約網友出嚟玩調教，點知發現佢係我中學舊同學
灣子
595 回覆
173 Like
91 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁
係咪棄咗故？
Ch 6
我同陳君儒由中三開始同班咗三年，但其實我哋唔係好熟。
中學嗰陣，我喺同班同學當中係嗰啲位於中游苦苦掙扎嘅魚毛仔，而佢就係典型成績好嘅模範生。
我哋兩個可以話係毫無關聯，但我就由啱啱同班開始就已經對佢印象好深刻。
因為佢個名。
喺我中學嗰陣，大家啲名都係千篇一律，同一班可以有幾個「子軒」、「家俊」同「嘉欣」。
唯獨係佢個名特別唔同。
所以我當初一睇分班名單就記住咗佢個名。
陳君儒份人亦冇辜負佢呢個名，身上的確有種溫柔儒雅嘅氣質。
亦可能因為咁，佢嘅人緣都唔錯，我以前放學都間唔中見到佢喺籃球場同其他男仔打波。而平時小息嗰陣，大家都好鍾意趁機行去佢個位度問佢功課。
重點係陳君儒來者不拒，無論係邊個嚟問嘢佢都會樂於解答。
我都試過趁亂混入去問過佢幾次數。
不過我數學好渣，我記得一開始佢同我講解完之後我都係一知半解咁，但我又唔好意思繼續問佢。
結果佢察覺到我困惑嘅表情，主動話：「我係咪講得太快？不如我慢啲再講一次？」
同樣嘅事情發生過幾次，後來我唔好意思咁樣成日麻煩陳君儒，就冇再搵佢問數喇。
講真，我嗰陣其實幾崇拜佢，覺得佢叻得嚟又唔自以為是，好容易相處。
「想食咩？」呢個時候，坐喺我對面嘅陳君儒突然開口，將我從中學嘅回憶中拉返出嚟。
我抬頭望向佢，感覺有啲陌生。
直到今日為止，佢對我嚟講一直都係中學嗰個又叻又溫柔嘅男仔，所以我完全冇辦法將佢同交友app入面嗰個人連繫埋一齊。
但偏偏佢哋就係同一個人，我好羞恥咁叫咗咁耐嘅「主人」就係陳君儒。
我不由自主咁回憶返佢講過嘅dirty talk，塊面變得有啲熱。
唉，我都唔知自己而家應該咩嘅心態面對佢好。
「我食呢個啦。」我心不在焉咁指咗指其中一個餐。
食飯嗰陣，陳君儒同我都係圍繞住啲日常嘢咁傾計，同埋交流下整甜品嘅嘢。
佢冇乜點提中學嘅嘢，更加冇提過調教，表現到今次只係一次單純嘅網友見面咁。
佢表現得咁自然，搞到我都唔好意思將「不如我哋都係算啦唔好再聯絡喇」呢句講出口......
佢同我傾計嗰陣都有提到自己間甜品舖，搞到我勁好奇勁想去試下。
於是食飽飯之後，我問陳君儒可唔可以去佢間舖頭食甜品。
「呢個時間應該冇位喎。」佢無奈咁笑咗笑。
係喎，今日係Boxing Day好多人出街，而家又啱啱過咗晚飯時間，應該有好多人會去食甜品。
就算陳君儒係老細，都冇辦法喺舖頭憑空變兩個位出嚟俾我哋......
