約網友出嚟玩調教，點知發現佢係我中學舊同學

有少少SM情節，但唔會好重口味

Ch 1

「想唔想約出嚟？」望住呢個message，我個心不受控制咁狂跳。

我內心其實係想嘅，但我冇即刻應承。

因為我知道同佢約出嚟嘅話就唔係單純嘅網友見面咁簡單。

可能見我太耐冇覆，過咗冇耐對方又send咗個message嚟。

「第一次見面普通食餐飯先啦，睇下大家啱唔啱先再諗其他」

我不禁陷入咗沉思。

其實而家呢一切，都要由我半年前俾人飛開始講起。

「分手啦」平淡的三隻字喺我耳邊卻有如驚雷炸開，我覺得自己有少少耳鳴。

但其實我一早就估到會係咁嘅結果。

隔越嘅越耐先覆嘅message、心不在焉嘅表情、食飯嗰陣總係將電話mon擺向下嘅小動作......

呢一切無一不透露住一個訊息：對面呢個同我一齊咗五年嘅人，早就由唔知幾時開始偷偷拋棄咗我。

啱啱分手嗰兩個月，我嘅狀態話係行屍走肉都不為過。

每當安靜落嚟，我個腦入面總會不斷重播同前男友熱戀期嗰陣嘅甜蜜畫面。

嗰陣有幾甜蜜，而家就有幾痛苦。

於是，我比以往更賣力咁工作，想趕走一直喺腦海裏揮之不去嘅某個身影。

渾渾噩噩嘅日子維持咗一段時間，直到有一日，我收到個friend send嚟嘅message，連同一個ig post。

「分手冇耐就咁快有新女 真係賤種嚟」

個ig post係我個ex同佢條新女嘅合照。

相入嗰兩個人嘅笑容燦爛得刺眼。

我個ex喺張相度tag咗個女仔嘅ig。

我猶豫再三，最後都係忍唔住手賤咁search咗嗰個ig。

個女仔嘅ig係public嘅，最新嘅post就係嗰張合照。

「100日快樂💋💋」

一百日......

