有冇巴絲長期受胃氣脹肚脹之苦？（8）

盡力試下

你最初好似話食血清素？

你睇左醫生確診係有病，自己又覺得控制唔到咪要食抗抑鬱/焦慮藥

未有睇醫生

依家試吓控制下情緒先，成日集中唔到同埋少少事就會好急好唔耐煩

又胃脹到飯都唔係好食到

有冇留意點解會脹？緊張壓力定係食過乜飲過乜？

壓力就一定有啲，諗緊會唔會係食飯坐姿唔好，同埋中午個餐同晚餐隔太耐所以成肚氣

主要要留意下食左乜飲左乜會觸發，例如豆類、薯仔、芋頭或者蛋、奶類食品，都有機會架

如果你驚兩餐隔太耐，不如試下係中間食一兩包梳打餅？

出街食得油就會消化唔到 嚴重仲會嘔
食粉麵就會瘋狂胃氣
甜野就會胃酸倒流
食香蕉又會胃痛+胃酸倒流
食蕃薯燕麥又會胃痛
到底可以食乜 好痛苦

試下呢隻早晚一粒食

有冇睇醫生

咩事食呢隻會好？

胃氣肚漲，iherb 買應該最平

睇咗照埋胃鏡 醫生話冇問題

試下食益生菌養下胃，同戒下口

我都有受呢個問題困擾好耐，做過一連串網絡research後，對於維他命B1嘅功效深信不疑，因為缺B1係會令大腦同腸胃之間嘅神經溝通變差，即係有食物落咗胃，個大腦都遲遲未識叫個胃分秘胃酸，於是消化差，吸收其他營養都差埋，而大腦唔識叫胃部入口嘅括約肌關上，就係胃酸倒流

而點解會缺B1，原來壓力同焦慮可以令腸胃吸收B1變差，一放食補充品去打破呢個惡性循環，生活亦要放鬆啲

有冇人知胃氣突然變多係咩原因？
平時都有胃氣 但近排越黎越多正常飲食 唔算高蛋白攝取

小弟同自己屋企人都有胃氣胃脹問題不過搵到位好犀利既中醫師，搵到原來係因為胃寒問題。胃寒原來會影響超多問題，喉嚨痛、眼紅、食慾不振。最後食左一星期藥就乜事都無。佢個套理論真係非常犀利，咁大個人都未聽過，戒生果涼茶，食多啲煎炸食物。雖然佢個套大家未必接受，但佢基本上解釋到都市人發病既原因。大家有興趣可以睇下佢啲文。

https://www.facebook.com/share/mfCWYfg1FUdHefTA/?mibextid=LQQJ4d

我覺得係個治療方向有問題，呢個醫師唔係淨係識中醫，佢係超熟生物學、西醫學、解剖學等等既野，佢好多野係用西醫學同生物學嘅嘢嚟解釋。我當年打完疫苗後皮膚出現問題。consult過有個幾出名既中醫學教授，佢話我係敏感，但又解釋唔到原因。每次搵佢都係食清熱為主既藥先，睇咗一年都無改善。係真係唯獨呢個醫師我食佢一星期嘅藥，然後過咗一個月敏感嗰個問題慢慢慢慢改善，去到而家直頭好返。佢嘅解釋就係當年疫苗嘅病毒入侵咗我嘅身體，而我嘅身體根本抵抗唔到呢種病毒，喺皮膚嗰度就出現咗紅腫同埋發炎。所以要了解個病情前，首先要知道點解人會發炎。睇完佢之後我慢慢明白根本就冇敏感呢回事。

食左隻益生菌大概20日，覺得幾有用


活得易健胃版，藍色果隻，初期每日一粒之後每日兩粒

戒口戒左幾個月 個胃都冇咩事諗住可以正常落去 點知突然中左新冠 個胃即刻收皮變到一食野就反胃作嘔 最壞既狀態 真係救命

益生菌係咪點都有啲幫助 諗住去日本旅行時順便買啲wakamoto 定大家有其他牌子推薦

我都好多胃氣最近好似越黎越嚴重，以前間唔中會覺得胃氣頂住，宜家已經去到每食完一餐都好多胃氣，頂住嗰肚好唔舒服，我驚再唔理會有咩大病 啲胃氣好似嗝極都有 除左胃氣無其他唔舒服，有無巴絲可以話我知我應該點做

有痛真係唔好Google
呢排左上腹有少少痛
一睇就話係胰臟癌
但平時唔煙唔酒
唔食甜野
搞到成個人成日諗
直接去睇醫生算鳩數