約網友出嚟玩調教，點知發現佢係我中學舊同學

Ch 25

因為我病咗胃口唔係幾好，所以食米線食得比較慢。呢刻陳君儒已經食完執埋嘢，但我先至食到一半。

「我去沖涼先。」陳君儒離開咗飯檯。

我心不在焉咁求其點咗兩下頭，因為我正專注咁睇緊電視播緊嘅旅遊節目。

之後陳君儒好快就沖完涼出返嚟，咁啱我都食完米線執緊檯。

呢個時候電視播放緊瑞士嘅一個瀑布。節目嘅旁白話拍攝嘅時候正值春夏季嘅融雪時期，所以呢個時候嘅瀑布嘅水流量係最大嘅，望落亦係最壯觀。唔止咁，瀑布嘅中間仲會偶爾出現彩虹，成個景色望落就好似一幅畫咁。

「你睇下，好靚呀！」陳君儒從浴室行出嚟嘅時候，我指住電視中瀑布嘅畫面同佢講。

「咦呢度我去過喎，」佢一邊望住部電視一邊行去梳化坐低：「不過我去嗰陣係枯水期嚟，睇落好普通，冇咁靚。」

「有冇相？」個節目影到個瀑布咁靚，我有啲好奇枯水期嘅瀑布望落會爭幾遠。

「我搵下先，都好耐之前去喇。」陳君儒打開電話準備搵相俾我睇。我坐咗喺佢隔離，期待咁望住佢。

禮貌起見，我冇望佢電話個mon，不過從佢手指嘅動作可見佢應該已經㩒咗入相簿。

我以為陳君儒接住落嚟會摷佢喺瑞士影嗰張相出嚟俾我睇，但結果係佢無啦啦望住部電話喺度狂笑。

我覺得好莫名其妙，疑惑咁望向佢。

「你咩事......」

點知我問完之後佢笑得仲大聲。

「咩料呀？」我好似望痴線佬咁望住佢：「你電話入面有咩咁好笑？」我伸咗個頭埋去想裝佢部電話，但就被佢巧妙咁避開咗。

「唔得，你睇到一定會發嬲。」佢一邊笑一邊遮住電話個mon。

佢咁樣講更加勾起咗我嘅好奇心：「咩嚟㗎俾我睇下啦！」我係咁哄埋去。

「嗱俾你睇都得，但你唔可以嬲㗎喎。」陳君儒扮晒正經咁講。

「得啦！」

「咁好啦。」陳君儒終於將佢部電話show俾我睇。

電話入面嘅畫面係一張相嚟。

準確啲嚟講係我瞓覺瞓到表情猙獰流晒口水嘅相。

咩料，好醜樣呀！

我完全唔知陳君儒係幾時偷影嘅。

「喂呀del咗佢呀！」睇到張相嗰刻，我即刻伸手想搶佢部電話。

佢早有準備，一邊不懷好意咁笑一邊避開我隻手：「點解啫我覺得我影得幾好喎。」

「你收皮！」搶唔到佢部電話，我唯有扯佢手臂，不過都係徒勞無功。

最後我只好憤憤不平咁退開，挨住梳化嘅另一邊坐。

呢個時候，陳君儒又挨咗過嚟痴住我坐：「做咩呀，真係嬲呀？」佢將頭靠近我，好似想觀察我嘅表情。

「冇囉。」我笑咗出嚟，冇好氣咁推咗推佢個頭。

「咁我keep住張相喇喎。」佢笑住望住我。

「你咪keep囉......」我移開目光。因為仲係覺得有啲羞恥，所以又忍唔住抱怨：「都唔知咁醜影嚟做乜......」

「鍾意咪影囉。」陳君儒突如其來咁答咗句，目光仍然放喺我身上。

意料之外嘅回答令我個心激烈咁跳咗一下，唔敢肯定佢咁講係咩意思。

不過佢語氣咁若無其事，又好似只係隨口噏下咁。我自己一個喺度諗咁多好似太on9。

而家個氣氛變得有啲奇怪，我思緒紛亂，完全唔敢望向佢。

咁啱呢個時候電視已經播緊飲食節目，節目主持人介紹緊一間幾出名嘅甜品舖。

「係喎，」我扯開話題：「所以你幾時帶我去你舖頭試新出嗰款甜品？」其實拖咗咁耐，應該已經唔可以稱得上係「新」。

「下個禮拜？」雖然我轉話題轉得好生硬，但陳君儒都配合我轉移咗話題。

「好呀。」我答，努力掩飾自己嘅異常。

好sweet

兩篇中間好似斷開左咁

Ch 26（完）

直到沖涼嗰陣回想返同陳君儒嘅對話，我先意識到自己頭先夾硬轉移話題嘅行為係幾咁廢。

頭先明明應該把握機會flirt返陳君儒轉頭，但我就表現到成個毒撚咁......

