我就同佢講疫情期間,冇得keep住打,搞到我個效果好差,就算佢extend返停業嘅時間俾我都係唔夠,然後同佢傾咗好耐,佢就話俾我打多3次睇情況。
佢啲機咁廢,可想而知3次一定係唔撚夠啦
跟住我啲毛仲有4成(已經打咗就嚟廿次)
佢個manager就同我講,市面上嘅機係冇可能打到100%冇毛,因為依家嘅技術就係做唔到
打到9成已經好理想,淨係打到3成都係好合理。
但係我緊係不滿啦大佬
俾咗差唔多成皮野,sell嘅時候就話一定搞得掂、脫得清。但係到真係唔得嘅時候就同我講係正常情況?我就問佢拎返當初嗰份條款,我就同佢講,我依家唔係為錢,我就係條氣唔順,俾佢咁撚法,所以我點都要搵到方法令到佢可以負責。
佢就話會再同公司申請俾我做多兩次,之後再覆我。
然後話可以俾我做多幾次,但係每次都要影相記錄。我聽到勁唔舒服,你話手同面呢啲本身就會見人嘅位就話啫,依家講緊係VIO呢啲咁私隱嘅地方。點知佢係咪影完之後要俾埋其他同事睇,甚至拎出嚟開會示眾架。就算淨係得女同事我都接受唔到囉
我連會俾邊個睇都唔知,真係超唔舒服,早知錄音,唔知佢咁樣有冇犯到啲咩條例。