有冇巴絲長期受胃氣脹肚脹之苦？（8）

戒下凍野先

以後都少啲

我前年病發之後都戒左好多甜同凍，呢半年可能以為自己好番好多結果食得太雜依家病得仲重

所以趁你依家未鑄成大錯仲可以食少少藥就冇事，你就要引以為戒，唔係就隨時好似我咁病左兩個月都未好，應該都瘦左6kg了，呢排食番飯我估應該冇再瘦落去

醫生有冇話你咩事 連續兩個月都唔舒服好恐怖喎 我呢啲都係最長脹一星期到 但都成日亂諗嘢 如果兩個月都咁我諗我一早就直接去私家醫院驗屍咁驗

西醫已經寫左轉介信我去專科，但我未去

兩年前我睇中醫睇翻好，所以二月開始我都有睇中醫

都係話我消化系統弱，所以造成胃脹胃氣胃酸倒流呢啲情況，咁我覺得食左中藥有啲好轉既，聽日又去覆診了

依家其實胃酸既問題都幾困擾，所以每日都會食壓抑胃酸既西藥，然後隔兩個中就試下飲中藥咁

我依家都個半月了
下個月仲要去旅行

咁你更加要戒口啦，個半月唔多架

唯一好既係冇瘦過
同埋食量都算正常
巴打你會唔會平時壓力大?

冇的

其實睇專科除非你要照 唔係照計都係比番咁上下個啲藥你 消化系統弱係咪應該食supplement好過你出事先食藥 我就係衰過一次後 呢一年斷斷續續個消化系統都會間唔中冧檔
發覺食藥好似斷唔到尾

我試過戒幾個月 個排真係冇事 於是以為好番曬 好似之前咁隨便食番 冇幾耐就又出事

我諗我好翻之後都真係要食啲補藥先得，我上年年中係日本翻嚟之後個胃好翻好多，結果呢半年亂嚟就變到依家咁，一個急性腸胃炎引爆哂所有野

例如有啲野踩界既，你就試一次睇下個胃點，有唔舒服就盡量少食，冇乜唔舒服都唔好食咁密

例如我食焗飯會有啲唔舒服，咪一星期最多一次，唔好食咁多

認真要戒口 我知自己有d咩食咗一定會胃痛胃酸
我就真係一次都唔再食

其實真，幾好食都假，令自己之後要受苦受罪真係不了

我以前好鐘意飲汽水，出事之後可能幾個月先飲半杯，飲完擔驚受怕果下真係諗到都唔想飲

每次見到個樣野幾想食都好
就提自己回憶下胃痛到爬去搵藥嘅情境

補藥真係唔知食咩個下死 見人話食益生菌但市面上咁多款真係唔知邊款有保證 基本上戒口只係將個發作率減到最低 個胃弱有時真係食得好清但一餐半餐食多少少就又出事 一出事就好似你講咁啲野又重新爆過出黎

我冇乜胃痛，但我作嘔、胃脹、胃酸倒流呢啲已經夠哂恐怖，一諗起真係怕左，一定係個胃行先以後

真，上網有隻胃輕鬆好似真係好好，不過真係唔知

以前我腸都唔係幾好，一日屙三四次咁，去買左隻補藥食左一個月好好多，不過講真，到頭來最重要都係自己飲食習慣，少甜少凍之後腸胃自然好左好多

我會胃痛 胃脹 胃酸 肚痾 但無作嘔
每次食野都好大壓力
好怕食完唔舒服

益生菌唔可以亂食
我前排食咗一星期
結果肚痾足咁多日

我依家個胃好少會同我講肚餓，但就會feel到個胃既頂部開始有凍既液體，然後就會開始流入食道，即係胃酸過多+倒流，應該係個胃冇乜野消化

呢個時候就要食啲野等啲胃酸有野做下，如果唔係一路倒流就會愈黎愈想嘔

我依家食嘢都係，已經冇乜食慾，仲驚食完唔舒服/丁胃脹/胃氣，好癲

咁我又唔會咁 我一定係食完野先會倒流，喉嚨好鬼痛
你有無定時定候食野啊？就算無胃口，都最好規律d飲食

我都規律架，我食完野當然都有倒流啦之前，不過依排好似真係好啲

之前喉嚨成日有野卡下卡下咁，依家少左好多，之前幾乎全日大部分時間都有

依兩個月算係人生病得最辛苦，之前廿幾度仲要著勁多衫+開暖爐，虛到痴線

你睇中醫理論上其實係幫你補緊個胃 如果你都仲係咁證明食緊個啲藥冇咩效 要諗下睇第二個 之前有效可能仲未咁大鑊幫你係咁意補下就冇事
戒口個到真係唔知戒幾耐 呢一年我只係試到食雪糕同飲咖啡之後幾日係100%會出事 其他野就唔知 通常係個胃口一正常番 食番以前一樣份量既野 耐左個胃就頂唔順又出事 一出事就又重新黎過

我中藥好似有好啲既起碼有啲屁放下，有啲胃口

雪糕同咖啡你都係唔好食住喇，遲下試吓減一半份量睇下點

你個胃唔好，應該都係要唔好一下食太多，可能你每餐太多個胃都承受唔到

喉嚨有野卡住咁我一開始都有 開頭嚇撚死以為胃癌 啲病徵勁似 後尾冇事變到間唔中係咁先冇咁驚 打後發覺其實好可能係自己心理作用 成日覺得頂住頂住影響到喉嚨既肌肉 放鬆完全唔理一排就斷咗尾正常番