灣子
2023-02-14 22:30:06
Ch 9
完事之後,陳君儒坐咗喺床邊,而我就挨住床頭坐。
「痛唔痛呀。」陳君儒哄埋嚟仔細打量我塊面。「好似有啲紅。」佢用手掂咗掂我左邊面。
「而家唔痛喇......」
雖然頭先佢摑咗我塊面都幾多下,但佢明顯係有控制力度,所以呢刻我面上其實只係感覺到微熱,並唔係好痛。
陳君儒隻手仲掂住我塊面,理智回籠嘅我有少少唔好意思咁向後縮。
佢收返手,然後問我:「飲唔飲水?」
我點頭。
於是佢從床邊起身行咗去廚房。
陳君儒短暫離開後,我先至後知後覺咁諗返起自己頭先主動撩佢扑嘢嘅情況。
頭先太緊火唔覺,但而家一諗返起所有細節我就覺得好難為情。
呢個時候,房外腳步聲漸近,陳君儒攞住杯水行咗入嚟。
佢飲咗杯水一啖,然後好自然咁遞俾我。
我略帶拘謹咁雙手接過。
「唔該......」
講完之後我又覺得好似怪怪地咁。
我好似仲未適應到呢種前一秒仲喺床上叫晒主人咁,但下一秒就變普通朋友(其實連朋友都唔算)嘅炮友關係。
陳君儒企喺床邊望住我。
我低頭沉默咁飲水。
頭先一直「運動」冇停過,我好快就飲晒水杯入面嘅水。
「仲要唔要?」陳君儒接過空嘅水杯。
我搖頭。
喺陳君儒攞返個杯去廚房嗰陣,我覺得有啲急尿,所以喺床邊攞返自己件衫笠上身就起身去廁所。
「嘶......」起身行出去嗰陣我先發現自己隻腳攰到勁酸軟。
於是啱啱喺廚房行返出嚟嘅陳君儒就目擊到我呢副齜牙咧嘴嘅模樣。
佢笑住咁問:「做咩呀?」
「對腳好攰......」我有啲尷尬。
屙完尿之後,我又順便沖咗個身先出返嚟。
我入返房嘅時候,陳君儒正坐喺床上㩒緊電話。
「沖完涼喇?」佢聽到我嘅腳步聲後抬頭。
「嗯。」我有啲侷促不安。
我而家要做啲咩?
係咪應該要執返地下啲衫然後着衫走人?
「過嚟吖。」未等我諗好,陳君儒就示意我上床。
佢唔係想嚟多次下話?
我戰戰兢兢咁爬咗上床。
「瞓低。」然後佢又講。
真係要嚟?再嚟嘅話我冇尾班車返去喇!
我崩潰咁瞓低。
陳君儒一隻手仲㩒緊電話,但另一隻手就伸咗過嚟,以一個啱啱好嘅力度按我大髀,而對眼仲係好專心咁望緊電話螢幕。
「呢個位攰?」佢問。
Oh.
原來佢只係好心想幫我摙下。
「上少少。」我唯有講。
估到唔到佢咁好服務喎......
我瞓喺度享受陳君儒嘅按摩,同時個腦不停運轉緊。
其實我內心有啲好奇。
點解佢可以表現得咁自然,完全唔尷尬咁嘅?
就好似我哋頭先只係一齊食咗餐飯咁。
係咪約得多就會咁自然?
我百思不得其解。
不過話時話,佢又幾好手勢喎......
舒服到我開始昏昏欲睡。
「力度啱?」之後我隱約聽到陳君儒問我。
「嗯......」但我已經有少少精神恍惚。
最後,我真係唔小心瞓着咗。