曾經我同女朋友好甜蜜，
但佢係幾日前同我分左手。（冇第三者）
我曾經同佢嘈過交，有2次真正有鬧過佢（冇打佢，冇粗口）。
每一次同佢嘈完之後，我都會答應佢唔再有下次。
我發誓我有盡力嘗試過，但就係控制唔到自己既脾氣。一次又一次咁係佢心入面留低傷痕。😔
直到上個月，我讀土木工程yr1。因為sem3果陣真係太忙，每日都留係學校到9點。😔星期六日就要溫書，冇咩時間見佢。
但即使係咁都好，有時我都會放學後去佢屋企樓下食飯，希望可以見到佢一面。
但係實在太多時間冇得見佢啦，就好似冷落左佢咁。有時我係圖書館做緊野既時候，佢打比我我都趕住收線。咁更加好似冷落左佢咁😭。所以好想快d考完，可以同佢拍拖，比返d開心既feel佢。
由上年12月開始，佢一直都好想同我去旅行，但因為我讀緊書冇時間加冇錢，所以一直同佢講話下次先算，因為我真係唔想佢失望。😩
直到有一日佢意識到我真係同唔到佢去旅行，佢就好失望。
宜家，諗返起佢。
其實佢真係個好好既女仔。
成日都會遷就我，體諒我。
之前，我一直都好想去擁有佢，成日都會忽略左佢既感受，令佢傷心。
但我偏偏就係失去左佢之後先識得珍惜。
所以我真係好想有機會再佢起返埋一齊，真真正正去為佢付出，付出我既所有去愛佢，比幸福佢。
有冇咩方法/說話可以重新打動佢，令佢再愛上我
我覺得你所謂既無錢無時間
只係你自己係到搵藉口比自己
以為佢一定會忍你
以為佢就算咩原因都好
都會繼續留係你身邊
但係機會唔係人人都會有
機會亦都唔會一次又一次又咁出現等你去捉緊
溫書
你自問真係要溫到咁投入?
用晒全部時間黎溫?
連人地打比你你都要趕住收線?
真係咁忙定係你嫌人地晒你時間做唔到自己野?
無錢去旅行?
上年12年開始講
依家8月都黎
真係少少錢都搵唔到?
唔可以同屋企借住先?
當你覺得人地同你一齊係理所當然既時候
你就唔會去珍惜
你就唔會去犧牲自己有既野去滿足人地
好啦
到依家冇左啦
就上黎求救
你有冇諗過自己衰D咩?
你有冇諗過點解人地要分手?
因為人地分唔分手都好似單身咁
你不如諗清楚自己重有冇能力
重想唔想同人一齊先去追番人啦
唔係因為冇左個女朋友先黎後悔嫁
有D野
冇左就係冇左
你自己諗清諗楚
再去同佢講清楚你想點啦
當時其實我真係有時間可以同佢同傾呢d短短一兩分鐘既電話，
我真係做得好錯，好後悔
但係我冇時間就真係真嫁😔😔😔😔
我由sem2開始都朝9晚6（由青衣去觀塘）
Sem2果陣每星期六日都有出去拍拖
去到sem3開始 仲要朝8晚9
Sem3頭都會星期日出去拍拖
但去到sem尾真係星期六日都要做project同溫書
有時連深夜都要開住Skype 做project
至於去旅行方面
其實我上年8月已經同佢去過旅行
當時我就咁問屋企人拎錢就同佢去左
之後我真係一直冇時間返工，搵唔到錢
但我真係唔想做不孝子，張大手掌問屋企人拎錢同佢去拍拖
我都曾經同佢講過我都好想同佢去，但我想用我自己搵既錢同你去
我最快下年就開始返工，下年就可以去
我宜家真係好清楚自己錯在好少為佢付出
我唔識珍惜佢既愛
但我真係好愛佢，我係考試之前已經諗到呢個暑期同佢去邊去邊玩
去表示比佢睇我唔再只係想擁有佢
我想比佢睇到我係真真正正去為佢付出既愛情
聽我講一句
有女仔對我有小小興趣我又唔想去