我想像到如果繼續咁樣落去，就算之後再有曖昧嘅機會都會俾我搞到deadair。於是我暗自下定決心要好好把握機會，唔可以再犯同樣嘅錯誤。

為咗搵機會flirt返陳君儒，喺浴室出返嚟之後，我開始把握所有機會痴實佢。當佢坐喺梳化度睇電視，我就撓住佢手臂痴住佢坐；當佢起身去攞嘢飲，我就跟喺佢後面。

結果，喺發現我連佢攞部電話入房叉電都要痴住晒之後，陳君儒終於忍唔住開口：「做咩啫你？」

「冇呀。」我扮傻。

「冇？」陳君儒伸出雙手摙我塊面。我塊面俾佢搓圓又㩒扁。

我睜大雙眼望住佢。

「做乜係咁跟住我呀你。」佢一邊整我塊面一邊問。

我本身想死口唔認自己跟住佢，但諗咗一諗發現：唔係喎，呢個係flirt返佢嘅好機會！

於是我靈機一觸，學返佢之前講過嘅嘢，甚至表達得更加直白：「因為鍾意囉。」我嘅語氣有啲挑釁，但其實我講出口嗰刻內心係極度緊張，甚至開始後悔自己講得太過明顯。

俾陳君儒摙住塊面，我嘅發音有啲模糊不清，不過我知道佢聽得明。

因為下一秒佢就放開我塊面，然後笑住拍咗我個頭一下。

「抄我？」佢講，好自然咁將我拉入懷中，然後低頭望住我輕聲開口：「咁有冇我咁鍾意先。」

我嘅心跳頓時變得凌亂起嚟，不由自主咁抬頭，對上陳君儒嘅視線。

就係呢一眼，之前令我糾結咗好耐嘅問題終於喺一瞬間內有咗清晰嘅答案。

陳君儒對我都抱有同樣嘅情愫。我前所未有咁肯定。

對視良久後，我哋兩個之間嘅氣氛逐漸變得微妙。

雖然陳君儒晚飯嗰陣話過我今日病咗唔可以做，但氣氛使然，唔知係邊個開始錫落去先，總之回過神來嘅時候，我哋已經喺床上糾纏緊。

「入嚟⋯⋯」因為陳君儒一直淨係喺出面磨我但又唔插入嚟，我忍唔住開口催促。

「咁你答咗我先，」佢壓住我，目光灼熱：「鍾唔鍾意我？」

有乜理由喺臨門一腳先停低問呢啲嘢！

強烈嘅慾望令我嘅身軀不由自主咁扭動：「鍾意呀好鍾意⋯⋯」快啲入嚟啦。

我聽到佢笑咗一聲，然後貼近我耳邊：「係鍾意我條撚，定鍾意我個人先。」佢口中呼出嘅熱氣噴灑喺我頸側，我忍唔住戰慄。

「鍾意你個人⋯⋯」我下意識咁答，但好快又發現唔對路。

「吓，」果然，佢聽到我咁答之後雖然笑得好滿意，但口頭上仍然對我窮追猛打：「即係你唔鍾意我條撚嗱？」

「陳君儒！」見佢係咁吊我癮，我忍唔住惱羞成怒用力拍咗佢手臂一下。

正常嚟講，平時無論佢點玩我，我都唔會唔樣做，因為佢嘅身份係我主人。

但而家，可能因為feel到佢都鍾意我，所以我開始變得有恃無恐。

「咁惡嘅你而家。」

「快啲⋯⋯」我攬住佢，開始喺度嗲。

「係喇鹹濕妹。」最後佢終於如我所願。

事後，我同陳君儒都變得異常安靜。我開始思考我哋而家咁樣究竟算唔算一齊。

都互相講埋鍾意，應該都差唔多喇掛？但淨係講鍾意又好似唔代表啲咩喎⋯⋯之前我哋扑嘢都試過講鍾意對方。

我諗呢個問題諗到入晒神，以致於隔離嘅陳君儒忽然開口嘅時候，我以為自己有幻聽。

「我哋一齊好唔好。」

「吓？」我抬頭，下意識咁發出咗一下疑惑嘅聲音。

「⋯⋯你唔想？」陳君儒窒咗一窒，好明顯係誤會咗，本身一直攬住我嘅手都鬆開咗少少。

「唔係呀！」察覺到佢鬆手嘅意圖，我即刻捐入佢懷中，伸手攬實佢：「我想呀！」

佢似係鬆咗一口氣，語氣變得柔和咗：「咁你『吓』乜嘢。」

「我以為自己聽錯吖嘛⋯⋯」

「⋯⋯」陳君儒有啲無奈咁拍咗我個頭一下：「你真係傻傻哋。」唔知佢今日做咩咁鍾意拍我個頭。

確定咗關係之後，我有啲怕醜，所以開始喺度轉移話題：「唔好再拍我個頭喇！」我一邊揞住自己個頭一邊退開。

佢挑眉，語氣輕佻：「點解唔得？我係你主人喎。」

「你先唔係我主人！」

「？」陳君儒嘅表情頓時變得有啲危險。

「你係我男朋友！」我先唔驚佢。

「吓？邊個話做咗你男朋友唔可以做你主人？」陳君儒伸手想拉我過去佢嗰邊：「你而家好串咁喎。」

弊。

意識到大事不妙，我當機立斷咁起身想跳落床，但佢已經㩒住咗我。

「走去邊？」佢問。

「放開我呀你！」我掙扎。

「仲咁串下話。」佢壓住我，一隻手開始撫上我脆弱嘅頸部。

同佢扑過咁多次嘢，我已經好清楚佢下一步會做啲乜，只好即刻投降求饒：「對唔住對唔住！我唔敢喇⋯⋯」

不過陳君儒嘅表情睇落仲係未滿意。

佢嘅嘴唇緩緩靠近我，聲音壓低：「對唔住邊個？」

同時，佢嘅目光鎖定住我，眼眸中似有火光閃爍。俾佢咁樣望住，我忍唔住顫抖咁移開視線，個心跳得越嚟越快。

最後，我終於好冇骨氣咁放棄咗掙扎。

「對唔住主人⋯⋯」

「乖。」

恭喜一對新人

咁突然完
不過好甜都係！辛苦樓主

君哥又幾好仔

好唔捨得完

真係好甜
多謝樓主

lm

會唔會有個後記係反調教呢。

咁就完咗不過樓豬寫得好sweet

好好睇呀

睇曬好好睇但完得好突然
會唔會有番外，反調教番

完得太突然我唔捨得啊！！！！

幾好，唔錯。 有啲短。

辛苦晒樓主，寫得好好

未去過甜品鋪就完咗我想睇埋食評呀