諗到呢度，我失望咁嘆咗口氣。
呢個時候，陳君儒面露猶豫咁開口：「其實我屋企都有啲材料......一係你上嚟我整俾你食？」
我冇諗到佢會咁坦然叫我上佢屋企，忍唔住呆咗一呆。
佢似係估到我諗咩咁：「嗱我冇諗其他嘢㗎，真係單純叫你上嚟食甜品。」
其實如果佢真係我今日第一次見嘅網友，我一定會果斷拒絕。
但佢係陳君儒。呢樣嘢令我有啲動搖。
我都唔知自己邊度嚟嘅信心覺得佢唔會亂嚟，可能只係因為佢係我識嘅人，令我放低咗戒心；又或者係中學嗰陣對佢嘅觀察令我自動幫佢加咗層「正人君子」嘅filter。
總之，我最後只係猶豫咗幾秒就開口：「咁好啦。」
我同陳君儒由中三開始同班咗三年，但其實我哋唔係好熟。
中學嗰陣，我喺同班同學當中係嗰啲位於中游苦苦掙扎嘅魚毛仔，而佢就係典型成績好嘅模範生。
我哋兩個可以話係毫無關聯，但我就由啱啱同班開始就已經對佢印象好深刻。
因為佢個名。
喺我中學嗰陣，大家啲名都係千篇一律，同一班可以有幾個「子軒」、「家俊」同「嘉欣」。
唯獨係佢個名特別唔同。
所以我當初一睇分班名單就記住咗佢個名。
陳君儒份人亦冇辜負佢呢個名，身上的確有種溫柔儒雅嘅氣質。
亦可能因為咁，佢嘅人緣都唔錯，我以前放學都間唔中見到佢喺籃球場同其他男仔打波。而平時小息嗰陣，大家都好鍾意趁機行去佢個位度問佢功課。
重點係陳君儒來者不拒，無論係邊個嚟問嘢佢都會樂於解答。
我都試過趁亂混入去問過佢幾次數。
不過我數學好渣，我記得一開始佢同我講解完之後我都係一知半解咁，但我又唔好意思繼續問佢。
結果佢察覺到我困惑嘅表情，主動話：「我係咪講得太快？不如我慢啲再講一次？」
同樣嘅事情發生過幾次，後來我唔好意思咁樣成日麻煩陳君儒，就冇再搵佢問數喇。
講真，我嗰陣其實幾崇拜佢，覺得佢叻得嚟又唔自以為是，好容易相處。
「想食咩？」呢個時候，坐喺我對面嘅陳君儒突然開口，將我從中學嘅回憶中拉返出嚟。
我抬頭望向佢，感覺有啲陌生。
直到今日為止，佢對我嚟講一直都係中學嗰個又叻又溫柔嘅男仔，所以我完全冇辦法將佢同交友app入面嗰個人連繫埋一齊。
但偏偏佢哋就係同一個人，我好羞恥咁叫咗咁耐嘅「主人」就係陳君儒。
我不由自主咁回憶返佢講過嘅dirty talk，塊面變得有啲熱。
唉，我都唔知自己而家應該咩嘅心態面對佢好。
「我食呢個啦。」我心不在焉咁指咗指其中一個餐。
食飯嗰陣，陳君儒同我都係圍繞住啲日常嘢咁傾計，同埋交流下整甜品嘅嘢。
佢冇乜點提中學嘅嘢，更加冇提過調教，表現到今次只係一次單純嘅網友見面咁。
佢表現得咁自然，搞到我都唔好意思將「不如我哋都係算啦唔好再聯絡喇」呢句講出口......
佢同我傾計嗰陣都有提到自己間甜品舖，搞到我勁好奇勁想去試下。
於是食飽飯之後，我問陳君儒可唔可以去佢間舖頭食甜品。
「呢個時間應該冇位喎。」佢無奈咁笑咗笑。
係喎，今日係Boxing Day好多人出街，而家又啱啱過咗晚飯時間，應該有好多人會去食甜品。
就算陳君儒係老細，都冇辦法喺舖頭憑空變兩個位出嚟俾我哋......
諗到呢度，我失望咁嘆咗口氣。
呢個時候，陳君儒面露猶豫咁開口：「其實我屋企都有啲材料......一係你上嚟我整俾你食？」
我冇諗到佢會咁坦然叫我上佢屋企，忍唔住呆咗一呆。
佢似係估到我諗咩咁：「嗱我冇諗其他嘢㗎，真係單純叫你上嚟食甜品。」
其實如果佢真係我今日第一次見嘅網友，我一定會果斷拒絕。
但佢係陳君儒。呢樣嘢令我有啲動搖。
我都唔知自己邊度嚟嘅信心覺得佢唔會亂嚟，可能只係因為佢係我識嘅人，令我放低咗戒心；又或者係中學嗰陣對佢嘅觀察令我自動幫佢加咗層「正人君子」嘅filter。
總之，我最後只係猶豫咗幾秒就開口：「咁好啦。」
推
推
扑未？
推
LM
Lm
支持
推
有文了
Push
期待下次再出一篇 幾正
等更新
Lm
新讀者LMLM
下年新年唔知完唔完到
又死左？
一個月一推