一百日之前，我同佢明明仲一齊緊。

雖然我一早已經有預感，但當現實被血淋淋咁揭開，我仍然深受打擊。

個女仔呢個post仲有一張相，係某個交友app嘅對話cap圖，內容係佢哋兩個啱啱match到嗰陣嘅對話。

如果個男主角唔係當時仲同緊我一齊嘅前男友，我諗我都會覺得幾sweet。

我彷彿自虐咁反覆細閱佢哋嘅對話，直到淚眼模糊。

呢日之後我又頹廢咗一段日子。

我啲朋友好擔心我，唔止一次咁約我出去，話要陪我。

不過全部都俾我拒絕咗。

我已經習慣咗自己一個處理負面情緒。

更何況，大家平時已經夠晒忙，冇必要因為失戀咁小事而勞師動眾啦。

我就好似一隻蝸牛咁匿埋喺自己嘅殼入面。

直到某一日。

嗰日理應係一個平常嘅假日。朝早醒咗之後，我無所事事地咁用電話上網。

Youtube唔知做乜係咁推薦一啲情感建議影片俾我。

我睇睇下，不由自主咁又諗起我個ex。

而家佢肯定同女朋友過得好開心啦。

我內心再次感到一陣鈍痛。

雖然係佢背叛我在先，但畢竟一齊咗咁長時間，開心嘅回憶都唔少。

因此，雖然我一開始好憤怒，亦都憎過佢，但而家冷靜落嚟之後，侵襲我心頭嘅反而係無力同孤寂。

停，唔可以再諗落去。

我驀然回過神來。

呢個時候，我部電話螢幕中央彈出咗一個交友app廣告。

啱啱好就係我個ex用過嗰個交友app。

正常我只會直接閂咗個廣告。

但今次唔同。

可能係一時衝動，亦都可能係幼稚嘅報復心態。

總之，我感覺自己隻手指喺螢幕上方停頓咗兩秒。

然後我鬼使神差咁㩒咗落去。

我就係喺咁嘅情況之下遇到佢。

Ch 2

最初，我哋嘅對話其實好單純，就同一般嘅網友一樣。

應該話，我哋嘅對話比一般嘅網友更單純。

正常嚟講，玩得交友app，大家都知咩事。

雖然我以前冇玩過交友app，但都對交友app嘅生態略知一二。

喺交友app入面，即使一嚟就互flirt，或者直接約去開房，都唔會有人覺得奇怪，因為交友app就係咁運作。

正因為咁，我同佢喺交友app上嘅對話就顯得異常純潔。

一開始，我哋傾嘅話題係嘢食。

開account嗰陣，我喺自己個profile度upload咗一張甜品相。佢之前都有去過同一間餐廳，於是呢張甜品相就成為咗我哋打開話題嘅契機。

佢話佢平時有整開甜品。我都鍾意整甜品，只不過出到嚟嘅成品水準好唔穩定，所以喺好長嘅一段時間入面，我哋兩個嘅對話都係交流緊整甜品嘅心得。

再之後，我哋開始會傾其他嘢，但進展都係好慢，間中先會傾幾句，因為佢唔係成日online。

於是，由match到佢之後過咗差唔多成半個月，我先知道佢嘅職業。

當知道佢係自己創業嗰陣，我一啲都唔驚訝。雖然同佢傾得唔係好密，但平時同佢傾計嗰陣，我已經feel到佢唔係一個普通人。

最起碼唔會係嗰啲朝九晚五、安安分分嘅上班族。

因為我自己就係一個平庸嘅打工仔，但我feel到佢同我硬係有啲唔同。

當然我而家咁講好似馬後炮咁，但平時傾計嗰陣，佢嘅字裏行間總會不知不覺咁滲透出自信同堅定。

同我完全唔係同一個世界嘅人。

我好清晰咁意識到我哋之間嘅差距，所以我對佢根本冇任何諗法。

我哋好有默契咁冇交換過其他contact。

平時佢唔online嘅時候，我就會match下其他人。

其他人同我傾嘅內容就終於似返啲正常交友app會出現嘅對話，係比較flirty嘅。

不過，比起漫無目的咁flirt其他陌生人，我都係寧願同佢傾下甜品。

同呢個網友傾計係一件好舒服嘅事，我可以毫無保留咁話俾佢聽我前男友嘅事。

「唔怪得你會走嚟玩交友app啦。」佢聽完我講之後恍然大悟。

佢之後其實冇特別講啲咩去安慰我，但就為我提供咗一個將內心壓抑嘅情緒傾瀉出去嘅出口。同佢傾訴完，我內心的確舒服咗唔少。

熟咗之後，佢都會同我講自己煩惱緊嘅嘢。

佢話自己而家仲係處於創業初期，有好多嘢要處理，壓力好大。

我諗呢個都係佢唔會成日online嘅原因。

「你開甜品舖？」我本身只係講笑咁問。

點知佢答我：「係呀」

唔怪之得佢對甜品咁熟悉......

我唔止一次咁諗過，如果可以同佢一直維持住而家咁嘅距離，得閒同對方傾下甜品、吐下苦水，可能都係一件唔錯嘅事。

呢段日子有佢嘅陪伴，失戀嘅痛苦彷彿都變得冇咁難捱。

不過我心知肚明隔住網絡建立嘅感情係好脆弱，可能到某一日佢就會突然間消失。

直到某一晚。

嗰晩我放工返屋企之後，一沖完涼就即刻返咗上床碌電話。

亦係喺呢個時候，我收到來自佢嘅message。

原本仲諗住碌一陣電話就瞓嘅我頓時變得精神。

距離上次傾計已經係兩日前。

我即刻㩒入個message，帶住些許隱秘嘅期待。

點知入到去，我只見到佢send咗份document俾我。

「Sorry send錯，唔使理」佢好快加咗句。

但當佢send呢句嘢俾我嘅時候，我已經手快快㩒咗入去。

係一份問卷嚟，當中大部分問題下面都有0-5分嘅評分選項，而另一啲就係開放式問題。

一開始，我以為份問卷係同佢間舖頭有關，可能係關於顧客滿意度之類。

但當我認真再睇入面嘅問題，卻發現啲問題同我想像嘅有啲唔同。

「你對於口頭羞辱的承受程度？」

「你對於痛楚的承受程度？」

「你不可接受的體罰內容？」

「你最頻繁的性幻想？」

越嚟越赤裸嘅一條條問題展現喺我面前，我塊面變得越嚟越滾燙。

份問卷連對於safe word嘅偏好都有埋。

好奇怪，明明send錯嘢嘅人係佢，而家覺得羞恥嘅人卻係我。

即使我嘅性知識有限，我都可以分辨出份問卷嘅問題全部都同SM有關。

喺今日之前，我從來都未試過對呢個網友有過性方面嘅幻想。

喺我心目中，佢只係一個認真上進又獨當一面嘅人，某程度嚟講算係我嘅榜樣，係我渴望成為嘅人。

呢刻強烈嘅思想衝擊令我久久不能言語。

我無意中又睄咗眼啲問題，兩頰嘅溫度又再開始上升。

我頭先根本唔應該咁手賤打開份文件......

