好小心

我本身好多情況出現所以都唔係胃脹咁簡單

你應該認錯人

我病左三個月已經好灰，你仲要三年

你有冇記低食左咩會胃脹同抽筋，有冇試過食清啲

同埋我個醫生叫我戒蛋戒奶，你都試下

我都三年了 鎮定劑同胃氣藥我都有 少許幫助
益生菌之前有食 食唔食分別唔大 食左多啲屎屙囉
我覺得我係行為問題 總之有無氣都覺得有氣 想噯氣 控制唔到

中醫角度 好似係肝抑 肝風上逆 個肚就唔舒服 有氣

同我一樣太緊張，有冇戒食豆類？

我無戒口 情緒精神問題 想食就食

我都係過左九點十點先會比較多情況發生

我之前會食一兩包太平梳打餅，有時work，慢慢食慢慢咬，唔好急，睇下有冇用

戒下口都要，胃氣脹就戒下豆類同難消化既野，仲有蛋同奶類，真心試下

進一步就係戒汁同油膩既野，你試一星期睇下點

基本上我係食咩都會胃脹，差在有無特別嚴重
一開始係日日都食咩都想嘔+胃脹+胃抽筋+胃痛，醫咗幾年先演變到依家咁算好咗一半

牛奶未病之前已經戒緊，不過我食完雞蛋之後真係會易脹氣啲，但因為營養價值高又易整，所以唔想放棄雞蛋呢個食材
食完又可以順便試吓新藥work唔work

我個老西醫提醒左我三點，睇下你岩唔岩用

1.戒奶類蛋類
2.少出街食，因為油膩
3. 五穀養胃，多飯少餸，佢話就咁食白飯都冇問題既可以養到胃

我因為長期胃脹搞到個人好易飽所以偏向食多啲肉，如果唔係會嚴重營養不良
我依家食量只有以前嘅4分1

不過中西醫觀點真係好唔同，唔知跟邊個好
2就一定兩邊都同意
1，3會有爭議

又見番呢個帖，曾經我都日日追帖睇貼士，而家好番哂，因為
1.辭左工（呢樣唔好學），唔係因為有壓力，而係因為成日坐係度唔郁頂住個胃好辛苦
2.戒口
3.中醫，都要試好耐先試啱個成份，兼疴到屎，唔好有毒素積聚，急性既就睇左西醫止左先

我中醫就醫左兩個月之後話我胃好左好多但得番肝鬱，應該放鬆啲去玩下

西醫就話胃好易受環境因素影響，所以盡量唔好去新環境或者好影響情緒起落既環境，例如掃墓、旅行都唔好咁

我見個胃好咗少少就飛咗去加拿大搵工
不過個胃容易受環境影響又係真

我去之前仲轉機去日本玩咗一個星期，嗰一個星期日日都胃抽筋但都玩得開心，畢竟隔咗幾年無去日本
Land左加拿大兩個星期左右先開始好返


我另外一個trigger位就係同人出街食飯，嗰次我個胃抽筋嚴重到全餐飯淨係坐係度，一啖飯都食唔到，自始之後都唔敢再出街食

咁嚴重你應該去睇下專科

我係香港睇咗兩間大醫院好咗一半之後搵加拿大執手尾

前前後後都睇過3個中醫，3個西醫，2個營養師
始終都係西醫最有效
但我講嘅西醫唔係街邊walk in嘅家庭醫生，係每次覆診都要放底千幾二千蚊嘅腸胃肝臟專科