灣子
2023-01-28 20:41:27
Ch 7
我跟咗陳君儒返屋企。
入到屋之後,佢叫我去梳化嗰邊坐陣先。
而家同陳君儒喺屋入面獨處,我終於開始覺得有少少緊張,唔知講咩好咁。
呢度周圍都充滿住佢嘅氣息。
我坐喺梳化上不安咁東張西望,內心唔知點解硬係冇辦法平靜落嚟。
冷靜少少先!咪話咗今日唔會做其他嘢囉!
「有Netflix,你睇唔睇?」陳君儒開口,打斷咗我嘅思緒。
「好。」其實我唔係特別想睇,只係想間屋有啲聲唔好咁靜。
之後陳君儒入咗廚房。
而我就一直坐喺梳化度睇Netflix。
我求其㩒咗套愛情片嚟睇。
套戲啲劇情都幾悶,我心不在焉咁睇咗少少,然後對眼已經不斷望向廚房嗰邊。
廚房傳嚟陳君儒打開雪櫃同埋廚具之間互相碰撞嘅聲響。
佢又真係走去整甜品㗎喎......
我內心嘅感覺好奇異,一方面對陳君儒嘅為人感到安心,另一方面又唔知點解隱約有股躁動不安喺度發酵。
直到無意中㩒着咗自己部電話個mon,見到今日嘅日期,我先至恍然大悟。
呀,原來係因為我就嚟m到。
電視一直播緊嗰套愛情片,我漫不經心咁間中睄咗幾眼。
片入面嘅男女主角已經瞓咗喺同一張床度準備埋牙。
我又睇咗一陣,然後起身走入廚房。
呢刻陳君儒背對住廚房門口,喺度整緊伯爵茶味嘅梳乎厘pancake。
係我頭先話想食嘅。
聽到我嘅腳步聲,佢擰過嚟望咗我一眼。
「有冇嘢飲呀?」我問佢。
「我都唔肯定,你開個雪櫃睇下吖。」佢手上嘅動作未停。
我打開雪櫃,見到入面塞滿晒嘢食,但嘢飲就得幾罐啤酒。
正合我意。
「點呀有咩飲。」陳君儒一邊準備材料一邊問我。
「得幾罐啤酒咋。」我話。
「我呢排太忙唔記得補返啲汽水,你飲水啦一係,我斟俾你。」佢放低手上嘅嘢準備去攞杯。
「唔使啦。」我阻止咗佢,喺雪櫃攞咗罐啤酒行出去。
我坐喺梳化上一嘢灌晒罐啤酒,表情就好似打仗嘅士兵咁壯烈。
冇辦法,我而家真係好需要酒精壯膽。
我本身酒量就差,再加上飲得太急,一放低啤酒罐嗰下就即刻覺得有啲頭暈。
我本身想直接過去廚房,但又突然有啲急尿,所以腳步虛浮咁行咗去廁所。
洗手照鏡嗰陣我先發現自己塊面已經紅晒。
呢個時候嘅我已經半醉,唔講以為我飲咗好多。
原來酒量差都有佢嘅好處。
喺廁所出嚟之後,我直接衝咗入廚房。
陳君儒打緊蛋白。
我行埋去㩒住佢隻手。
佢停低咗手上嘅動作。
「你塊面咁紅嘅,飲咗好多咩?」佢對我嘅行為不以為意,仲有心情喺度笑我塊面。
我冇回應佢,沉默咁望咗佢幾秒。
衝呀!
我喺內心鼓勵自己。
然後趷高腳一嘢錫咗上佢個嘴度。
其實我都幾佩服自己飲酒之後嘅行動力。
如果係喺完全清醒嘅狀態下,我肯定唔會好似而家咁果斷。
我突然有種為自己鼓掌嘅衝動。
錫咗上去之後,我feel到陳君儒窒咗窒。
我有啲分心咁喺度諗,如果佢夠膽喺呢個時候推開我,我一定會柒到直接走人然後block咗佢......
但好彩,佢好快就反客為主咁攬實我回應我。
我哋由一開始蜻蜓點水嘅觸碰慢慢變成帶有色情意味嘅口舌交纏。
過咗唔知幾耐,我哋嘅嘴唇終於分開。
「唔想食甜品喇?」陳君儒語氣帶笑,明知故問。
我索性唔答,直接重新錫咗上去。
邊個要食甜品啫。我心諗。
我而家淨係想食你碌鳩咋。