其實都好小事啫，大把人有更加奇怪嘅性癖好添啦。

我嘗試平復自己嘅心情，希望自己唔好咁大驚小怪。

呢個時候，我部電話又響咗一聲，又係來自佢嘅message。

「你係咪已經睇緊？」

lm

LM

Pishhhhhhhh

唔好quote文感激

Sorry P牌quote完先知on9左，LMLM!

推

lm

留名 會甜？

Lm

推

Ch 3

「啱啱睇完......」我打完呢幾隻字之後先發現自己已經出晒手汗。

佢好快就覆我：「你會唔會覺得好變態？Sorry我唔係有心send俾你」

平心而論，比起覺得變態，我其實係驚訝比較多。

「又唔會嘅...純粹嚇咗一跳」

我問佢：「你本身係想share份問卷俾其他女仔？你會約佢哋玩呢樣嘢？」

我仲係有啲唔好意思直接講「SM」呢個字眼。

「係」佢答，「不過都要睇下佢哋答嘅嘢同我expect嘅夾唔夾，先會再約」

之後我開始有啲好奇，不斷問咗佢好多問題。

「你係幾時開始發現自己有呢方面嘅癖好㗎？」

「SM係咪一定會用鞭打㗎？」

……

問到我自己都覺得煩，但佢都係好有耐性咁答晒我。

但最後，佢講咗句：「其實你問我咁多嘢，」

「係咪想試下啫？」

我下意識屏住呼吸，幾秒之後先回過神來打字：「我冇呀......」

今次佢隔咗一陣都冇覆。

等待回覆期間，我忍唔住心亂如麻。

佢係咪見我問咁多但又話冇興趣所以唔想再嘥時間同我傾？

定係佢諗緊點樣說服我同佢試？

喺我胡思亂想咗一陣之後，佢終於都覆我。

我忍唔住鬆咗一口氣。

不過其實佢淨係覆咗我三隻字。

「講大話」

之後喺佢嘅引導下，我哋嘅對話變得越嚟越唔純潔。

佢由我嘅性經驗開始問起，後尾問得越嚟越深入。

佢問我最鍾意邊個姿勢嗰陣，我諗咗一陣，最後答佢男上女下。

其實以舒服程度嚟講，我係鍾意後入多啲嘅，但我有時又覺得男上女下嗰陣，對方居高臨下咁望住我屌我嗰種感覺令人有啲欲罷不能。

可能我係迷戀嗰種……被征服感？

我好誠實咁同對方講咗我嘅諗法，然後問返佢鍾意邊種姿勢。

「我鍾意將你對腳放喺我膊頭度，然後我壓住你箍實你條頸嚟屌」佢答。

佢描述得過分詳細，我忍唔住根據佢嘅形容喺腦入面幻想個畫面出嚟。

幻想完，我發現自己好似濕咗。

我為呢一個發現覺得羞恥。

好似知道我呢刻嘅諗法咁，佢嘅問題緊接著就出現喺chat room入面：「你平時易唔易濕」

「應該算易…我係連就咁kiss都會濕」我回想返以前同男朋友嘅經歷，好誠實咁答佢。

「咁易濕？咁wet kiss住屌你一定會好多水」

我俾佢調戲到滿臉通紅，但手上打字嘅動作卻停唔到落嚟。

「其實我以前有幻想過俾人摑同摙頸」但一直冇辦法實行，因為我唔好意思對男朋友提出咁嘅要求。

而家隔住個mon令我有勇氣將自己嘅性幻想講出嚟。

不過唔知佢會唔會覺得奇怪？

但佢應該係S吖，咁應該ok掛？

我個心再次變得七上八下。

好彩，佢好快就覆我：「我都好鍾意咁樣做」

然後佢又講笑咁講：「你咁易濕，會唔會咁樣傾傾下就濕咗」

我咬唇打字：「其實由頭先開始已經濕緊…」

「你好淫」

雖然只係得文字，但我完全可以想像到佢講呢句說話嘅時候嗰股嘲笑嘅語氣。

我唔使照鏡都知自己而家塊面一定好紅，應該話由頭先開始就一直冇降溫過。

「咁嘅淫娃，就應該要戴住頸圈，俾人一邊扯住頸圈上面條繩一邊後入」佢不依不饒。

「唔好再講…」我話。

「唔鍾意呢種？」

「又唔係…純粹有啲羞恥」可能對於玩開嘅人嚟講，呢啲都係好小兒科，但對於第一次接觸呢方面資訊嘅我嚟講都係太過刺激。

佢覆咗我一個奸笑嘅表情。

之後我哋又傾咗一陣。

我下身已經濕到一塌糊塗。

「其實你都幾適合俾主調教」佢最後講。

「真係咩？我都唔知」我對呢方面冇乜概念，所以唔知。

「想唔想試下？」佢問。

呢次已經係佢第二次問我。

「但我真係冇諗住約炮…」我話。

我亦唔覺得自己真係可以跨出呢一步。

「慢慢嚟啦，可以傾下先，我唔急住約」佢講。

我深吸一口氣。

「如果唔約嘅話，我可以試下」

呢個係我嘅底線。

雖然我都隱約有預感，呢條底線將會被打破。

會呀

樓主呢

人呢

喺度不過前排唔得閒寫

快d 想睇

Ch 4

就係咁，我不知不覺同佢開始咗網絡調教。

唔知係佢太識玩定係我太敏感，我次次同佢傾幾句就會濕，搞到成日要換底褲。

之後我終於學精咗，每次同佢網調都會除定褲先，完事清理後先着返。

有一晚，我無意中講咗呢件事俾佢聽。

「想睇下你有幾濕」佢講。

我即刻就sense到佢可能係想我影相俾佢睇。

下一秒，彷彿係為咗證實我嘅猜測，佢又再講：「不如加tg？」

其實呢個時候嘅我哋已經喺交友app傾咗一個月，我亦預咗佢會問我攞tg。

不得不講佢都幾有耐性，我本身expect佢會再早啲問我攞。

加咗tg之後，我即刻㩒入去睇佢個profile。

佢tg show出嚟嘅名只係一個英文字母C，應該係亂打嘅。

但佢個profile除咗呢個名同username之外就冇其他資料，連bio都冇打。

喺我睇緊佢profile嘅時候，佢send咗個message嚟。

「你唔記得hide電話number呀」

仆街！

我手忙腳亂咁喺setting度hide返自己嘅電話號碼。

之後我哋繼續頭先嘅話題。

「你想我影相？」我問。

「你o唔ok？」佢覆。

「可以試下嘅......」

我有啲唔好意思咁叫佢等我一陣，然後就退出tg，打開電話個cam。

我完全唔熟手，用咗起碼五分鐘時間去調整角度同構圖，但影完出嚟都係唔滿意。

好多毛呀！搞到睇落完全唔靚，只係黑色一團嘢咁。

呢一刻我先後悔自己以前唔脫閪毛。

於是我又開咗ig，諗住用ig嘅filter嚟影，睇下會唔會好啲。過程中仲要小心翼翼，勁驚自己會㩒錯制po咗出去。

可惜無論咩filter都拯救唔到我嘅黑森林......

咁樣搞咗十五分鐘之後，我終於都放棄。

「主人......」開始咗網調之後我一直都係咁樣叫佢，「呢排未做脫毛呀...可唔可以下次先影」

我仲send咗個好可憐嘅emoji。

佢好快就覆我。

「可以呀」

我正鬆一口氣，佢又再send多個message嚟。

「咁下次我買個震蛋俾你，你塞入去再影俾我睇」

「？？」

「知唔知？」

「知喇......」

我都知佢唔會咁順攤㗎喇......

可能係因為多咗一層調教嘅關係？我明顯feel到我哋慢慢變得越嚟越親近，傾計嘅頻率密咗好多。

我哋傾嘅內容亦唔只係sex，都會講下日常嘅無聊嘢，就連食緊乜都會影俾對方睇。

我覺得再係咁發展落去，我「唔約炮」嘅底線分分鐘真係守唔住……

聖誕節當日，我瞓到下晝先起身。

我一起身就即刻登入個交友app，諗住同佢講聖誕快樂。

點知原來佢今朝一早已經send咗message嚟同我講早晨同埋聖誕快樂。

「主人聖誕快樂」我覆返佢，「啱啱先醒……」

佢隔咗三個鐘先覆我。

「今日舖頭好多人，忙死，晏啲再傾」

佢send咗張相俾我，係廚房嘅環境嚟。

結果佢講嘅「晏啲」已經係差唔多夜晚十二點。

「啱啱先返到屋企沖完涼」佢講，「你呢？今日聖誕節有冇出街」

「冇呀 呢幾日都冇出過街」

其實前排我啲friend有約過我，但嗰陣我仲沉浸緊喺失戀嘅痛苦中，自然冇心情應約。

呢排心情總算好返少少，但都冇乜心機出街。

「即係你聽日都冇約人？」

「係呀」我答，隱約有種預感。

「我聽日都唔返舖頭，想唔想約出嚟？」